Wikimedia Incubator

Wb/nia/Nga'ötö II/8

< Wb | nia | Nga'ötö II
Wb > nia > Nga'ötö II > 8

== Mangaro banua Zelomo. Rodi

I. 1 Ba no numalö zi 20 fakhe andrö, götö wolau Zelomo osali Yehowa andrö, awö gödonia.[1] 2 Ba banua andrö, nibe'e Huramo khö Zelomo, ba i'aro'ö Selomo, ba Iraono Gizeraeli ifataro ba da'ö. 3 Ba möi musuwö Hamata Zoba Selomo, ba atu'a ia ba da'ö. 4 Ba i'aro'ö Dadimoro ba danö si mate, awö mbanua andrö nitaru'önia ba Hamata. 5 Ba ni'aro'önia na baero ö, ba Beti Horona yaŵa ba Beti Horona tou, ibali'ö banua saro, si so öli kara ba bawa göli nilazi. 6 Ba he Ba'alata ba banua andrö nihöna balazo, fefu, khö Zelomo, ba banua gureta andrö, fefu, ba banua zi fakudo, ba hadia ia fefu, somasi Zelomo ilau, ba Yeruzalema ba ba hili Libano ba ba danö si so barö mbawania, ma'asagörö. 7 Ba ha niha fefu, si tosai na, Iraono Kheti ba Iraono Gamori ba Iraono Weresi ba Iraono Hewi ba Iraono Yebusi, si tenga Iraono Gizeraeli, 8 — nga'ötö niha andrö, si tosai na ba danö, nisaigö Ndraono Gizeraeli, si lö muhori, — ba i'ofaya Selomo ba rodi, sirugi ma'ökhö andre.[2] 9 Ba Iraono Gizeraeli, ba lö ibali'ö sawuyu Selomo ba wohalöŵö khönia; ya'ira ba si möi-möi fasuwö ba solohe si fasöndra si iagö kureta, ba solohe kureta andrö khönia, fabaya si fakudo. 10 Ba fa'ato högö gumandru khö razo Selomo, ba no 250, samaigi-maigi niha sato. 11 Ba ono Wara'o andrö, ba i'ohe ba nomo andrö, nilaunia khönia, Selomo, iheta ba mbanua Dawido. Imane sa: Böi ya soso khögu ndra alawe ba gödo Dawido, razo Ndraono Gizeraeli, me no ni'amoni'ö, me no labe'e ba da'ö dawöla andrö.[3]

Lahonogöi wame'e sumange. Foloya

edit

II. 12 Ba ibe'e sa'ae khö Yehowa zumange nitunu Selomo, ba naha wame'e sumange andrö, nifa'anönia föna gewe'ewe andrö,[4] 13 itörö nibe'e ma'ökhö, dali goroisa Moze andrö ba luo sabato ba ba sawulöna mbaŵa ba ba gowasa andrö, medölu zi döfi — ba gowasa roti si lö mu'aisöni ba ba gowasa wendrakose ba ba gowasa nose daha geu — ibe'e zumange.[5] 14 Ba i'o'ö göi nihonogöi namania Dawido, wamataro ngenoli gere andrö ba halöŵöra, ba he Ono Lewi, ba niŵa'ö khöra, ba wanunö ba ba we'amöi tohu-tohu danga gere soguna ma'ökhö; ba sanaro ba mbawandruhö andrö, ba ngenolira, ha uga mbawandruhö; si manö sa goroisa Dawido andrö, enoni Lowalangi.[6] 15 Ahori la'o'ö goroisa razo, he lawisa ba gere andrö ba ba Nono Lewi ba ba girö-girö andrö. 16 Ba tobali toföfö halöŵö Zelomo andrö, me irugi luo da'ö; fame'e tou toyo gosali ba irege wangasiwai; no awai gosali Yehowa. 17 Ba möi ba Geseono Geberi Zelomo ba ba Geloto, ba mbewe nasi, ba danö Ndraono Gedomo. 18 Ba Huramo andrö, ba ifa'ohe'ö khö Zelomo nowo, fabaya ono nowo, si no to'ölö ba nasi; banuania zolohe. Ba fao ira ba mbanua Zelomo, ba larugi Gofiri, lahalö gana'a ba da'ö, 892.625 balaki ba la'ohe khö razo Selomo.

Famotokhi ba gahe

edit
  1. ↑ Faigi göi RazI 9:10–28
  2. ↑ Yos 16:10
  3. ↑ RazI 3:1
  4. ↑ Faigi 1:3–6; Faigi 4:1
  5. ↑ MozII 23:14; MozIV 28:2,9,11,17,26; 29:12
  6. ↑ Nga'ötI 23–26

Fabaliŵa lala

edit

Olayama Nga'ötö II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Nga%27ötö_II/8&oldid=6229080"