Ashan 33 shiwit, kimiktijket Monseñor Romero kwak tamaka se misaj ika te majmawki tanutza wan ina ne tejkia. Ashan miak kielnamikit wan kitasujtat.
Óscar Arnulfo Romero y Galdámez nesik ne tunal kashtul ipal ne Metzti Chikwey ipal 1917 tik Ciudad Barrios, San Miguel, Kuskatan.
Muchiwki Arzobispoj ipal San Salvador tik 1977. Inat miak ka yaja muchiwki taketzani pal ne tesu kipiat tatka wan ne kiseliat wey ipanpa ne kalpuli ipal Kuskatan. Taketzki wan tanajnawatij pal kinpalewia ne Kuskatanchanejket wan te majmawi miki.
Kimiktijket ne tunal senpual-nawi ipal ne Metzti Yey ipal 1980 kwak nemituya tamaka misaj tik ne teupan chikitik ipal ne Kaltapajtiani Divina Providencia.
Inat ka Monseñor Romero nemi itzalan ne sujsul wejwey takat wan siwat ipal ne Tal. Ne Teupan Anglicana kipia majtakti estatuaj iishpan ne Abadia ipal Westminster tik Londres wan se yejemet Monseñor Romero.
Ipal ne Shiktal wan nujme ne taltikpak, tiknutzat "San Romero ipal America", melka ne kalpuli ipal ne teupan Catolicaj tik Roma tesu kita ijkiuni. Melka uni, yaja Santoj ipal ne Teupan Anglicanoj; inpal ne 24 Marzoj se ilwit. Mijmiak tik ne Taltikpak tiktasujtat Monseñor Romero.
YSUES Radio Universitaria tik 660AM: "Cultura Latinoamericana" ne lujlunes ka 10 horaj ka peyna. Wejkatanutza: 2511-2020. Shiwi tuwan!
Curso de náhuat: Centro Cultural Ne Yawal (Av. Izalco casa 102A, Colonia Centroamérica), los sábados 9-11:30 am, $1 la sesión a partir del 11 de enero 2014. Niveles Básico y Avanzado. Tamachtiani: Werner Hernández.
Clases de náhuat (nivel básico): Escuela de Artes de la UES, los viernes 2-4 pm, $0.50 x clase. Cuando lleguen pregunten dónde es el salón o por Guishtemi (77132406).
Taller de náhuat. Centro de Artes Hermanos Aguilar. Sábados 3:00pm. Inicio: 6 de abril 2013. Info. tel. 2222-3418.
.jpg)
