I. Isuwö Yabesi Nahasi, razo Ndraono Gamoni edit
1 Ba mato sara waŵa, ba so moroi sa Nahasi, Iraono Gamoni ba wanuwö Yabesi ba danö Gileadi. Ba lamane banua Yabesi andrö fefu khö Nahasi: Datalau fawu'u li, ba möiga barö mbawau.[1] 2 Ba imane khöra Nahasi, Iraono Gamoni: Ba da'ö fawu'u li ita, udozigö ami wogu hörömi kambölö, fango'aya Iraono Gizeraeli fefu![2] 3 Ba lamane satua mbanua Yabesi khönia: Fonoso ndra'aga, fitu bongi, ena'ö mafatenge zinenge ba danö Ndraono Gizeraeli ma'asagörö; ba na lö dania sanolo ya'aga, ba mabe'ega ba dangau! 4 Ba me larugi Gibea, banua Zaulo andrö, sinenge, me la'ombakha'ö ba zato niŵa'öra, ba mege-ege sibai niha sato fefu.
II. I'ohe Ndraono Gizeraeli Saulo ba wanimba ya'ira edit
5 Ba hiza, so Zaulo, i'otarai nowi, molohe saŵi ba da'ö. Ba isofu Saulo, imane: Hadia ba niha sato, wa mege-ege? Ba la'ombakha'ö khönia niŵa'ö mbanua Yabesi andrö. 6 Ba me no irongo, he wisa, ba so khönia Geheha Lowalangi, ba mofönu sibai ia.[3] 7 Dua geu ira'u saŵi ba itatawi ba ifatöröi'ö ba danö Ndraono Gizeraeli ma'asagörö, imane: Ha niha zi lö fao khö ndra Saulo Samueli, ba lamanö göi ba zaŵinia! Ba ihawui fa'ata'u khö Yehowa zato fefu, ba möi ira, ha sara dödö.[4] 8 Ba me i'ofaya ira ba Mbeseki, ba no 300.000 Iraono Gizeraeli ba 30.000 ma'uwu Yuda. 9 Ba imane ba zinenge andrö, si möi khöra mege: Mi'ombakha'ö ba mbanua Yabesi ba danö Gileadi: Mahemolu, na aukhu zino, ba so zangorifi ya'ami! Ba lafuli ira sinenge andrö, ba la'ombakha'ö ba mbanua Yabesi, ba omuso dödöra. 10 Ba lafaŵa'ögö khö Nahasi banua Yabesi, lamane: Mahemolu malulu ndra'aga khömi: ba hana na milau khöma zomasi ami.
III. Te'ala Ndraono Gamoni. Fangaro fa'arazo edit
11 Ba mahemolu mbanua, ba i'otölu bawa niha Saulo, ba lahawui golombaseŵa si hulö wongi, ba ato sibai labubunu Iraono Gamoni, irege aukhu zino. Ba si tosai, ba muzaewe, lö'ö sa'ae si fao si darua khöra. 12 Ba lamane sato khö Zamueli: Ha niha zanguma'ö no: Hadia, razoda Zaulo andrö? Mi'ohe ba dae, ena'ö tabunu ira![5] 13 Ba imane Saulo: Lö tola mate niha ma'ökhö, me no itolo Ndraono Gizeraeli Yehowa ma'ökhö andre.[6] 14 Ba imane Samueli ba niha sato: Mitabu, möi ita ba Giligala, ba wangaro'ö fa'arazo ba da'ö.[7] 15 Ba möi ba Giligala zato fefu ba lafataro razo Zaulo föna Yehowa ba da'ö, ba Giligala. Ba lataba zumange fangandrö saoha gölö, ba da'ö föna Yehowa, ba somuso sibai tödö Zaulo ba ira matua Ndraono Gizeraeli.
Famotokhi ba gahe edit
Fabaliŵa lala edit
Olayama Samueli I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö