Wb/nia/Samueli I/6

I. Lafa'ohe'ö mangawuli dawöla

1 Ba me no fitu waŵa dawöla andrö ba danö Ndrawa Wilisiti, 2 ba humede Ndrawa Wilisiti ba gere ba ba zi faeta, lamane: He tawisa ba dawöla andrö khö Yehowa? Mi'ombakha'ö khöma, he tawisa wamuli ya'ia ba nahania. 3 Ba lamane: Na mifa'ohe'ö dawöla andrö, khö Lowalangi Ndraono Gizeraeli, ba böi mifa'ohe'ö manö, lö mufo'awö; mifao sa'ae khönia wanala'ö, ba döhö dania wökhömi, ba oroma khömi, hana wa lö aefa khömi dangania. 4 Ba lamane: Hadia nibe'e fanala'ö? Ba lamane [si faeta no mege]: Dali wa'ato zalaŵa Ndrawa Wilisiti: lima ngawua famaedo waoso waba andrö, ana'a ba lima wamaedo de'u ndröfi, ana'a, me no faoma göna ami famakao andrö, he ya'ami, ba he salaŵami. 5 Ba mifazökhi wamaedo waosa waba andrö khömi ba famaedo de'u ndröfi khömi, samakiko tanö, ba wamosumange Lowalangi Ndraono Gizeraeli andrö: ma atö lö itohugö ihare'ö dangania khömi ba khö Lowalangimi andrö ba ba danömi. 6 Hana sa wa edöna ami mi'abe'e'ö dödömi, si mane Dawa Miserayi föna, me la'abe'e'ö dödöra, awö Wara'o? Hadia, fayagu? me i'o'aya ira, awena lafofanö [Ndraono Gizeraeli]? 7 Ba milabu, mihalö [zoguna] ba mifazökhi kureta si bohou, ba mihalö zigelo zaŵi, si bohou mo'ono, dua geu, ba zi lö irai tohare galo mbagi; mibe'e sondröni kureta andrö saŵi andrö ba miheta khöra nonora, mifuli mi'ohe ba nahara. 8 Ba mihalö dawöla andrö khö Yehowa, mibe'e ba gureta andrö. Ba ana'a andrö, nibe'emi fanala'ö, ba mibe'e ba wetifeti, ba ngainia, ba mifofanö. 9 Ba mifaigi: na itörö lala ba wangawuli ba Mbetiseme, ba no Ya'ia [Lowalangi] zamatörö khöda famakao sabölö-bölö andrö; ba na tenga, ba aboto ba dödöda, wa tenga tangania zi tohare khöda: so manö, lö mila, zi no göna ita. 10 Ba la'o'ö da'ö, dua geu lahalö saŵi si bohou mo'ono, ba labe'e sondröni kureta; ba onora, ba lö lafa'amöi. 11 Ba labe'e ba gureta dawöla andrö khö Yehowa, fabaya fetifeti, si so bakha famaedo de'u ndröfi ana'a andrö, awö wamaedo waosara andrö. 12 Ba ladölö ira ba Mbetiseme saŵi andrö; lala sebua manö latörö, labato wendröndröndröndrö, ba lö lahole'ö ira, he ba gambölö, ba he ba gabera; ba la'o'ö salaŵa Ndrawa Wilisiti, irugi ba nola Mbetiseme.

II. Omuso dödö Mbetiseme me irugi khöra

13 Ba banua Mbetiseme, ba mamasi sibai gandru ba ndraso. Ba me lafakhölö ira ba me la'ila dawöla, ba omuso dödöra, me no so ia. 14 Ba me no irugi nowi Yosua kureta andrö, ba tebato ia ba da'ö. Ba no so gowe sebua ba da'ö. Ba lasila geu gureta andrö, ba labe'e sumange Yehowa nitunu zaŵi andrö. 15 Ba labe'e tou dawöla khö Yehowa ono Lewi, fabaya fetifeti andrö ba ngainia, si so bakha ana'a andrö, ba latou'ö tou ba dete gowe sebua andrö. Ba banua Mbetiseme andrö, ba labe'e zumange nitunu, lataba khö Yehowa zumange nitaba, me luo da'ö. 16 Ba lafaigi-faigi salaŵa Ndrawa Wilisiti andrö, si dalima ba awena lafuli ira ba Nekerona, oi me luo da'ö. 17 Ba da'ö wamaedo waosa waba andrö, nibe'e Ndrawa Wilisiti khö Yehowa, fanala'ö: sambua ba Gasoto ba sambua ba Gasa, ba sambua ba Asekalo, ba sambua ba Gata, ba sambua ba Nekerona. 18 Ba awö de'u ndröfi ana'a andrö, dali wa'oya mbanua Ndrawa Wilisiti andrö fefu, barö mbawa zalaŵa andrö, si dalima, ba banua saro andrö, ba he banua side-ide ba danö misa. Ba no tandra-tandra gowe sebua andrö, ba nibe'era ba dete tawöla khö Yehowa, ba mbenua Yosua andrö, banua Mbetiseme, irugi ma'ökhö andre.

III. Fotu zamaigi tawöla

19 Ba iraono Yekhonia, banua Mbetiseme, ba te'ala, me no lafaigi nösi dawöla andrö khö Yehowa; 70 ibunu banuara. Ba abu dödö zato, me no si manö wa'ato ibunu banuara Yehowa. 20 Lamane banua Mbetiseme andrö: Ha niha zi lö te'ala föna Yehowa, Lowalangi ni'amoni'ö andrö? Ba ha khö idölö ia, ba khöda andre? 21 Ba lafatenge ba mbanua Giriati Yeari, lamane khöra: No la'ohe mangawuli dawöla khö Yehowa Dawa Wilisiti, mi'ae mitou, mihalö ia miyaŵa khömi!

Famotokhi ba gahe

Fabaliŵa lala

Olayama Samueli I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö