Wikimedia Incubator

Wb/nia/Nga'ötö II/5

< Wb | nia | Nga'ötö II
Wb > nia > Nga'ötö II > 5

La'ohe ba wondrege ni'amoni'ö dawöla andrö

edit

I. 1 Ba me no awai fefu hadia ia nifafazökhi'ö Zelomo ba gosali Yehowa, ba i'ohe bakha Selomo mbuala namania andrö, ni'amoni'ö; firö andrö, ba ana'a ba fakake andrö fefu, ba ibe'e ba mbate'e girö-girö ba gosali Lowalangi.[1][2] 2 Ba ifalukha'ö Selomo zatua Ndraono Gizeraeli, awö högö mado fefu, salaŵa soi Ndraono Gizeraeli ba Yeruzalema, ba wolohe miyaŵa tawöla andrö, nahia goroisa Yehowa, moroi ba mbanua Dawido Siona andrö. 3 Ba owulo ira khö razo, dozi ndra matua Iraono Gizeraeli, ba mbaŵa Etani, ba gowasa, baŵa si fitu.[3] 4 Ahori so zatua Ndraono Gizeraeli, ba lafazaŵa dawöla Ono Lewi, 5 ba la'ohe miyaŵa, fabaya ose wama'ele'ö ba fakake ni'amoni'ö andrö fefu, baose — da'ö ni'ohe gere Ono Lewi miyaŵa. 6 Ba la'iagö föna dawöla razo Selomo ba Iraono Gizeraeli sato, fefu, si no falukha khönia, wame'e sumange biri-biri ba saŵi, irege tebai sa'ae la'erai, mbalazi wa'oya, tebai la'ofaya. 7 Ba ere andrö, ba la'ohe ba nahania dawöla goroisa Yehowa, ba mbate'e tanö ba hambo gosali, ba wondrege ni'amoni'ö andrö, barö gafi kerubi andrö. 8 Noa sa mubologö gafi kerubi andrö, yaŵa naha dawöla, ba tobali samonöu tawöla, fabaya heaheania, kerubi andrö, moroi yaŵa. 9 Ba fa'anau heahea andrö, ba faoro mbalö moroi ba ni'amoni'ö, fönaföna mbate'e ba hambo andrö; ba baulu, ba lö oroma. Ba da'ö nahania, irugi ma'ökhö andre. 10 Ba ösi dawöla, ba ha kara wanura andrö si dua görö, nibe'e Moze bakha, ba gahe hili Horebi, kara wanuru ba wawu'usa li andrö, me fawu'u li Yehowa ba Ndraono Gizeraeli, me aheta ira ba danö Miserayi.

Manunö gere ba ihawui gosali bakha lakhömi Yehowa

edit

II. 11 Ba me laheta ira ba ni'amoni'ö ere (noa sa ahori mamoni gere, si so, lö mufaigi ngenoli), 12 ba sanunö andrö fefu, Ono Lewi, ira Asafo, Hemano Yedutuno, fabaya onora ba talifusöra, ba ahori so ba da'ö, tanö ba gatumbukha luo, i'otarai naha wame'e sumange, baru tarafali mbarura, ba so khöra waritia ba biola nitika, sebua ba side-ide, ba 120 gere ba ngaira, solau torofe;[4] 13 ba hulö zi ha sara lira zolau torofe zanunö, wanuno Yehowa, awö wangandrö saoha gölö khönia. Ba me labörögö wolau torofe ba famözi faritia, ba folau hadia ia [mbö'önia] nifoli, ba fanuno Yehowa andrö: "me no si sökhi tödö ia ba me si lö aetu wa'ebua dödönia andrö!" ba anönö gosali bakha lawuo, osali Yehowa andrö,[5] 14 ba lö lala gere, ba wangai halöŵöra, me no anönö gosali Lowalangi lakhömi Yehowa andrö.

Famotokhi ba gahe

edit
  1. ↑ Faigi göi RazI 7:51; 8:1–11
  2. ↑ Nga'ötI 28:14–18
  3. ↑ MozIII 23:34
  4. ↑ Nga'ötI 15:19; 16:37,41,42; 25:1–7
  5. ↑ Sin 136; Nga'ötI 16:34

Fabaliŵa lala

edit

Olayama Nga'ötö II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Nga%27ötö_II/5&oldid=6462542"