Wikimedia Incubator

Wb/nia/Samueli II/6

< Wb | nia | Samueli II
Wb > nia > Samueli II > 6

I'ohe ba Yeruzalema mena'ö dawöla gamabu'ula li Dawido. Fa'amate Usa. Toröi ba nomo Gobedi-Edomo dawöla

edit

I. 1 Ba ifuli zui i'owuloi Dawido fefu nitutuyu andrö, Iraono Gizeraeli, 30.000.[1] 2 Ba maoso Dawido, awö niha andrö fefu, si fao khönia, lasaŵa Mba'ali ba mado Yuda, ba wangai miyaŵa moroi ba da'ö dawöla Lowalangi andrö, nibe'e börö döi töi Yehowa ngahönö andrö, sidadao yaŵa Kerubi.[2] 3 Ba lahare'ö ba gureta si bohou dawöla Lowalangi andrö, laheta ba nomo Gabinadabi andrö, ba hili; ba ono Gabinadabi, Usa ba Ahio, zolohe kureta.[3] 4 Ba ngai dawöla Lowalangi i'iagö Usa, ba sowaö-waö föna dawöla Gahio. 5 Ba Dawido ba ma'uwu Gizeraeli fefu, ba molaya föna Yehowa, a'oi dölara, ba manunö, lalau kezafi ba dandri ba rebana ba labözi waritia ba aramba. 6 Ba me larugi golayama mbasitö khö Nakhono, ba ira'u dawöla Lowalangi Usa, i'ohe, me lahole'ö ira saŵi andrö. 7 Ba mofönu sibai Yehowa khö Usa ba ibözi ia Lowalangi ba da'ö, me no ira'u dawöla, tobali ba da'ö mate ia, ba ngai dawöla Lowalangi.[4] 8 Ba lö sökhi-sökhi dödö Dawido, me no ira'u manö Usa andrö Yehowa, ba labe'e sa'ae töi naha andrö Weresi Usa [Fondra'u Usa], irugi ma'ökhö andre. 9 Ba ata'u Dawido Yehowa, me luo da'ö, ba imane: He lawisa wolohe khögu dawöla Yehowa andrö? 10 Ba anuzu sa'ae dödö Dawido, i'ohe miyaŵa khönia ba mbanua Dawido andrö dawöla Yehowa, ba ifabe'e'ö yomo khö Gobedi-Edomo, banua Gata. 11 Ba tölu waŵa dawöla Yehowa ba nomo Gobedi-Edomo, banua Gata. Ba ifahowu'ö Gobedi-Edomo andrö ba soroiyomonia fefu Yehowa.

La'ohe ba Yeruzalema dawöla. Fa'omuso dödöra. Abao dödö Mikhala, me no omuzo dödö Dawido

edit

II. 12 Ba la'ombakha'ö khö razo Dawido,[5] lamane: No ifahowu'ö Yehowa zi samba omo ndra Obedi-Edomo andrö, awö fefu hadia ia nibaya-bayania, börö dawöla Lowalangi andrö. Ba maoso Dawido, ihalö dawöla Lowalangi andrö ba nomo Gobedi-Edomo, ba i'ohe ba mbanua Dawido andrö, 13 ba owua-wua dödöra, ba mame'e-me'e sumange ia ba da'ö. Ha önö mbeka la'ofanöi sangosa'ö tawöla Yehowa, ba sara nono zaŵi sebua-bua ba sara nono zaŵi nibula ibe'e sumange.[6] 14 Ba molaya Dawido föna Yehowa, a'oi dölania; ba no mobaru baru ba doto tarafali Dawido. 15 Ba la'ohe miyaŵa dawöla Yehowa ira Dawido ba ma'uwu Gizeraeli fefu, no owua-wua dödöra ba laforege lalau dorofe. 16 Ba me la'ohe miyomo ba mbanua Dawido dawöla Yehowa, ba ifaigi Mikhala, ono Zaulo, ba zandrela. Ba me i'ila razo, Dawido, me ifanoka ia föna Yehowa ba me molaya, ba anuzu dödönia ia. 17 Ba la'ohe miyomo dawöla Yehowa ba labe'e ba nahania, baose andrö, nilau Dawido nahania;[7] ba mame'e sumange Dawido föna Yehowa, sumange nitunu ba sumange fangorifi. 18 Ba me no i'o'ozui Dawido wame'e sumange andrö nitunu ba fangorifi, ba ifahowu'ö niha sato, ba döi Yehowa ngahönö; 19 ba ifaosa kue, ba niha satu, ba Ndraono Gizeraeli fefu, ha wa'ato ira, he ira matua, ba he ira alawe, sagörö kue roti ba samba botoboto agu ba sagorö kue nifaruka bua nagu zamösa. Ba mofanö niha sato, isaŵa khöra zamösana. 20 Ba me mangawuli yomo Dawido, ba wamaigi soroiyomonia, ba ifaondragö ia Mikhala, ono Zaulo, imane khönia: Wa'amoadu nilau razo Ndraono Gizeraeli ma'ökhö, me no iheta nukhania ma'ökhö, ba zanehe nono alawe, sawuyu mbanuania, si mane na iheta nukhania niha si lö ngaroro! 21 Ba imane Dawido khö Mikhala: Föna Yehowa molaya ndra'o, Yehowa sanuyu ya'o, föna namau ba föna nga'ötönia fefu, ba wamataro razo ya'odo, razo mbanua Yehowa, Iraono Gizeraeli, ba föna Yehowa edöna famaimai ndra'o.[8] 22 Edönado ide-ide na, moroi andrö, edönado tou sodo uŵa'ö. Ba ba nono alawe andrö, sawuyu andrö, niŵa'öu, ba ena'ö na ya'ira zamosumange ya'o. 23 Ba Mikhala andrö, ono Zaulo, ba si lö ono, irugi wa'amatenia.

Famotokhi ba gahe

edit
  1. ↑ Ayati 1—11: Nga'ötI 13
  2. ↑ Yos 15:9; MozII 25:22
  3. ↑ SamI 7:1
  4. ↑ MozIV 4:15; SamI 6:19
  5. ↑ Ayati 12—16: Nga'ötI 15
  6. ↑ RazI 8:5
  7. ↑ Ayati 17—19: Nga'ötI 16
  8. ↑ Faigi 5:2

Fabaliŵa lala

edit

Olayama Samueli II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Samueli_II/6&oldid=6228979"