Wp/isv/Русинскы језык
Русинскы језык јест децентрализованы језык, состојечи се из нєколикых диалектов, нєкторе из којих имєјут литературне стандарты. Русинскы језык јест националны језык русинов и изкористаје се јими в Закарпатској области Украјины, източној Словакији, а такоже в Пољскє, Војеводинє (Србија), Славонији (Хрватији), Мадјарији и Румунији. Русинскы језык состоји се из двох диалектных груп: карпаторусинској и јужнорусинској.
| rusin.: русиньскый язык, русинська бисїда, руски язик | |
 | |
| Obča informacija | |
|---|---|
| Ozemja | Украјина, Пољска, Србија, Хрватија, Мадјарија, Румунија |
| Narodnost | Русины |
| Pismo | кирилица |
| Služebny status | |
| Poznanny jezyk menšinstv | Боснија и Херцеговина, Хрватија, Мадјарија, Румунија, Пољска, Србија и Словакија |
Истнује спор, трєба ли разгледати русинскы како оддєлны једины језык с нєколикыми литературными стандартами, како нєколико разных, але родственых језыков, або како диалект украјинского језыка.
Русинскы јест признаны како охранимы језык националного меншинства в Боснији и Херцеговинє, Хрватији, Вугрији, Румунији, Пољскє (како лемковскы), Србији и Словакији.
Русинскы језык имєје три литературне нормы: прешовско-русинску, јужнорусинску (паннонску) и лемковку. Прешовско-русинско нарєчје јест кодификована норма језыка Русинов източној Словакији — Прешовшчины. Јужнорусинска, або паннонска норма јест кодификована норма језыка Русинов в сєверозападној Србији и източној Хрватији. Она имєје множство јужнословјанскых чрт и тым одличаје се од иных русинских диалектов. Лемковска норма јест кодификована норма језыка русинов (лемков) Пољскы.
Vněšnje linky
edit
Vikipedija, svobodna enciklopedija na rusinskom
