Wb/nia/Nga'ötö II/27

Yotamo, razo satulö tödö, ba mofozu nilaunia

1 Dua wulu a lima fakhe Yotamo, me tobali razo ia, ba 16 fakhe razo ia ba Yeruzalema. Ba töi ninania, ba Yerusa, ono Zadoki. 2 Ba somasi Yehowa ilau, i'ohi'a'ö sibai nilau namania Usia mege, ha fa lö möi ba gosali. Ba sato, ba lalau-lau na zi lö sökhi. 3 Ya'ia zolau bawandruhö andrö ba gosali Yehowa, tanö si yaŵa; ba lö'ö göi aetu wohalöŵö ba göli Gofeli andrö. 4 Ba itaru'ö na göi mbanua ba hili mado Yuda misa, ba ba gatua misa, ba ilau hati ba malige. 5 Ba fasuwö göi ia khö razo Ndraono Gamoni, ba te'ala da'ö ibe'e. Ba ifo'ömö Ndraono Gamoni, ba ndröfi andrö: 22.050 balaki ba rufia (firö) ba 20.000 ngaso'e gandru ba 20.000 ngaso'e ze'iri; ba si manö göi labe'e Iraono Gamoni ba ndröfi dania ba ba ndröfi fanete da'ö. 6 Ba tedou manö wa'abölö Yotamo, me no lala sadölö manö itörö föna Lowalanginia Yehowa. 7 Ba hadia na niŵa'ö baero ö, ba khö Yotamo andrö, fasuwötania ba hadia ia nilaunia na, ba no mutanö ba zura razo Ndraono Gizeraeli ba ba zura razo mado Yuda. 8 Dua wulu a lima fakhe ia, me tobali razo ia, ba 16 fakhe razo ia ba Yeruzalema. 9 Ba mate Yotamo, itörö lala ndra amania, ba ba mbanua Dawido lako'o ia. Ba fangalinia razo, ba ononia Ahasi.

Famotokhi ba gahe

Fabaliŵa lala

Olayama Nga'ötö II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö