Ini mapaj ipal Africa kilwitia katiawel ne tejtechan kipiat mas wey tukniwan iwan VIH, ne virus weli techmaka SIDA
Tik Tsholotsho, Zimbabwe, ne tapajtianimet pakit. Senpakit sejseuk inwan. Taika pajpakit ne siwatket wan takamet? Ika nesik Malik Sekuru. Yaja nestuk wan kipia yektunal, te kukuya.
Ne itejteku Malik kipiat VIH.
Kichiwa sejse shiwit ka kalak tik ankakeski takutun pal Africa wan miak miktiwit o kukushtiwit ipanpa. Kwak ne inan kipia VIH, ne kunet nusan weli kipia kwak nesi.
Malik inte. Nesik yek. Mupatak ne ujti pal ini kunet; weli yultuk. Mupatak ne iuj Malik, wan yajika anka nusan yawi mupata ne iuj muchi ne kukunet yawit nesit nemanha. Yajika pajpakit sujsul miak tik Tsholotsho wan nujme.
Ken ijtuk?
Muajsi se pajti ne te kiajkawa ma kipanulti ne siwat ikukulis hasta ne ikunew. Su te kipiat uni pajti, semaya ne 70% pal ne kukunet welit nesit iwan yektunal su ne inan kipia VIH. Iwan ne pajti, anka ne 95%.
Melka uni, tikmatit ka muchi ne siwatket tik Africa te welit kiajsit ne pajti kwak munekit. Pal miak, uij ma kiajsikan.
Ashan senpual majtakti shiwit pejket taketzat ipanpa ne VIH, wan hasta ashan welit tinat ka tipewat tikupachuat ika weli mupajtia. Naka se ujti weyak. Timunekit tikmatit ken tiawit tikpajtia wan nusan ken tiawit titajpiat ne tukniwan kipiat ne kukulis; nusan nemi pal tiknapaluat yejemet.
Pal mupajtiat, seujseujti sujsul uij ika ne techan nemi wejka kan nemit tapajtianimet. Nusan te kipiat tumin pal kitashtawiat. Tutekiw wey!
Ne Médecins Sans Frontières (MSF) kichiwat wey pal kipalewiat. Yejemet tapajtianimet nejnemit nujme kipalewiat ne te kipiat tatka. Yek ma tikinpalewikan su tiwelit.
Mujmusta nesit 1000 shulut iwan VIH. Melka weyak ne ujti tuishpan, ashan nemit tapajtianimet pal kipalewiat ne sijsiwatket. Uni siwatket kinekit se yek musta ipal ne inpilawan.
Malik kipiaya ume metzti wan teuk kukushtuk. Yaja techmachtia ka su tikejekuat, tiawit tiwelit tiksumat ne VIH. Yajika tipajpakit wey ipanpa Malik wan inpanpa muchi.
YSUES Radio Universitaria tik 660AM: "Cultura Latinoamericana" ne lujlunes ka 10 horaj ka peyna. Wejkatanutza: 2511-2020. Shiwi tuwan!
Curso de náhuat: Centro Cultural Ne Yawal (Av. Izalco casa 102A, Colonia Centroamérica), los sábados 9-11:30 am, $1 la sesión a partir del 11 de enero 2014. Niveles Básico y Avanzado. Tamachtiani: Werner Hernández.
Clases de náhuat (nivel básico): Escuela de Artes de la UES, los viernes 2-4 pm, $0.50 x clase. Cuando lleguen pregunten dónde es el salón o por Guishtemi (77132406).
Taller de náhuat. Centro de Artes Hermanos Aguilar. Sábados 3:00pm. Inicio: 6 de abril 2013. Info. tel. 2222-3418.
.jpg)
