Wb/nia/Nga'ötö II/4

Folau gala sebua andrö, töla ba naha wandru ba meza roti nifaigi-faigi

I. 1 Ba ifa'anö na göi naha wame'e sumange, töla, 20 hela wa'anau ba 20 hela wa'ebolo ba 10 hela wa'alaŵa. 2 Ba ifalau'ö gala nidanö andrö, nifahele, 10 hela wa'eŵaŵa mbewe, sowulo, 5 hela wa'abakha; ba na lafasui mbewe sinali, ba 30 hela. 3 Ba tou mbewenia ba famaedo zuri de'u, fasui manö — fulufulu ba zi sahesahela — no tefasui gala andrö, dua ngenoli zuri, nifao ba wamahele mege. 4 Ba dayadayania, ba 12 wamaedo zaŵi, tölu miyöu, ba tölu zi otahögö gaekhula luo ba tölu miraya ba tölu tanö ba gatumbukha luo. Ba si tohare ba hulura gala andrö, ba toyora fefu, ba no faondra. 5 Ba fa'awe'e-we'e gala, ba lalu'a, ba bewenia, ba si mane bewe mako, si mane bunga zömasöma safusi; ba 600 ngaso'e itaha idanö. 6 Ba baero ö, ba 10 ifazökhi balanga; lima ibe'e ba gambölo ba lima ba gabera naha wanasa, (ba da'ö lasasai hadia ia ba zumange nitunu andrö); ba gala sebua andrö, ba ena'ö naha wanasa ba gere. 7 Ba ifazökhi göi naha wandru andrö, si fulu, dali nifakhoi ba da'ö, ba ibe'e ba gosali bakha, lima ba gambölö ba lima ba gabera. 8 Ba fulu göi ifazökhi meza, ba ibe'e ba gosali, lima ba gambölö ba lima ba gabera, ba otu ifazökhi figa, soguna ba wanefe hadia ia. 9 Ba i'oniagö golayama gere, ba he olayama sebolo andrö; ba bawandruhö golayama ifazökhi; ba lagö mbawandruhö andrö, ba ifo'uli töla. 10 Ba gala sebua andrö, ba raya gosali ibe'e tanö ba gatumbukha luo, si otahögö miraya.

Gama-gama bö'ö

II. 11 Ba Huramo andrö, ba ifazökhi mbowoa andrö, ba sundrusundru ba figa, ba wanefe. Ba tobali i'asiwai Huramo nilau andrö, hadia ia nifazökhinia khö razo Selomo, ba gosali Lowalangi. 12 Dua daru nahe, awö högö andrö yaŵa, si dombua sotalosu, awö ni'otaraŵa andrö, balu-balu dalosu högö daru nahe andrö, 13 ba 400 wamaedo mbua dalimo, ba ni'otaraŵa andrö si dua görö, dua ngenoli wamaedo mbua dalimo zagörö ni'otaraŵa, balu-balu dalosu högö daru nahe andrö; 14 ba ifazökhi dayadaya andrö, si fulu, awö mbalanga andrö, si fulu, 15 ba dayadaya andrö yaŵa, ba gala sebua andrö, si ha sambua ba famaedo zaŵi andrö, si feledrua, dayadayania. 16 Ba bowoa andrö ba sundrusundru ba garafu ba fakake fefu, soguna ba da'ö, ifazökhi Huramo-Abiwi, khö Zelomo, ba gosali Yehowa, oi töla ni'alösöigö. 17 Ba ndraso Yoridano ifafahele'ö razo, ba golabuta la'uri, ba gotaluara Zukota Zereda. 18 Ba oya sibai ifafazökhi'ö Selomo fakake andrö fefu; lö'ö sa muhonogöi wa'abua döla andrö. 19 Ahori ifazökhi Selomo gama-gama andrö, ba gosali Lowalangi: Naha wame'e sumange andrö, ana'a, awö meza andrö, naha roti nifaigi-faigi, 20 awö naha wandru andrö, fabaya fandru, si ndruhu mbalaki, ena'ö latunutunu föna wondrege ni'amoni'ö, 21 dali goroisa ba da'o, ba bungabunga andrö, awö naha wandru, awö guti wandru, ana'a, si ndruhu mbalaki — 22 awö zi'öli andrö, awö wiga, ba wanefe, awö mako, awö gali, si ndruhu mbalaki. Ba ba lagö mbawandruhö, ba no ana'a lagö mbawandruhö tanö bakha ba wondrege ni'amoni'ö andrö, ba he lagö mbawandruhö ba nomo, ba zi hulö dalu zalo.

Famotokhi ba gahe

Fabaliŵa lala

Olayama Nga'ötö II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö