Wb/nia/Nga'ötö II/36
Razo Yoahasi, si lö arara edit
I. 1 Ba lahalö Yoahasi andrö,[1] ono Yosia, niha ba danö, ba labali'ö razo ba Yeruzalema, fangali namania. 2 Dua wulu a tölu fakhe Yoahasi, me tobali razo ia, ba ha tölu waŵa razo ia ba Yeruzalema. 3 Ba iheta ia razo razo Miserayi, ba tenga sa'ae razo ia ba Yeruzalema. Ba ifo'ömö ira ba danö [razo Miserayi], 22.050 balaki wirö ba 3970 1/2 balaki gana'a. 4 Ba razo Miserayi andrö, ba ibali'ö razo ba mado Yuda ba ba Yeruzalema Geliaki, ga'a Yoahasi, ba ifalalini döinia, Yoyaki ibe'e töinia. Ba akhininia Yoahasi andrö, ba i'ohe ba danö Miserayi [Fara'o] Nekho.
Te'oloi'ö ba Mbabeli Yoyaki edit
II. 5 Dua wulu a lima fakhe Yoyaki, me tobali razo ia, ba mewelezara fakhe razo ia ba Yeruzalema. Ba si fatuwu khö Lowalanginia Yehowa ilau. 6 Ba so moroi si tou Nebukanesa, razo Mbabeli, ba wanuwö ya'ia, ba irate ia, ba wolohe ba Mbabeli.[2] 7 Ba he gama-gama ba gosali Yehowa ösa, ba i'ohe ba Mbabeli Nebukanesa, ba ibe'e ba gödonia ba Mbabeli. 8 Ba bö'önia hikaya Yoyaki ba adu andrö khönia, sogoro ita, nifafazökhi'önia, ba hadia ia na [zi lö sökhi] khönia, ba no mutanö ba zura razo Ndraono Gizeraeli ba ba zura razo mado Yuda. Ba fangalinia razo, ba ononia Yoyakhi.
Si manö göi Yoyakhi edit
III. 9 Ha meŵalu fakhe Yoyakhi, me tobali razo ia, ba ha tölu waŵa a fulu bongi razo ia ba Yeruzalema. Ba si fatuwu khö Yehowa ilau.[3] 10 Ba me no alua ndröfi, ba ifahalö'ö ia Nebukanesa, ifa'ohe'ö ba Mbabeli, fabaya gama-gama andrö, sebua böli, ba gosali Yehowa, ba Sedekia, ama Yoyakhi si akhi ibali'ö razo mado Yuda ba razo Yeruzalema.[4]
Sedekia razo. Fanudugö Yeruzalema ba fangoloi'ö ya'ira, ba Mbabeli edit
IV. 11 Dua wulu a sara fakhe Zedekia, me tobali razo ia, ba mewelezara fakhe razo ia ba Yeruzalema.[5] 12 Ba si fatuwu khö Lowalanginia Yehowa ilau; lö i'de'ide'ö ia khö Yeremia andrö, sama'ema khönia niŵa'ö Yehowa. 13 Ba lö'ö göi i'o'ö khö razo Nebukanesa, si no mame'e ba hölu ya'ia khö Lowalangi; i'abe'e'ö dandronia ba tödönia, ba tobali lö ifuli ia khö Yehowa, Lowalangi Ndraono Gizeraeli. 14 Ba he satua gere ba he niha sato, ba no ebua sibai walimosa, wangohia'ö sogoro ita andrö, ba niha baero, ba la'ohe ba gosali Yehowa zalakha, ba gosali ni'amoni'ö Yehowa, ba Yeruzalema. 15 Ba lö adagedage Yehowa, Lowalangi ndra tuara, lö ibato wamatenge khöra sinengenia; me no ahakhö dödönia mbunuania ba he nahiania andrö.[6] 16 Ba la'o'aya zinenge Lowalangi andrö, lö ba dödöra linia, ba la'igi'igi'ö zama'ele'ö andrö, irege ebua sibai wönu Yehowa, irege lö fangorifi sa'ae. 17 Ba i'ohe khöra razo Ndrawa Galedaia, ifabunu'ö si'öli nono matua khöra, bakha ba ni'amoni'ö andrö khöra; lö ihakhösi tödö, he ono matua, ba he ono alawe, ba he satua, he si no tohare huwa, — ahori manö ibe'e ba dangania. 18 Ba he gama-gama andrö ba gosali Lowalangi, he side-ide, ba he sebua, fabaya girö-girö andrö ba gosali Yehowa ba girö-girö khö razo ba girö-girö zatua mbanua khönia — ba ahori i'ohe ba Mbabeli.[7] 19 Latunu gosali Yehowa, ba ladudugö göli Yeruzalema, awö gödo khöra fefu, ba latunu, tobali ahori akhozi gama-gamara sebua böli. 20 Ba si lö ikhamö bawa zi'öli, ba i'ohe ba Mbabeli [razo Mbabeli] i'oloi'ö, ba tobali enoninia ira ba enoni ndraononia, irege labe'e barö mbawara ira Dawa Weresia, ena'ö itörö niŵa'ö Yehowa, 21 nifa'ema Yeremia, "irege te'ali ba danö ndröfi wolombase andrö; solombase manö ia, götö wa no amaedola danö si mate ia," irege alua zi 70 fakhe.[8]
Itehe khöra wangawuli Kiro edit
V. 22 Ba me awena razo Giro andrö, razo Weresia — lö döfi na — ena'ö itörö li Yehowa andrö, nifa'ema Yeremia — ba ibe'e ba dödö Giro andrö, razo Weresia, Yehowa wame'e oroisa ba mbanuania fefu — nifa'ohe'ö sura göi — imane:[9] 23 Da'e niŵa'ö Giro, razo Weresia: "Fefu gamatöröŵa ba guli danö, ba no ibe'e khögu Yehowa, Lowalangi zorugo, ba ya'ia zanguma'ö khögu wolau osali khönia ba Yeruzalema ba danö mado Yuda. Ba ha niha ami mbanuania, ba yamutolo ia Lowalanginia, ba yamöi misi yaŵa!"
Famotokhi ba gahe edit
Fabaliŵa lala edit
Olayama Nga'ötö II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö