I. La'ohe ba Giriati Yeari dawöla edit
1 Ba so mbanua Giriati Yeari, lahalö miyaŵa dawöla khö Yehowa; ba nomo Gabinadabi la'ohe, ba hili-hili, ba lafataro nononia Eleazari, ba wamaigi-maigi tawöla andrö, khö Yehowa. 2 Ba i'otarai luo labe'e ba Giriati Yeari dawöla, ba ara dania, ikhamö dua wulu fakhe; ba lafuli ira khö Yehowa ma'uwu Gizeraeli fefu.[1]
II. Ifahori'ö nadu ba Ndraono Gizeraeli Samueli edit
3 Ba humede Zamueli ba ma'uwu Gizeraeli fefu, imane: Na a'oi dödömi wamuli ya'ami khö Yehowa, ba miheta ba khömi Lowalangi niha baero andrö ba Asaroti andrö; khö Yehowa midölö dödömi, ha ya'ia mifosumange — ba i'efa'ö ami ba danga Ndrawa Wilisiti.[2] 4 Ba laheta Mba'ali andrö, fabaya Asaroti, Iraono Gizeraeli, ba hatö Yehowa lafosumange.[3] 5 Ba imane Samueli: Mifalukha'ö Ndraono Gizeraeli fefu, ba Misefa, ba mangandrö ndra'o khö Yehowa, salahimi![4] 6 Ba owulo ira ba Misefa ba lata'u nidanö ba lafaduwa föna Yehowa ba mamoni ba gö ira, me luo da'ö, ba latehe ba da'ö, lamane: No mafazökhi horö khö Yehowa. Ba ifatunö huhuo Ndraono Gizeraeli Samueli, ba Misefa.
III. Mangandrö Zamueli ba te'ala Ndrawa Wilisiti labe'e Iraono Gizeraeli edit
7 Ba me larongo Dawa Wilisiti, wa no owulo Ndraono Gizeraeli ba Misefa, ba so moroi sa zalaŵa Ndrawa Wilisiti, möi fasuwö ha Ndraono Gizeraeli. Ba me larongo da'ö Iraono Gizeraeli, ba ata'u ira Ndrawa Wilisiti andrö; 8 ba mangandrö ira khö Zamueli, lamane: Böi bato we'angaröfi li Lowalangida, Yehowa, salahima, ena'ö i'efa'ö ita ba danga Ndrawa Wilisiti![5] 9 Ba ihalö nono mbiri-biri, si lö aefa na ba mbagi zusu, ba ibe'e sumange Yehowa, nitunu, sumange sahori latunu. Ba fakao khö Yehowa Zamueli, salahi Ndraono Gizeraeli, ba ifondrondrongo khönia Yehowa. 10 Ba me itunu si'aikö zumange andrö Samueli, ba so Ndrawa Wilisiti, ba wasuwöta andrö ba Ndraono Gizeraeli. Ba ife'ugu-ugu sibai mbanua Yehowa, ba Ndrawa Wilisiti andrö, me luo da'ö, ba fawuka dödöra ibe'e, ba tobali abölö Ndraono Gizeraeli. 11 Ba laröi Misefa Iraono Gizeraeli, lagohi Ndrawa Wilisiti ba labubunu, irugi tou Mbetikari. 12 Ba ihalö gowe sebua Samueli ba itaru'ö ba gotaluara Misefa Yesana. Ba ibe'e töinia Ebeni-Haeseri (gowe wanolo) ba imane: Irugi da'e no itolo Yehowa! 13 Tobali tehöndrögö Ndrawa Wilisiti, tobali lö'ö sa'ae larugi danö Ndraono Gizeraeli, tohare sa'ae ba Ndrawa Wilisiti danga Yehowa, götö wa'anau noso Zamueli. 14 Ba banua Ndraono Gizeraeli andrö, ni'okhögö Ndrawa Wilisiti, ba mangawuli ba Ndraono Gizeraeli, i'otarai Nekerona, numalö ba Gata; ba tanöra göi, ba lafadöni ba Ndrawa Wilisiti Iraono Gizeraeli. Ba atulö ira Ndraono Gizeraeli Ndraono Gamori.
IV. Fanguhuku Zamueli edit
15 Ba sanguhuku Iraono Gizeraeli Zamueli, sagötö ya'ia. 16 Ba ero röfi itöröi mbanua, itörö Mbetieli ba Giligala ba Misefa, ba ifatunö huhuo Ndraono Gizeraeli ba mbanua andrö fefu. 17 Awena dania ifuli ia ba Rama; ba da'ö sa so nomonia, ba ba da'ö ifatunö huhuo bö'ö. Ba ifa'anö ba da'ö naha wame'e sumange khö Yehowa.
Famotokhi ba gahe edit
Fabaliŵa lala edit
Olayama Samueli I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö