Wb/nia/Samueli I/5

I. Famakao Dawa Wilisiti me no la'oloi'ö dawöla goroisa

1 Ba no lahalö khöra dawöla andrö khö Lowalangi Dawa Wilisiti; la'ohe ba Gasoto, la'otarai Ebeni Haezeri. 2 Ba latema lahalö dawöla andrö khö Lowalangi Dawa Wilisiti, la'ohe ba gosali Dagono, ba ngai Dagono labe'e. 3 Ba mahemolu ö, me möi ba gosali Dagono mbanua Gasoto, ba hiza, no aso'a Dagono andrö, föna dawöla khö Yehowa, no tetaru mbagi. Ba lahalö Dagono, lafuli lafasindro ba nahania. 4 Ba mahemolu ö, si hulö wongi, ba hiza, ba no ifuli tetaru mbagi Dagono föna dawöla khö Yehowa, högönia ba tangania ma'adua ba no ateu, ba doyo mbawandruhö so; hatö botonia zi tosai. 5 Andrö wa lö lahundragö doyo mbawandruhö Dagono ba Gasoto ere andrö khönia ba ma ha niha, na so zi möi ba gosalinia, irugi ma'ökhö andre. 6 Ba no tohare sibai ba mbanua Gasoto andrö danga Yehowa, ifeta'u ira ba ibözi ira faosa waba [fökhö famunu], banua Gasoto, fabaya si tefasui ya'ira. 7 Ba me la'ila da'ö banua Gasota andrö, ba lamane: Böi ya soso ba khöda dawöla andrö khö Lowalangi Ndraono Gizeraeli; noa sa tohare sibai khöda dangania, ba khö Lowalangida Dagono. 8 Ba lafatenge, ba lafalukha'ö zalaŵa Ndrawa Wilisiti fefu, ba khöra, ba lamane: He mawisa dawöla andrö khö Lowalangi Ndraono Gizeraeli? Ba lamane [salaŵa no mege]: Ndramu'ohe ba Gata dawöla andrö, khö Lowalangi Ndraono Gizeraeli. Ba la'ohe ia ba da'ö. 9 Ba me no irugi da'ö ba göna tanga Yehowa mbanua da'ö, fa'atobali dödö sabölö-bölö sibai: ibözi mbanua andrö, he satua, ba he iraono, ba tobali tumbu-tumbu khöra waosa.

II. Lafa'ohe'ö mangawuli dawöla

10 Ba lafa'ohe'ö ba Nekerona dawola andrö khö Lowalangi. Ba me irugi Nekerona, ba mangarö-ngarö mbanua Nekerona, lamane: No la'ohe khöma dawöla andrö khö Lowalangi Ndraono Gizeraeli, ba wamunu ya'aga, banuama fefu! 11 Ba lafatenge, lafalukha'ö zalaŵa Ndrawa Wilisiti fefu, lamane: Mifa'ohe'ö dawöla andrö khö Lowalangi Ndraono Gizeraeli, ena'ö mangawuli ba nahania ba ena'ö böi möi famunuma ba famunu mbanuama! Noa sa tobali sibai dödö mbanuara fefu, sahatö-hatö famunura; no tohare sibai khöra danga Lowalangi. 12 Ba si lö mate, ba tefakao faosa waba, ba terongo ba mbanua si yaŵa wangarö-ngarö mbanua andrö.

Famotokhi ba gahe

Fabaliŵa lala

Olayama Samueli I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö