I. Isuko Ndrawa Wilisiti Yonata. Ato sibai Ndrawa Wilisiti ba tosasa Ndraono Gizeraeli edit
1 öfa wulu fakhe Zaulo, me tobali razo ia, ba dua wulu a rua fakhe razo ia ba Ndraono Gizeraeli. 2 Ba itutuyu khönia zi 3.000 niha ba Ndraono Gizeraeli Saulo; 2.000 nawö Zaulo ba Mikhima, ba ba hili ba Mbetieli, ba 1.000 nawö Yonata ba Gibea, ba mado Mbeniyami. Ba si tosai sabölö, ba ifofanö, hana na ifuli ia ba khöra zamösana. 3 Ba irasa harefa Ndrawa Wilisiti andrö ba Geba Yonata. Ba larongo Dawa Wilisiti: No molaŵa niha Heberaio! Ba noa sa'ae ifalau'ö dorofe Saulo, ba danö misa, ma'asagörö,[1] 4 ba larongo Iraono Gizeraeli fefu: No irasa harefa Ndrawa Wilisiti andrö Saulo, ba na aböu manö döi Ndraono Gizeraeli ba Ndrawa Wilisiti. Ba tefakaoni'ö zato, awö Zaulo, ba Giligala, 5 ba noa göi te'anö Ndrawa Wilisiti, ba wanuwö Iraono Gizeraeli, 3.000 gureta ba 6.000 zi fakudo; ba si lö kudo, ba no fa'oya ngawua nene ba mbewe nasi; ba so ira moroi sa, ba ba zinga Mikhima tebato, ba gamaudu Mbeti Awena. 6 Ba me la'ila Iraono Gizeraeli wa'atosasara (no abu sibai dödöra), ba labini'ö ira ba dögi narö hili, ba dögi danö, ba dögi narö gara ba ba lösulö suba ba mba'a, 7 ba latörö götöna ba Yoridano, lasaŵa danö mado Gado ba tanö Gileadi. Ba ba Giligala na sa so Zaulo; ba no laröi ia sabölö fefu, ba wa'ata'ura andrö.
II. Ifahulö wame'e sumange Saulo ba itegu ia Samueli edit
8 Ba fitu bongi ibaloi, irugi ginötö nihonogöi Zamueli, ba lö möi ba Giligala Zamueli. Ba me muzaewe manö niha, me laröi ia,[2] 9 ba imane Saulo: Mi'ohe khögu zumange nitunu andrö, ba sumange fangorifi! ba ibe'e zumange nitunu. 10 Ba me no awai khönia wame'e sumange andrö, ba so Zamueli. Ba ifaondragö ia Saulo, ba wangowai ya'ia. 11 Ba imane Samueli: Hadia nilaumö? Ba imane Saulo: No u'ila, wa muzaewe manö niha, wa laröi ndra'odo; ba irugi inötö, ba lö ya'ugö, lö lai, wa no owulo Ndrawa Wilisiti, ba Mikhima. 12 Ba umane dödögu: Möi mitou sa'ae Ndrawa Wilisiti, khögu, ba Giligala, ba lö ni'andrögu fa'ebua dödö Yehowa; ba u'abe'e'ö dödögu, wame'e sumange andrö. 13 Ba imane Samueli khö Zaulo: No sambö era-era ndra'ugö; oroisa andrö, nibe'e Lowalangiu, Yehowa, khöu, ba no lö ni'o'öu; i'aro'ö ena'ö iya'e Yehowa wa'arazomö ba Ndraono Gizeraeli, fa böi tebulö. 14 Ba me no si manö, ba tenga si lö tebulö wa'arazomö andrö. Noa sa i'alui khönia Yehowa niha si faduhu dödönia, ba wame'e razo mbanuania ya'ia. Me no lö ni'o'ömö niŵa'ö Yehowa khöu.[3]
III. Ambö fangöna ba Ndraono Gizeraeli edit
15 Ba maoso Zamueli, iröi Giligala, ifuli ia. Ba si tosai sabölö, ba la'o'ö Zaulo, ba wamaondragö sanuwö. Ba me no larugi Gibea, ba mado Mbeniyami, me la'otarai Giligala, ba i'ofaya zabölö andrö si fao na khönia Saulo, so mato 600. 16 Ba ba Geba, ba mado Mbeniyami, la'iagö Saulo ba ononia Yonata, awö niha andrö, si fao khöra na, ba ba Mikhima tebato mege Ndrawa Wilisiti. 17 Ba so zi otarai golombaseŵa Ndrawa Wilisiti si möi farabu, tölu bawa: Si sambawa, ba lasaŵa Gofera, möi ba danö Zuala, ba si sambawa, 18 ba ba Mbeti Horona ladölö ira, ba si sambawa, fanete da'ö, ba möi ba hili andrö, si otahögö daso andrö nifotöi daso Zebo'i ba tanö si mate tanö sa. 19 Ba lö falukha ziambu ba danö Ndraono Gizeraeli ma'asagörö (lamane dödöra Dawa Wilisiti: Ma dania laböbözi khöra zi'öli ba toho niha Heberaio andrö!)[4] 20 Dozi Iraono Gizeraeli, ba lö tola lö'ö, mitou ba Ndrawa Wilisiti möi, na so ni'ambukhi, ma si'öli wamali'ö danö, ba ma faku ba ma fato ba ma tambila. 21 Na no afuru mbawa zi'öli wamali'ö danö ba he faku ba he garafu andrö ba he fato ba he ba wangadölö tukotuko zi matua zaŵi. 22 Ba na so wasuwöta, ba lö si'öli ba lö toho ba zabölö andrö fefu, si fao khö ndra Saulo ononia Yonata; ba so sa khö Zaulo ba khö nononia Yonata. 23 Ba sambawa Dawa Wilisiti, ba larugi mbawa danö andrö fönaföna Mikhima.
Famotokhi ba gahe edit
Fabaliŵa lala edit
Olayama Samueli I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö