Wb/nia/Samueli I/29

I. Laŵa'ö wamofanö Dawido salaŵa Ndrawa Wilisiti

1 Ba la'owuloi zabölö khöra fefu Dawa Wilisiti ba Afeki, ba ba zinga gumbu nidanö ba Yezere'eli tebato Ndraono Gizeraeli. 2 Ba me so zalaŵa Ndrawa Wilisiti, me la'ohe ngaotu khöra, awö ngahönö khöra ba me so göi moroi furi Dawido ba awönia andrö, awö Nakhisi, 3 ba lamane salaŵa Ndrawa Wilisiti: Hadia lawai niha Heberaio andrö? Ba imane Akhisi ba zalaŵa Ndrawa Wilisiti: Dawido da'ö, si so khö Zaulo mege, Saulo razo Ndraono Gizeraeli, no mendrua fakhe ia khögu, ba i'otarai luo da'ö, me isaŵa ndra'o, irege ma'ökhö, ba lö ni'ilagu hadia ia [zi sala] khönia. 4 Ba mofönu khönia zalaŵa Ndrawa Wilisiti, ba lamane khönia: Fatenge mangawuli niha andrö! Yamufuli ia ba nahania andrö, niŵa'öu khönia, böi fao ia khöda ba wanuwö, fa böi i'a mbölida ba wanuwö andrö. Hadia zi sökhi böli wa'ebua dödö zokhö ya'ia khönia, moroi ba högö mbanuada andre? 5 Hadia, tenga ya'ia Dawido andrö, nisunora no andrö, me manari, me lamane: "Ngahönö nibunu Zaulo, ba no ba ngafulu ngahönö nibunu Dawido?"

II. Ifofanö ia Akhisi he ŵa'ae abua khö Nakhisi

6 Ba ifakaoni'ö Dawido Akhisi, ba imane khönia: Faya wa no sauri Yehowa, na tenga sadölö tödö ndra'ugö, ba somasi ndra'o, na awö-awögu ndra'ugö ba wanuwö, lö'ö sa ni'ilagu khöu si lö atulö, i'otarai me ösaŵa ndra'o, irugi ma'ökhö andre — ba salaŵa bö'ö andrö, ba lö omasi ira ndra'ugö. 7 Ba fuli'ö, ya lö hadia ia khöu, fa böi ölau hadia ia zi fatuwu ba zalaŵa Ndrawa Wilisiti andrö. 8 Ba imane Dawido khö Nakhisi: Ba hadia horögu? hadia, ni'ilau khö zawuyumö andre, i'otarai me möido enoniu, irugi ma'ökhö andre, wa lö möido fasuwö ba nemali razo sokhö ya'odo? 9 Ba itema li Dawido Akhisi, imane khönia: U'ila sa, wa no somasi ndra'o ndra'ugö, si mane mala'ika Lowalangi: ha salaŵa Ndrawa Wilisiti zanguma'ö: lö tola möi ia awöda ba wanuwö! 10 Ba mahemolu, ba faoso, awö mbanua zokhö ya'ugö, si fao khöu mege, me so'ö, mihulö sibai wongi, ba mifuli ami ba nahami andrö, niŵa'ögu khömi, ba böi mamaudu dödöu khögu, omasido sa ndra'ugö — mifaoso, si hulö si'ai wongi mahemolu, ena'ö na moluo sibai mangefa ami. 11 Ba manguwuli sa'ae ba danö Ndrawa Wilisiti Dawido ba awönia andrö, lahulö wongi. Ba lasaŵa misi yaŵa Yezere'eli Dawa Wilisiti.

Famotokhi ba gahe

Fabaliŵa lala

Olayama Samueli I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö