Miktuk ne takwikani Georges Moustaki iwan 79 shiwit. Itejteku Yudayujmet ipal Grecia wan yaja nesik tik Egipto; yajki ka Francia 1951. Tajkwiluj tajtakwikani tik tajtaketzalis tekenhat. Welit tikakit se itakwikalis, Ma liberté, iwan sujsubtituloj tik Castillaj, ka nikan.
Ini semanaj, ne tukniwan nemit tik Kuskatan yawit welit kitat ne peliculaj El Tigre y el Venado iwan ne Nawataketza pal Takupan (Tacuba) Marcelino Galicia wan Roberto Carlos Mendoza. Sergio Sibrián kichiwki ne peliculaj wan nemi tik Nawat wan Castillaj. Welit tikitat ne trailer ka nikan. Tata Marcelino yajki itan tal tik ne shiwit 2012; inat ka kipiatuya 104 shiwit. El Tigre y el Venado yawi muishpanua ijtik ne "festival ambulante" tik ne Cinepolis Multiplaza ne 17/5 ka 7 horaj ka teutak.
Kistuk ne yey (wan tipan) pal ne pejpeliculaj ipanpa ne Tepustakat o "Iron Man". Nemia tik ne cijcinej tik ESA wan inat ka munamakatuk sujsul: tik ne achtu tami-semanaj kiantuk 175 milion dolar. Su mugustoj, an tikmatiaya, wan su te, anka nemi pal tikitat ne achtu wan ne ume nusan. (BBC News)
Su tikelnamiki La Guerra de las Galaxias ken kitukaytijket tik Castillaj (te tikmatit taika...), su timukwesuj iwan ne hijhistoriaj ipal Darth Vader, Obi-Wan, ne princesaj Leia, ne tamachtiani Yoda wan muchi ne sejseuk, wan su teuk tisutawa inwan, anka tikpia suertej. Ne kiketzki muchi uni universoj (ne achtu peliculaj kiski tik 1977), itukay George Lucas, kinamakak ne dejderechoj ne shiwit panutuk, wan ne Disney kikujki. Ashan Disney inatuk ka yawi pewa kisa se yankwik peliculaj tik 2015, wan tipan yawi kisa seuk muchi ne shijshiwit. (BBC News)
Pablo Neruda
Kishtijtiwit tik se shaput tik Chile ne iujumiu ne poetaj Pablo Neruda pal welit kitat su tejkia ka kimiktijket o te. Neruda mikik tik 1973. Melka kukuya katka, miak kimatit ka ne militares ipal Pinochet tatuktijket ma kimiktikan. Nikan se videoj kutu.
Ne actriz wan takwikani Sara Montiel mikik ashan; kipiatuya 85 shiwit. (El Mundo)
Bigas Luna
Mikik ne cinejtuktiani Catalan Josep Joan Bigas i Luna (ne muishmati ken "Bigas Luna"). Kipiatuya 67 shiwit kwak mikik. (Vilaweb)
YSUES Radio Universitaria tik 660AM: "Cultura Latinoamericana" ne lujlunes ka 10 horaj ka peyna. Wejkatanutza: 2511-2020. Shiwi tuwan!
Curso de náhuat: Centro Cultural Ne Yawal (Av. Izalco casa 102A, Colonia Centroamérica), los sábados 9-11:30 am, $1 la sesión a partir del 11 de enero 2014. Niveles Básico y Avanzado. Tamachtiani: Werner Hernández.
Clases de náhuat (nivel básico): Escuela de Artes de la UES, los viernes 2-4 pm, $0.50 x clase. Cuando lleguen pregunten dónde es el salón o por Guishtemi (77132406).
Taller de náhuat. Centro de Artes Hermanos Aguilar. Sábados 3:00pm. Inicio: 6 de abril 2013. Info. tel. 2222-3418.
.jpg)
