Wb/nia/Nga'ötö II/22
Razo Ahaseyahu, same'e-me'e adu edit
I. 1 Ba lafataro fangalinia razo nononia si akhi,[1] Ahaseyahu, banua Yeruzalema, me no labunu zi a'a fefu sanuwö andrö, Dawa Ara, me larugi golombaseŵa no. Ba tobali razo Gahaseyahu andrö, ono Yehoramo, razo mado Yuda.[2] 2 Dua wulu a rua fakhe Gahaseyahu, me tobali razo ia, ba ha döfi razo ia ba Yeruzalema. Ba töi ninania, ba Atalia, ma'uwu Omeri andrö, razo Ndraono Gizeraeli. 3 Ba itörö lala zi sawu ndra Ahabi, me no inania andrö zamobawa lala khönia, ba wanao horö. 4 Ba tobali si fatuwu khö Yehowa ilau, si mane si sawu ndra Ahabi; da'ö sa zamobawa lala khönia, me no mate namania, ba tobali famakikonia. 5 Lira göi ifondrondrongo, ba wefao khö Yoramo, ono Gahabi, razo Ndraono Gizeraeli, ba wanuwö Hazaeli andrö, razo Ndrawa Garamo, ba Ramoti, ba danö Gileadi; ba mesokho Yoramo labe'e Dawa Garamo. 6 Ba mangawuli ia, isaŵa Yezere'eli, ba wamadöhö sokhonia andrö, si tenga ha sambua, sesokho ia ba Rama, me fasuwö ia khö Hazaeli andrö, razo Ndrawa Garamo. Ba Ahaseyahu, ono Yehoramo razo mado Yuda, ba no möi mitou mamaigi Yoramo, ono Gahabi, ba Yezere'eli, me no mofökhö. 7 Ba tobali famunu Gahaseyahu, nifatörö Lowalangi, we'amöinia khö Yoramo. Me no irugi, ba fao ia khö Yoramo we'amöi khö Yehu andrö, nifabayoini'ö Yehowa, ena'ö ihori zi sawu ndra Ahabi.[3] 8 Ba me ifatörö huku andrö Yehu, ba zi sawu ndra Ahabi, ba falukha ia zatua mado Yuda ba iraono dalifusö Gahaseyahu, enoni Gahaseyahu, ba ifabunu'ö ira.[4] 9 Ba ifa'alui'ö göi Gahaseyahu, ba lara'u ia, me no ibini'ö ia ba Zamaria. Ba la'ohe khö Yehu, ba labunu. Ba lako'o ia, lamane sa: no ono Yozafati andrö, si lö aefa-aefa mege khö Yehowa, soroi si'aikö ba dödö! Ba samösa lö'ö sa'ae si sawu ndra Ahaseyahu, si tola tefataro razo.[5]
Ibunu ndraono Atalia. Ha Yoasi zauri edit
II. 10 Ba me irongo Atalia,[6] ina Gahaseyahu, no mate nononia, ba itema ifabunu'ö fefu nga'ötö razo ba mado Yuda.[7] 11 Ba maoso Yozabata, ono razo, alawe, ihalö Yoasi, ono Gahaseyahu, ba hunö nono razo bunusö andrö, ibini'ö, i'ohe si bakha ba wöröma, awö babunia. Tobali ibini'ö [Yoasi] Yozabata, ono razo Yehoramo, fo'omo Yoyada ere — me talifusö Gahaseyahu ia — ibini'ö khö Gatalia, fa böi ibunu. 12 Ba khöra tobini ia, ba gosali Lowalangi, meönö fakhe wa'ara, götö wa'asalaŵa Gatalia ba danö.
Famotokhi ba gahe edit
Fabaliŵa lala edit
Olayama Nga'ötö II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö