I. Iheta ia sanguhuku Samueli edit
1 Ba imane Samueli ba Ndraono Gizeraeli fefu: Hiza, no ufondrondrongo limi fefu hadia ia niŵa'ömi khögu, ba no ufataro khömi razo.[1] 2 Ba hiza iada'e, ba sowaö-waö fönami razo andrö; ba ya'o, ba si no atua, ba si no tohare huwa; ba hiza, iraonogu zi so khömi. Ba i'otarai iraono ndra'o, irugi ma'ökhö andre, ba no anehe ami döröŵagu. 3 Ba ya'e ndra'odo, mi'ae udugu föna Yehowa ba föna nibayoininia andrö! Ha saŵi ba ha kalide nihalögu? Ha niha nifakaogu ba ha niha nihundragögu? Ba heza u'a gana'a, wamakifu hörögu? Mi'adugö ndra'o, ba da'ufuli khömi![2] 4 Ba lamane: Lö nifakaomö ba lö nihudragömö ya'aga, samösa lö nihalömö hadia ia. Ba imane khöra: 5 Ya si so ba mbörö Yehowa, ba khömi andrö, ba he nibayoininia andrö, ba ya si so ba mbörö ma'ökhö, wa lö nisöndrami hadia ia, ba dangagu. Ba lamane: Ya'ia da'ö!
II. Huhuonia ba walukhata zato edit
6 Ba imane Samueli ba zato: Si so ba mbörö Yehowa andrö, somböi ira Moze A'aroni, ba solohe miyaŵa ira tuami, moroi ba danö Miserayi! 7 Ba mi'ondrasi, ena'ö u'ombakha'ö khömi, föna Yehowa, ba ena'ö ufasugi ba dödömi wa'ebua dödö Yehowa andrö fefu, khömi ba khö ndra tuami. 8 Me no irugi danö Miserayi Yakobo, ba lafakao ira Dawa Miserayi. Ba la'angaröfi li Yehowa ira tuami, ba ifatenge ndra Moze A'aroni, sangeheta ira tuami ba danö Miserayi ba ba danö da'e ifataro ira. 9 Ba olifu ira Lowalangira Yehowa. Ba i'amawa ira ba danga Zisera andrö, kumandra Yabino andrö, razo Hasora, ba ba danga Ndrawa Wilisiti andrö, ba ba danga razo Ndraono Moabi; tobali lalau khöra.[3] 10 Ba la'angaröfi li Yehowa, lamane: Horöma, me no ma'erogö Yehowa ba me no mafosumange Mba'ali andrö ba Asera andrö: ba iya'e, ba efa'ö ndra'aga ba danga nemalima andrö, ba ya'ugö mafosumange! 11 Ba ifatenge Yerubi-Mba'ali andrö Yehowa, ba Baraki ba Yefita ba Samueli, i'efa'ö ami ba danga nemalimi andrö, fasui, tobali lö'ö sa'ae hadia ia khömi, ahono ami baomomi.[4] 12 Ba me mi'ila, so moroi sa Nahasi andrö, razo Ndraono Gamoni, ba wanuwö ya'ami, ba mimane khögu: Böi! razo zamatörö ya'aga! — lö lai wa no Lowalangimi, Yehowa, razomi.[5] 13 Ba lau, ba hiza razomi andrö, nituyumi, no ifataro khömi razo Yehowa. 14 Na mi'ata'ufi Yehowa, na mifosumange ia ba na mifondrondrongo linia, na lö mifadaö niŵa'ö Yehowa, na mi'o'ö khö Lowalangimi Yehowa, he ya'ami, ba he razo andrö, samatörö ya'ami (ba itolo ami Yehowa). 15 Ba na lö mifondrondrongo li Yehowa, ba na te khömi goroisa Yehowa, ba udumi dania danga Yehowa ba udu razomi andrö. 16 Ba mi'ondrasi, ba minehegö zebua andrö, nilau Yehowa, ba zanehe ami. 17 Hadia, tenga baŵa wamasi gandru iada'e? Ba mangandrö ndra'o khö Yehowa, ena'ö mu'ugu mbanua ba ena'ö moteu ibe'e: ba mi'ila dania ba aboto ba dödömi wa'ebua lalömi wamaigi Yehowa, me no mi'andrö razo!
III. Fa'abe'e huku Lowalangi ba fa'ebua dödönia edit
18 Ba mangandrö Zamueli khö Yehowa, ba mu'ugu mbanua ba moteu ibe'e Yehowa, me luo da'ö. Ba ata'u sibai niha sato Yehowa ba Samueli. 19 Ba lamane khö Zamueli niha sato fefu: Angandrö khö Lowalangimö, Yehowa, salahi zawuyumö andre, fa böi tekiko ndra'aga, me no manönö na horöma andrö fefu lalö andrö, fangandrö razo! 20 Ba imane Samueli ba niha sato: Böi mi'abusi tödö: si ndruhu sa, no milau zi lö atulö andrö, fefu — ba böi atö mibato sa'ae, wolo'ö khö Yehowa, mifosumange Yehowa, moroi si'aikö ba dödömi, 21 ba böi mi'o'ö waya-faya andrö, si lö guna ba si tenga fangorifimi, me no si lö boto.[6] 22 Lö'ö sa itibo'ö mbanuania Yehowa, börö döinia andrö, si no ebua; noa sa atö omasi Yehowa, ibali'ö banuania ami.[7] 23 Ba ya aröu göi khögu wamazökhi horö khö Yehowa, wamöhöi fangandrö salahimi: u'oroma'ö sa khömi lala si sökhi andrö, lala sadölö.[8] 24 Ba mi'ata'ufi Yehowa, ba böi faröi ami khönia, wamosumange ya'ia, soroi si'aikö ba dödömi; mitöngöni sa'ae zebua andrö, nilaunia khömi![9] 25 Ba na si lö sökhi milau, ba nihori ami, fabaya razomi andrö.
Famotokhi ba gahe edit
Fabaliŵa lala edit
Olayama Samueli I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö