I. Fanunö Khana edit
1 Ba mangandrö Khana, imane: "Owua-wua dödögu ibe'e Yehowa; no alaŵa yaŵa dandrugu ibe'e Lowalangigu; no faboka mbawagu ba khö zi fa'udu khögu, me no omuso dödögu wangorifimö ya'odo![1] 2 Samösa lö ni'amoni'ö si mane Yehowa, lö'ö sa baeromö; sambua sa lö gowe, timba Lowalangida.[2] 3 Böi mimane-mane: Fa'asalaŵa! fa'asalaŵa! Böi alua baehami wayaŵasa! Me no Lowalangi sangila [fefu hadia ia] Yehowa; no Lowalangi sanulo folau [niha].[3] 4 Fana zabölö, ba nirasa, ba salau-lau, ba la'amöbö talu wa'abölö. 5 Si no abuso mege, ba no möi enoni, ba wangalui göra, ba ba zolofo mege, ba no döhö wa'olofo. Fitu sa'ae nono zi lö ono mege, ba soya ono, ba sariri.[4] 6 Yehowa, ba no samunu [niha] ba sangorifi göi, itibo'ö ba mbanua tou ba i'ohe miyaŵa göi.[5] 7 Ifa'anumana niha Yehowa ba ifo'ana'a göi; ihöndrögö ba ibali'ö salaŵa göi. 8 Isöbi yaŵa moroi ba gawu-gawu tou zi no amomo, ba moroi ba dambu i'ohe yaŵa zi numana, ba ngai zalaŵa ifedadao, ituturu khöra naha nifosumange. Khö Yehowa sa gehomo danö, ba no ya'ia zame'e dayadaya danö ya'ia,[6] 9 Ifaigi-faigi gahe zatulö tödö andrö khönia, ba sebua horö, ba si tekiko ba zogömi-gömi. Tenga sa ba wa'abölönia möna niha:[7] 10 Si fa'udu khö Yehowa, ba nirasa! Ife'ugu-ugu mbanua si yaŵa, yaŵara; Yehowa zanguhuku balö danö misa. Ibe'e wa'abölö ba zalaŵa andrö khönia, i'alaŵa'ö yaŵa dandru nibayoininia andrö!"[8]
II. Falösökhi ndraono Eli andrö edit
11 Ba ifuli ia ba Rama [Khana]. Ba ono no mege, ba ihalö-halö halöŵö föna Yehowa, barö mbawa Eli ere andrö. 12 Ba no si lö ngaroro ndraono Eli andrö, lö ba dödöra Yehowa, 13 ba lö'ö göi latöngöni hadia zinema gere ba niha sato: Na so zame'e sumange, ba so ngoni-ngoni gere, fatua so bawu na nagole, sara garafu si tölu bawa ba dangania, 14 ba itaru'ö ba gali ba ma ba mbowoa ba ma ba mbalanga ba ma ba mako: ba hadia ia nifahö garafu andrö, ba ihalö khönia ere. Si manö wolaura ba Ndraono Gizeraeli fefu, si möi ba da'ö ba Zilo. 15 Ba lö'ö na mutunu dawö, ba so ngoni-ngoni gere andrö, ba imane ba zame'e sumange: Da nösi, nisala ö gere! Lö omasi ia zasoso khöu, ha sataha! 16 Ba na imane da'ö: Ni'ofönai'ö wanunu tawö; awena dania öhalö khöu zomasi'ö! ba imane: Tenga, dölö be'e — ba na lö'ö, ba u'anösö'ö wangai. 17 Tobali ebua sibai horö nono matua andrö [si darua] khö Yehowa, me lö ba dödöra zumange Yehowa.
III. Samueli ba inania edit
18 Ba Samueli andrö, ba no sangai halöŵö föna Yehowa, iraono sobaru ba doto, tarafali. 19 Ba itagutagu khönia na mbaru sanau, side-ide, inania, ero röfi i'ohe khönia, na möi ia misi yaŵa, awö ngambatönia, ba wame'e sumange andrö, sero röfi. 20 Ba ero so ira, ba ifahowu'ö Elikana andrö, awö wo'omonia, Eli, imane: Yamu'ali khöu nga'ötö ba ndra alawe andre Yehowa, fangali nibe'e niwawalö andrö khö Yehowa! Ba awena dania lafuli ira khöra.[9] 21 Ba itolo Khana Yehowa, ba tölu tö khönia nono matua ba dombua nono alawe. Ba ononia Samueli, ba si tedou-dou ba da'ö, khö Yehowa.
IV. Ambö fanegu Eli iraononia edit
22 Ba Eli andrö, ba no niha si no atua sibai. Ba na irongo, hadia ia fefu nilau ndraononia ba Ndraono Gizeraeli fefu, awö wa lahoröni ndra alawe andrö, sangai-ngai halöŵö ba golayama nose wama'ele'ö,[10] 23 ba imane khöra: Hana wa milau zi manö, nirongogu ba mbanua Yehowa fefu. 24 Böi mimanö, ya'ami iraonogu! turia si lö sökhi da'ö, nirongogu, ni'ombakhambakha'ö Ndraono Gizeraeli! 25 Na ba nawönia niha mosala niha ba salaŵa zanguhuku; ba na so horönia khö Yehowa, ba ha niha zi möi sanguhuku? — Ba lö lafondrondrongo niŵa'ö namara; noa sa ihonogöi Yehowa, ibunu ira.[11] 26 Ba ono matua andrö, Samueli, ba itugu tedou ba itugu falukha ia wa'ebua dödö Yehowa ba fa'ebua dödö niha.[12]
V. Itegu Eli sama'ele'ö edit
27 Ba so genoni Lowalangi, si möi khö Eli, imane khönia: Da'ö niŵa'ö Yehowa: Noa sa u'oroma'ö ndra'o khö ndra tuau, me sawuyu ira na ba danö Miserayi, barö mbawa ndra Fara'o, 28 ba no utuyu ira khögu, ere, ba mado Ndraono Gizeraeli andrö fefu, ena'ö same'e sumange ira ba naha wame'e sumange andrö khögu ba sanunu samohua, ba ena'ö ya'ira ziobaru baru ba doto andrö, fönagu, ba no ba danga ndra tuau ube'e zumange andrö nifatörö ba galitö fefu, nibe'e Ndraono Gizeraeli[13] — 29 Ba hana wa mihundrahundra zumangegu andrö, nitaba, awö zumange ni'a, niŵa'ögu nibe'e, ba nose andrö? Ba no ebua dödöu ba ndraonou andrö, moroi ba wa'ebua dödöu khögu, tobali esolo ami ba zi sökhi ba zumange andrö fefu, nibe'e Ndraono Gizeraeli khögu. 30 Andrö imane Yehowa, Lowalangi Ndraono Gizeraeli: Noa sa uŵa'ö, böi tebulö fönagu nga'ötöu, nga'ötö ndra tuau andrö — ba iya'e, ba imane Yehowa: Lö edönado! Ha niha zamosumange ya'o, a'ine, ba ufosumange göi, ba sangositengagö ya'o, ba ni'ositengagö göi. 31 Irugi baŵa dania, ba urasa da'iomö ba ta'io nga'ötöu, tobali lö'ö sa'ae satua moroi yomo khöu. 32 Ba anehe'ö dania zi sökhi andrö fefu nibe'egu ba Ndraono Gizeraeli; ba moroi yomo khöu, ba alösu lö'ö sa'ae satua.[14] 33 Ba ha samösa nga'ötöu zi lö ufaogö ba wangohori ya'ira, ba naha wame'e sumange khögu, ena'ö sabözi ia dania ba ena'ö salangu tödö; ba sato nga'ötöu fefu, ba si mate ba mbawa zi'öli niha.[15] 34 Tandra khöu zi göna nonou andrö si darua, Hofini ba Fineha: ha samuza ma'ökhö, ba endronga mate ira![16] 35 Ba ufataro dania khögu gere si lö faröi, solo'ö nikhoi dödögu ba somasi ndra'o; khönia ulau nomo si lö tebulö, ena'ö lö mamalö-malö, wa föna nibayoini andrö khögu soso ia. 36 Ba hiza dania: na so zi tosai na nga'ötöu, ba möi mangalulu khönia, mangandrö kefe, ba ma kue sagörö, wanguma'ö: Tehe khögu halöŵö gere hadia ia, ena'ö usöndra gögu ma'ifu!
Famotokhi ba gahe edit
Fabaliŵa lala edit
Olayama Samueli I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö