I. Humede Lowalangi khö Zamueli
edit1 Ba ono matua andrö, Samueli, ba no sangai halöŵö föna Yehowa, barö mbawa Eli. Ba fehede Yehowa, ba ha ŵaraö, me luo da'ö, ba angilata, ba mo'otalua sibai.[1] 2 Ba me luo da'ö, me mörö Eli ba nahania — no abösi hörönia, lö'ö sa'ae i'ila niha; 3 ba lö'ö na sa mubunu wandru andrö khö Lowalangi; ba Samueli, ba no mörö göi, ba gosali Yehowa, ba zi so tawöla andrö khö Lowalangi[2] — 4 ba mu'ao Yehowa khö Zamueli, ba imane: 5 Ya'e ndra'odo! Ba möi ia khö Eli, imane: Ya'e ndra'odo, me no mu'ao'ö khögu. Ba imane Eli: Lö si'aodo khöu, ae fuli förö! Ba möi ia, ifuli mörö. 6 Ba mu'ao zamuza tö Yehowa, imane: He Samueli! Ba maoso Zamueli, möi khö Eli, imane: Ya'e ndra'odo, noa sa mu'ao'ö khögu! Ba imane Eli: Lö si'aodo khöu, onogu; ae fuli förö! 7 Lö'ö na sa aboto ba dödö Zamueli Yehowa ba lö'ö na sihede khönia Yehowa. 8 Ba ifuli mu'ao Yehowa khö Zamueli, medölu sa'ae. Ba maoso Zamueli, möi khö Eli, imane: Ya'e ndra'odo, noa sa mu'ao'ö khögu! Awena aboto ba dödö Eli, wa no Yehowa zi'ao ba ndraono andrö. 9 Andrö imane Eli khö Zamueli: Ae fuli förö; ba na muhede ia khöu, ba ömane: Hede Yehowa! Irongo enoniu! Ba möi Zamueli, ifuli mörö ba nahania.
II. I'ombakha'ö khönia huku andrö, nifatörö khö Eli ba ba ndraononia. Faduhu dödö Ndraono Gizeraeli khö Zamueli
edit10 Ba so Yehowa, i'agö da'ö ba mu'ao, si mane mege: He Samu'eli! He Samueli! Ba imane Samueli: 11 Hede, irongo enoniu! Ba imane Yehowa khö Zamueli: Hiza, so dania nilaugu ba Ndraono Gizeraeli, ba dozi samondrongo, ba afökhö dögi dalinga ma'adombua.[3] 12 Na luo da'ö, ba ahori ufatörö khö Eli niŵa'ögu ba zi samba omo andrö khönia — ubörögö ba u'asiwai göi. 13 Ba ya'ugö zangombakha khönia, wa no u'etu'ö huku zi samba omo andrö khönia, si lö fulitö, me no i'ila, wa no sango'aya Lowalangi ndraononia andrö, ba me lö nitenaŵania ya'ira. 14 Ba no fahölu ndra'o, ba zi samba omo ndra Eli andrö, no umane: Si ndruhu, irugi zi lö aetu, ba lö fameta horö zi samba omo ndra Eli andrö, he sumange nitaba, ba he sumange ni'a! 15 Ba mörö Zamueli, irege moluo. Ba me moluo, ba maoso ia mamokai bawandruhö gosali Yehowa. Ba ata'u Zamueli i'ombakha'ö khö Eli ni'ilania andrö. 16 Ba humede Eli khö Zamueli, imane: He onogu Samueli! Ba imane: Ya'e ndra'odo! 17 Ba imane Eli: Hadia ia, niŵa'önia khöu? Böi bini'ö khögu; yamulau khöu Lowalangi, na öbini'ö khögu hadia ia, niŵa'önia khöu! 18 Ba ahori i'ombakha'ö khönia Samueli, lö hadia ia ibini'ö. Ba imane Eli: Yehowa ia; yamulau zomasi ia![4] 19 Ba manöi Zamueli, ba itolo ia Yehowa; lö ibe'e aekhu ba danö hadia ia niŵa'önia mege. 20 Ba aboto ba dödö Ndraono Gizeraeli fefu, i'otarai Dano, numalö ba Mbereseba, wa no sama'ele'ö si lö faröi Zamueli, khö Yehowa. 21 Ba itohugö Yehowa, wangoroma'ö ya'ia ba Zilo; khö Zamueli sa'ae i'oroma'ö ia Yehowa ba Zilo: humede khönia Yehowa.
Famotokhi ba gahe
editFabaliŵa lala
editOlayama Samueli I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö