Wikimedia Incubator

Wb/nia/Samueli II/1

< Wb‎ | nia‎ | Samueli II
Wb > nia > Samueli II > 1

Irongo Dawido wa no mate ndra Saulo Yonata edit

I. 1 Me no mate Zaulo ba me no mangawuli Dawido moroi ba wolohi Iraono Gamaleki andrö, ba dua wonginia ba Zikelagi, 2— ba mahemolu ö, ba hiza niha, samösa, awö Zaulo mege, no isika nukhania ba no ilau danö ba högönia. Ba me irugi Dawido, ba ifalögu tou ia ba danö, mangalulu. 3 Ba imane khönia Dawido: Heza ö'otarai? Ba imane: U'otarai Ndraono Gizeraeli, fasuwöta andrö. 4 Ba imane khönia Dawido: He wisa? Ombakha'ö khögu. Ba imane: No moloi zabölö, ba wasuwöta andrö ba no ato zi mate nibunu: ba he Saulo ba ononia Yonata, ba no mate. 5 Ba imane Dawido khö nono matua andrö, sangombakha khönia: Heza örongo, wa no mate Zaulo ba ononia Yonata? 6 Ba imane ono matua andrö, sangombakha: Urugi hili Giliboa, lö udöna-döna, ba hiza Zaulo, no itundreheni ia ba dohonia, ba lö aefa moroi furinia gureta ba si fakudo.[1] 7 Ba ibali'ö ia furi, ba me i'ila ndra'o, ba humede ia khögu, ba umane: Urongo! 8 Ba imane khögu: Ha niha ndra'ugö? Ba umane khönia: Iraono Gamaleki ndra'odo. 9 Ba imane khögu: Aine ba bunu ndra'o, noa sa ihawui ndra'o fekhölökhölö mbanua, ba ma'ifu lö'ö na sa saetu nosogu! 10 Ba u'ondrasi ia, ubunu ia, me no u'ila lö auri ia, börö wa'ate'alania andrö. Ba uhalö zaembunia, ba högönia, ba töla gasa ba mbulökhania, ba hiza, ba no u'ohe khöu, ya'ugö Tua.

Fa'abu dödönia; ibunu nono matua andrö, Iraono Gamaleki edit

II. 11 Ba ituyu nukhania Dawido, isika ba si manö göi nawönia fefu;[2] 12 ba abu dödöra ba mege-ege ira ba mamoni ba gö, irege bongi, ba khö Zaulo ba ba khö nononia Yonata ba ba mbanua Yehowa andrö, ma'uwu Gizeraeli, me no mate ira ba mbawa zi'öli.[3] 13 Ba imane Dawido khö nono matua andrö, sangombakha khönia: Ha banua ndra'ugö? Ba imane: Ono zi fatewu gana ndra'odo, Iraono Gamaleki. 14 Ba imane khönia Dawido: Ba hadia, ba lö ata'u'ö öhalö tangau wamunu nibayoini Yehowa andrö?[4] 15 Ba humede Dawido ba nawönia, ono matua, imane: Ae ba da'e ba bunu ia! Ba i'ö'ötö tou ba mate.[5] 16 Ba imane na khönia Dawido: Ba hulumö sa so ndromö! No beweu zangetu'ö hukumö, me no ömane: No ubunu nibayoini Yehowa andrö.[6]

Fange'esi Dawido ira Saulo Yonata edit

III. 17 Ba i'e'esi Zaulo ba ononia Yonata Dawido, 18 ba iŵa'ö, lafahaö ma'uwu Yuda, ba wange'esi andrö; hiza, no musura ba "zura zadölö tödö" andrö, imane: 19 "Famoadumi, ya'ami Iraono Gizeraeli, ba no mate nibunu ba hilimi! Alai wa'amate zabölö andrö! 20 Böi mi'ombakha'ö ba Gata; böi mifarongogö ba newali Gasekalo, fa böi omuso dödö nono Ndrawa Wilisiti alawe, fa böi ma'iki nono alawe ba niha si lö muboto.[7] 21 Ya'ami hili Giliboa, böi ya göna ami namo ba he teu, ya'ami benua si falimo! Me no ba da'ö tetibo mbaluse zabölö, baluse Zaulo andrö, lö mubayoini fanikha.[8] 22 Ba ndro nibunu andrö ba ba dawö zabölö, ba lö saböda fana Yonata, ba lö sangawuli föda Zaulo, lö ahulua. 23 Saulo ba Yonata, ba no faoma omasi ira nawöra ba no faoma ebua dödöra khö nawöra, me auri ira, ba no tenga göi si fabali ba wa'amate; ya'ira andrö, si no alio, moroi ba moyo ba si no abölö, moroi ba zingo. 24 Ya'ami, ono Ndraono Gizeraeli alawe, mi'e'esi Zaulo andrö, si no mamonukha ya'ami baru luo ungu, samuso dödömi, si no mamo'aya nukhami aya ana'a! 25 Alai wa'amate zabölö andrö, me hino wasöndrata — Yonata andrö, ba no mate nibunu ba hilimi! 26 Abu dödögu ndra'ugö, ya'ugö ga'agu Yonata; no omasiö ndra'ugö khögu! Wa'omasigu mege wa'omasimö ndra'odo, moroi ba wa'omasi ndra alawe ndra matua! 27 Alai wa'amate zabölö andrö ba fa'afufu wangaro andrö ba wasöndrata!"

Famotokhi ba gahe edit

  1. ↑ SamI 31:1—3
  2. ↑ MozI 37:29
  3. ↑ SamI 31:13
  4. ↑ SamI 24:7
  5. ↑ Faigi 4:10,12
  6. ↑ RazI 2:23,33
  7. ↑ Mikh 1:10; SamI 18:6
  8. ↑ MozIV 15:18—21

Fabaliŵa lala edit

Olayama Samueli II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Samueli_II/1&oldid=6228974"