Wb/nia/Samueli II/4

Labunu Eseba'ali andrö edit

I. 1 Ba me irongo Eseba'ali ono Zaulo, no mate Gabineri, ba Heberona, ba atalö dödönia, ba Iraono Gizeraeli fefu, ba tobali dödö. 2 Ba darua genoni Eseba'ali, ono Zaulo, solohe sanuwö, töi zi samösa, ba Ba'ana, ba töi zi samösa, ba Rekhabi, ono Rimono, banua Mbe'eroti, mado Mbeniyami; noa sa mube'e banua mado Mbeniyami göi Mbe'eroti andrö. 3 Ba no moloi mbanua Mbe'eroti, no lasaŵa Gita'i ba ba da'ö la'iagö si fatewu gana, irugi ma'ökhö andre. 4 Ba so nono Yonata, ono Zaulo, ono sombuyu-mbuyu ahe ma'adua: melima fakhe ia mege, me larongo duria ndra Saulo Yonata andrö, moroi ba Yezere'eli. Ba ituyu ia sangai ya'ia, ira alawe, ba moloi; ba ba wulöisa andrö, ba ahele ia ba dangania, ba fabesu gahe; ba töinia, ba Meriba'ali.^[1] 5 Ba maoso ndraono Rimono andrö, banua Mbe'eroti, Rekhabi ba Ba'ana, lasaŵa nomo Eseba'ali, me hino wa'aukhu zino, me no ilau mörö, me no aefa laluo. 6 Ba sanaro ba mbawandruhö nomo, ira alawe, ba no alau hörö, ba wanafi fakhe, no mörö. Ba lakumokumo ira Rekhabi ba akhinia Ba'ana, lasaŵa yomo, 7 ba labunu Eseba'ali, si no mörö si bakha, ba gasonia, ba la'eŵa mbagi. Ba lahalö högö, ba mofanö, latörö zalo'o andrö, sara wongi manö, 8 ba la'ohe khö Dawido, ba Heberona, högö Eseba'ali, ba lamane khö razo: Ya'e khöu högö Eseba'ali andrö, ono nemaliu, Saulo, sangalui famunu ya'ugö mege; noa sa ilau mbalö zokhö ya'o, razo, Yehowa, ma'ökhö, khö Zaulo ba ba nga'ötönia.

Ilau mbalö Dawido, ba zamunu ya'ia edit

II. 9 Ba itema lira Dawido, li ndra Rekhabi akhinia Ba'ana, ono Rimono, banua Mbe'eroti, imane khöra: Ba wa'aduhu wa'auri Yehowa, si no mangefa'ö nosogu ba wamakao andrö fefu: 10 Sangombakha khögu no: No mate Zaulo, sanguma'ö tödönia sangombakha turia zalöfö ia, ba no ufara'u'ö ba Zikelagi ba no ufabunu'ö, wame'e luo wangombakha andrö khönia.^[2] 11 Ba na so a'i niha si lö sökhi, samunu satulö yomo khönia, ba gasonia — ba hadia, lö usugi ami ba ndronia andrö, ba hadia, lö uhori ami ba danö? 12 Ba ibe'e li ba nawönia Dawido, ba la'ö'ötö tou ira, la'eŵa danga fabaya ahe, ba lataŵi ira ba zinga mbaŵa nidanö ba Heberona. Ba högö Eseba'ali andrö, ba lahalö, ba lako'o ba lewatö Gabineri, ba Heberona.

Famotokhi ba gahe edit

↑ Faigi 9:3
↑ Faigi 1:15

Fabaliŵa lala edit

Olayama Samueli II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö

[1] Faigi 9:3

[2] Faigi 1:15

[1]

[2]