Wn/ppl/Ken ijtuk tik Caribe

Yajyankwik Tik Nawat

KEN IJTUK TIK

Caribe

+

Yajyankwik

Ne kalpuli pal ne Republica Dominica kilwijtuk ne compañiaj Glencore Xstrata ka te yawi kiajkawa kichiwa se proyectoj itukay Loma Miranda pal kitemua niquel tik ne taltakutun pal La Vega, tatajku uni tal. Ina ka su tekitit ka ne te yawi yek pal ne tukniwan ijtik ne kojtan tropical. Ne ministroj ipal ne ambientej, Bautista Rojas Gomez, inak ka kinajnawatijtuk ne PNUD, ne nusan kitenej ne proyectoj. (BBC News)

Jean-Bertrand Aristide, ne ikman achtumutaliani pal Haiti, yajki tik ne ujti pal ajsi ne takakiluyan kan yawit kichiwat se juicioj ika inat ka yaja kimiktij se periodistaj itukay Jean Dominique tik 2000. Ikman te kistuya ishpan muchi, wan miak tukniwan kisket kipalewiat melka tatuktijtuya ne policiaj ma te kichiwakan. (BBC News)

Kimiktijtiwit Helmin Wiels, ne tatuktiani pal ne partidoj itukay Pueblo Soberano pal Curaçao. Ini se islaj inawak Venezuela, ne ipal ne reinoj pal Tajtal Chapachin, wan Wiels kinekituya ma kipiakan independenciaj. Nemit 150.000 tukniwan wan hasta ashan te keman mumiktijtuya se politicoj. (BBC Mundo)

Se ayutzin kwetashteputz kitalpachua ne itejteksis tik ne shaltal

Ne ayutuch itukay "kwetashteputz" kisa tik ne weyat tapishua tik ne ashal muchi ne shijshiwit tik Puerto Rico. Melka yaja ne mas wey pal muchi ne ayutuchmet, inat ka nakat chiujchiupi wan welit mikit muchi. Melka uni, sejse empresaj inaket ka yawit kiketzat wejwey hotel tik uni shaltal pal kalwikat wey tumin. Sejse kwalanket, inaket ka te weli ijkiuni. Ashan kishtijtiwit se tajtuli ina ma kipalewikan uni tenhat. Te welisket kichiwat hojhotel wejwey. Anka agroturismoj kia. Katiawel mas yek? (BBC)

Ne takwikani Beyonce nemi tik Habana wan ne ESA kwalanik iwan: tik ne kalpuli tesu pakit wan kitajtanit taika yajki pashalua ka ne, ika ne ESA kineki kichiwilia boycot ne Cuba. (BBC)

Palabraj uij ?...
Ne taj taketzalis chiltik :
Su tik panultia mu kimichin ijpak, tiaw tikita ne i tapatalis tik Castillaj!

	Mikik ne Chickasawtaketza Emily Johnson Dickerson
	Mumulutza Chaparrastike
	Nelson Mandela 1918–2013
	Tikwakan ijinsectoj!
	“Tejemet nusan tikpiat se tutaketzalis”
	Kimiktiat se takapiltzin siwayulu “pal kishkwepat takat”
	SIDA tik Africa: tupajpakilis ipanpa Malik

Tay, kan, keman

YSUES Radio Universitaria tik 660AM: "Cultura Latinoamericana" ne lujlunes ka 10 horaj ka peyna. Wejkatanutza: 2511-2020. Shiwi tuwan!

Curso de náhuat: Centro Cultural Ne Yawal (Av. Izalco casa 102A, Colonia Centroamérica), los sábados 9-11:30 am, $1 la sesión a partir del 11 de enero 2014. Niveles Básico y Avanzado. Tamachtiani: Werner Hernández.

Clases de náhuat (nivel básico): Escuela de Artes de la UES, los viernes 2-4 pm, $0.50 x clase. Cuando lleguen pregunten dónde es el salón o por Guishtemi (77132406).