Wb/nia/Nga'ötö II/23
Ifataro razo Yoasi Yoyada, ere edit
I. 1 Ba me no alua me'önö fakhe,[1] ba maoso Yoyada, i'ohe awönia gumandra zi otu andrö — Asaria, ono Yerohama, ba Sima'eli, ono Yohanano, ba Asariahu, ono Gobedi, ba Ma'aseya, ono Gadaya, ba Elisafati, ono Zikhiri — si fa'awö khönia. 2 Da'ö zanöröi banua mado Yuda, ba la'owuloi Nono Lewi, moroi ba mbanua mado Yuda fefu, awöhögö ngafu Ndraono Gizeraeli, ba we'amöi ba Yeruzalema. 3 Ba fawu'u li khö razo zato andrö fefu, ba gosali Lowalangi. Ba imane khöra [Yoyada]: Ono razo andrö nibe'e razo, dali nifabu'u Yehowa ba khö nga'ötö Dawido andrö.[2] 4 Ba mimane wolau: Si saraö ya'ami — ere ba ono Lewi — nifataro na luo sabato, ba nibe'e sanaro ba mbawandruhö tou, 5 ba si saraö, ba ba gödo razo tumaro, ba si saraö zui, ba ba mbawandruhö Yezodi, ba niha sato, ba ba golayama gosali Yehowa. 6 Ba ba gosali Yehowa, ba lö tola möi niha, ha niha ia, ha ere andrö ba Ono Lewi, sangai-ngai halöŵö. Ya'ira zi tola möi, me no ni'amoni'ö ira. Ba niha sato fefu, ba la'o'ö nifakhoi Yehowa.[3] 7 Ba labe'e ba hunöra bakha razo Ono Lewi andrö; dozi ira, ba fangöna ba dangara, ba sanöndragö ya'ia ba gosali, ba nibunu. Ba mi'iagö awö razo, na möi ia tou ba na ifuli ia yomo. 8 Ba la'o'ö Ono Lewi niŵa'ö Yoyada khöra, i'ohe nawönia zamösana, he saheta sanaro na luo sabato, ba he sawena möi sanaro; lö'ö sa ni'efa'ö Yoyada ere ngenolira andrö. 9 Ba Yoyada ere, ba ibe'e ba gumandra zi otu andrö doho andrö ba baluse, khö razo Dawido mege, si so ba gosali Lowalangi. 10 Ba ifataro samasui razo niha sato fefu, — oi dozi fangöna ba danga, i'otarai ngai gosali tanö raya, numalö ba ngainia tanö yöu, irugi naha wame'e sumange, ba mangawuli ba gosali. 11 Ba la'ohe baero nono razo andrö, lafanaembu ia, ba labe'e khönia zura goroisa, ba lafataro razo ia; ba labayoini ia Yoyada ba ononia, ba mu'ao ira, lamane: Ya ahowu razo!
Fa'amate Gatalia. Lahori Mba'ali edit
II. 12 Ba me irongo we'ao zato Atalia, fe'ao zi hurufai ya'ira, samahowu'ö razo, ba isaŵa niha sato ba gosali. 13 Ba i'ila sa'ae razo, ba zinga mbawandruhö, ba nahania, awö gumandra andrö ba solau torofe ba ngai razo, awö niha ba danö fefu, si no omuso tödö ba solau-lau torofe, ba sanunö andrö, solau hadia ia nifoli, wame'e tandra ba wanunö. Ba itika nukhania Atalia ba imane: Folaŵa! Folaŵa! 14 Ba humede Yoyada ere ba gumandra zi otu andrö, solohe sabölö, ba imane khöra: Mi'ohe baero ia ba gotalua ngenoli, ba solo'ö ya'ia, ba nibunu si öli! Noa sa imane ere: Böi mibunu ia ba gosali Yehowa bakha. 15 Ba lara'u ia, ba me no larugi mbawandruhö kudo ba gödo razo, ba labunu ia ba da'ö. 16 Ba fawu'u li ira Yoyada niha sato, awö razo, wa edöna ira banua Yehowa ira sa'ae.[4] 17 Ba lasaŵa gosali Mba'ali sato fefu ba ladudugö; naha wame'e sumange khönia ba famaedonia andrö, ba lafufu; ba labunu Matana andrö, ere khö Mba'ali, föna naha wame'e sumange.[5] 18 Aefa da'ö, ba ifataro zanaro ba gosali Yehowa Yoyada, ere ono Lewi andrö, ni'angenoligö Dawido no [ba halöŵö] ba gosali Yehowa, ena'ö labe'e-be'e zumange nitunu andrö khö Yehowa, dali goroisa Moze, si fao fa'owua-wua dödö ba fanunö, si mane nifakhoi Dawido.[6] 19 Ba ifataro ba zinga mbawandruhö gosali Yehowa zanaro ba mbawandruhö, fa böi möi bakha zi so fa'ara'iö hadia ia.[7] 20 Ba i'ohe gumandra zi otu ba satua ba samatörö niha sato, awö niha ba danö fefu, ba ifasao mitou razo, la'otarai gosali Yehowa. Ba me no latörö mbawandruhö tanö yaŵa andrö, me no tohare ira ba gödo, ba lafedadao ba dadaoma zalaŵa razo. 21 Ba oi omuso dödö niha sato, ba sahono manö mbanua. Ba Atalia, ba labunu si'öli.
Famotokhi ba gahe edit
Fabaliŵa lala edit
Olayama Nga'ötö II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö