I. Te'ala Ndraono Gizeraeli ba te'oloi'ö dawöla zura goroisa
edit1 Ba humede Zamueli ba Ndraono Gizeraeli fefu; ba maoso Ndraono Gizeraeli, möi fasuwö ba Ndrawa Wilisiti, la'iagö ngai Ebeni Haezeri, ba ba ngai Nafeki so Ndrawa Wilisiti. 2 Ba lalau ba Ndraono Gizeraeli Dawa Wilisiti; ba lö'ö sa fagölö-gölö wa'abe'e wasöndrata; te'ala Ndraono Gizeraeli labe'e Dawa Wilisiti; mato 4.000 zi mate, ba zi fasöndra ira, ba mbolo mbenua. 3 Ba me no mangawuli ba golombaseŵa zato, ba lamane salaŵa Ndraono Gizeraeli: Hana wa ibe'e Yehowa te'ala ita ba Ndrawa Wilisiti ma'ökhö? Datahalö khöda dawöla zura goroisa Yehowa ba Zilo, ena'ö möi ia awöda, ba wangefa'ö ya'ita ba danga nemalida andrö! 4 Ba lafatenge ba Zilo sato, ba lahalö dawöla goroisa Yehowa ngahönö, sidadao yaŵa Kerubi; ba iraono Eli andrö si darua, Hofini ba Fineha, ba fao ba dawöla goroisa Lowalangi andrö.[1] 5 Ba me irugi golombaseŵa tawöla goroisa Yehowa, ba lakaraini wa'iki Iraono Gizeraeli fefu, irege humisi danö. 6 Ba me larongo wa'owua-wua dödö andrö Dawa Wilisiti, ba lamane: Hadia wa'iki andrö, sabölö-bölö sibai, ba golombaseŵa niha Heberaio? Ba me larongo, no irugi golombaseŵa tawöla andrö, khö Yehowa, 7 ba ata'u Ndrawa Wilisiti, lamane sa'ae dödöra: Lowalangi zi möi khöra ba golombaseŵa. Ba lamane: Alai ita sa'ae, lö'ö sa irai föna si mane da'ö! Alai ita! 8 Ha niha zangefa'ö ya'ita ba danga Lowalangi sabölö andrö? Da'ö Lowalangi andrö, samatörö ba Ndrawa Miserayi no ngawalö wamakao ba fökhö waba! 9 Ba mi'abe'e'ö dödömi, ya sabölö ami, ya'ami, Dawa Wilisiti, fa böi möi sawuyu niha Heberaio ami, si mane ya'ira, me no möi sawuyumi. Ya sabölö ami, ba milau![2] 10 Ba lalau Dawa Wilisiti; ba te'ala Ndraono Gizeraeli ba moloi, isaŵa khöra zamösana: No abölö sibai wa'ate'ala; 30.000 zi mate Iraono Gizeraeli, si lö kudo. 11 Ba tawöla andrö khö Lowalangi, ba larabu [Dawa wilisiti] ba iraono Eli andrö, si darua, Hofini ba Fineha, ba mate nibunu.[3]
II. Fa'amate Eli ba fa'amate wo'omo Wineha andrö
edit12 Ba so zoloi, samösa, mado Mbeniyami, iröi wasöndrata ba irugi Zilo, me luo da'ö; no isika nukhania ba no ilau danö ba högönia.[4] 13 Ba me irugi, ba no dumadao Eli ba kurusi, ba ngai mbawa göli, ifaigi-faigi lala; ibusi tödö sa'ae dawöla khö Lowalangi. Ba me so niha andrö, ba wangombakha ba mbanua, ba mu'ira-ira mbanua andrö, dozi. 14 Ba me irongo wekira andrö Eli, ba imane: Hadia wagua-guasa andrö? Ba i'aliogö ia niha andrö, ba wangombakha khö Eli. 15 Ba Eli andrö, ba no 98 fakhe, ba no abösi hörönia, tobali lö'ö sa'ae i'ila niha. 16 Ba me imane niha andrö khö Eli: Ya'odo zi otarai wanuwö andrö, ma'ökhö andre u'otarai wasöndrata andrö. Ba imane Eli: He wisa, onogu? 17 Ba itema linia sangombakha andrö, imane: No moloi Ndraono Gizeraeli labe'e Dawa Wilisiti, ba no ato sibai zi mate motöi khöda, ba he iraonou si darua, Hofini ba Fineha, ba no mate göi, ba tawöla khö Lowalangi, ba no mu'oloi'ö! 18 Ba me itorö linia dawöla andrö khö Lowalangi, ba tobö'a furi Eli moroi ba kurusi, alau, afatö mbagi ba mate ia, me no niha satua, sesolo sibai. No öfa wulu fakhe sanguhuku ia ba Ndraono Gizeraeli. 19 Ba umönönia, fo'omo Wineha, ba no manabina. Ba me irongo duria andrö, wa no muhalö dawöla andrö khö Lowalangi, awö wa no mate namania andrö ba fo'omonia, ba tegaölö tou ia ba madono; afökhö sa'ae hulunia. 20 Ba me aetu nosonia, ba lamane ira alawe, si so ba ngainia: Böi busi dödöu, ono matua nonou andre! Ba lö'ö sa itema li, lö ba dödönia,[5] 21 ibe'e töi nononia, andrö Ikabodi (si lö töi), imane: No taya lakhömi Ndraono Gizeraeli! — börö wa'ataya dawöla andrö, khö Lowalangi, ba amania andrö ba fo'omonia.[6] 22 Ba mu'ao ia, imane: No taya lakhömi Ndraono Gizeraeli, me no mu'oloi'ö dawöla khö Lowalangi!
Famotokhi ba gahe
editFabaliŵa lala
editOlayama Samueli I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö