Wp/isv/Slovjanske jezyky

Slovjanske jezyky sut čest indoevropejskyh jezykov, na ktoroj govoret boljšestju slovjani. Na slovjanskyh jezykah govoret, po ocěnkam, 315 milionov ljudij, čto dělaje jih največšeju jezyčnoju grupoju v Evropě. Slovjanske jezyky po mneńju naučnikov proizhodet od prajezyka, ktory nazyvajut praslovjanskym, na ktorom govorili v ranem Srědnevěčju. On že proizhode od vyše ranogo prabaltoslovjanskogo jezyka, a slovjanske i baltske jezyky sjedinjajut v baltoslovjansku jezykovu rodinu indoevropejskyh jezykov.

Jezykova rodina

Slovjanske

Karta držav, kde slovjanske jezyky sut državne.
Obča informacija
Narodnost	slovjani
Ozemja	Južna, Centralna i Iztočna Evropa, Centralna Azija, Sibir i Rosijsky Daleky iztok
Prajezyk	praslovjansky jezyk
Klasifikacija
Indoevropejske jezyky Baltoslovjanske jezyky
Podrazděljeńje
Zapadnoslovjanske jezyky Vozhodnoslovjanske jezyky Južnoslovjanske jezyky

Slovjanske jezyky obyčajno dělet se na tri podgrupy: vozhodnu, zapadnu i južnu, v ktoryh razom nahodet se vyše 20 jezykov. Iz njih 10 imajut prinajmenje milion govoriteljev i služebny status kako narodne jezyky držav, v ktoryh jimi prěvažno govoret: russky, bělorussky i ukrajinsky (iz vozhodnoj grupy), poljsky, češsky i slovačsky (iz zapadnoj) i bulgarsky, makedonsky, slovenečsky i srbohrvatsky (iz južnoj).

Tutčasno na slovjanskyh jezykah kako na rodnyh govoret obyčajno v južnoj Evropě, centralnoj Evropě, vozhodnoj Evropě i od Sibiri do rosijskogo Dalekogo vozhoda. Diaspory različnyh govoriteljev slovjanskyh jezykov takože jestvujut po vsemu světu.

Děljeńje

Karta jezykov

Zapadnoslovjanske jezyky

• Českoslovačske jezyky
  • Češsky
  • Slovačsky
  • Knaansky (mrtvy jevrejskoslovjanski jezyk)
• Lužičske jezyky
  • Gornolužičsky
  • Dolnolužičsky
• Lehitske jezyky
  • Poljsky
  • Pomorsky
    • Kašubsky
    • Slovinsky (mrtvy jezyk)
  • Polabsky (mrtvy jezyk)

Vozhodnoslovjanske jezyky

• Rutenske jezyky
  • Bělorussky
  • Ukrajinsky
  • Rusinsky
• Russky
• Staronovgorodsky (mrtvy jezyk)

Južnoslovjanske jezyky

• Zapadne južnoslovjanske jezyky
  • Slovenečsky
  • Srbohrvatsky
    • Bosnijsky
    • Črnogorsky
    • Hrvatsky
    • Srbsky
• Vozhodne južnoslovjanske jezyki
  • Makedonsky
  • Bulgarsky
  • Starocrkovnoslovjansky (mrtvy jezyk)
    • Crkovnoslovjansky (liturgičny jezyk)

Umětne jezyky na osnově slovjanskyh jezykov

Medžunarodne/zonalne pomočne jezyky

• Medžuslovjansky
  • Novoslověnsky
  • Slovianski
  • Slovioski
• Glagolica
• Proslava
• Slovio
  • Ruslavsk (forma slovio)

Fiktivne slovjanske jezyky

• Severnoslovjanske jezyky
  • Našsky
  • Vozgijsky
  • Skuodsky
  • Seversky
  • Lydnevi
  • Seversk
  • Slavëni
  • Slavisk
• Druge fiktivne slovjanske jezyky
  • Vransky

Vnešnje linky

• Slovjanske jezyky na sajtu «Etnolog»
• Tutoj članok imaje prěvod iz članka "Slavic languages" v Vikipediji na anglijskom (spis avtorov; dozvoljeńje CC BY-SA 4.0).