1 Famahaö khö Getano, ma'uwu Zera.[1]
2 Da'usuno wa'ebua dödö Yehowa andrö, irugi zi lö aetu, götö-götö wa'ara u'ombakha'ö bewegu andre, wa si lö faröi ndra'ugö.
3 Noa sa ömane: "Si lö aetu wa'atedou wa'ebua dödö andrö"; ba mbanua si yaŵa ö'aro'ö, wa lö faröi ndra'ugö.
4 "No fawu'u li ndra'o khö nituyugu andrö, no fahölu ndra'o khö genonigu Dawido andrö:[2]
5 Irugi zi lö aetu lö ubulö'ö madoumö andrö, irugi nga'ötö mitou u'a'aro'ö dadaomamö."
6 Ba lasuno banua si yaŵa zahöli-höli dödö andrö khöu, ya'ugö Yehowa, ba fa lö faröi ndra'ugö ba walukhata niha ni'amoni'ö.
7 Ha niha atö ba lawuo si yaŵa zi mane Yehowa? Ha niha zi mane Yehowa ba ndraono Lowalangi andrö?[3]
8 Sata'u ita Lowalangi ba walukhata sebua ba niha ni'amoni'ö ba sihokha mbu niha, fefu zi tefasui ya'ia.
9 He Yehowa, Lowalangi ngahönö, ha niha zi mane ya'ugö, salaŵa sebua? ba no tefasui ndra'ugö wa lö faröi andrö, khöu.[4]
10 Ba dangau so hokha nasi andrö; na ebua ndrulunia, ba ya'ugö zangahono.[5]
11 Ya'ugö mege zanguhundragö Rakhaba [Miserayi] andrö, hulö nibunu, tou ba danö, no öfazawili zi fa'udu khöu tangau sabölö andrö.[6]
12 Khöu mbanua si yaŵa ba khöu göi danö; uli danö, ba ösinia, ba ya'ugö mege zomböi.[7]
13 Yöu ba raya, ba ya'ugö zamazökhi; Tabora ba Heremono ba lakaraini wa'iki, ba döimö andrö.
14 Sabölö sibai mbulökhamö ba sabe'e dangau, ba no alaŵa gambölöu andrö.
15 Fa'atulö ba fa'adölö dayadaya dadaomamö andrö; ba sanaro fönau wa'ebua dödö ba fa'aduhu.[8]
16 Ya ahowu soi, sangila ma'iki; sanörö lalara ba haga mbawau andrö, ya'ugö Yehowa.
17 Ba döimö andrö lakaraini wa'iki, si lö mamalö-malö ba wa'atulömö andrö salaŵa ira.
18 Fa'amoadu wa'abölöra ndra'ugö, ba ba wa'asökhi dödöu andrö alaŵa dandrura andrö.
19 Khö Yehowa sa mbalusema andrö, ba khö ni'amoni'ö andrö ba Ndraono Gizeraeli razoma.[9]
20 Me no andrö, ba no muhede ndra'ugö ba zatulö tödö andrö khöu, ba gangilata, ömane: "No utolo zabölö, no ubali'ö salaŵa nono matua, ono mbanua.[10]
21 No usöndra genonigu Dawido andrö, no ubayoini ia fanikha ni'amoni'ö andrö khögu.[11]
22 Lö aefa dangagu khönia, ba i'abe'e'ö ia bulökhagu.
23 Lö tola ilimo ia si fatiu tödö, ba lö tola ifakao ia si lö atulö.
24 Ufufu dania fönania zi fa'udu khönia, ba ubözi tou zi fatiu tödö khönia.
25 I'o'awögö ia fa lö faröi ndra'o ba fa'ebua dödögu andrö; ba ba döigu dania alaŵa dandrunia andrö.[12]
26 Ufababaya'ö khönia nasi, ba ibabaya mboto nidanö kambölönia ube'e.[13]
27 Imane dania wangaröfi li ya'o: "Amagu ndra'ugö, Lowalangigu ba fangabe'e dödögu, ba wangorifigu andrö."[14]
28 Ba ya'o göi, ube'e si a'a ia, fondrege zalaŵa ba guli danö.
29 Irugi zi lö aetu, lö ubulö'ö khönia wa'ebua dödögu andrö, ba böi awu'a wawu'usa li andrö khöma.[15]
30 Ba lö ube'e aetu nga'ötönia, ba dadaomania, ba fa'ara mbanua si yaŵa ube'e.
31 Na la'erogö goroisagu ononia, na lö latörö lala andrö, khögu;
32 na la'o'aya gamakhoitagu ba na lö la'o'ö goroisagu,
33 ba u'otu'ö ira bözi-bözi ba horöra andrö, ba famakao ba lalöra.
34 Ba lö'ö zui ubulö'ö khönia wa'ebua dödögu, lö ulimo ia, lö faröi ndra'o.
35 Lö u'o'aya wawu'usa li andrö khögu, ba lö uwu'ai niŵa'ögu.
36 Sambalö si fahölu ndra'o ba wa'atulögu andrö, si ndruhu-ndruhu lö ulimo Dawido andrö.
37 Lö tola aetu nga'ötönia; ba dadaomania, ba hulö luo, fönagu.[16]
38 Si mane baŵa si yaŵa lö tebulö ia, ba lö faröi zamaduhu'ö andrö ba mbanua yaŵa."[17]
III. Mangarö-ngarö ia me no awuwu ma'uwu Dawido andrö ba i'andrö ena'ö ifuli ihakhösi tödö Lowalangi edit
39 Ba noa sa'ae ötibo'ö, ba no lö ba dödöu: no mofönu ndra'ugö khö nibayoinimö andrö.[18]
40 No ö'ositengagö wawu'usa li andrö khö genoniu andrö, no öhundragö tou zaembunia.
41 No ödudugö göli andrö khönia fefu, no öbali'ö adudula hatinia andrö.
42 Larabu hadia ia khönia dozi sanörö, no tobali fama'iki ia ba zi so ba ngainia.[19]
43 No ö'alaŵa'ö gambölö zamakao ya'ia, no ö'omusoi'ö dödö zi fatiu tödö khönia, fefu.
44 No öbe'e mangandrauli mbawa wödania, ba lö ni'abe'e'ömö ya'ia ba wanuwö.
45 No öbe'e taya lakhöminia, ba no öso'agö dadaomania.
46 No ö'ambösi khönia mbaŵa wa'ono matua, no öbalugö manö ia fa'aila.
47 Ha wa'ara na sa, wa lö mamalö-malö öbini'ö ndra'ugö, ya'ugö Yehowa? Ba ha wa'ara na muhola wönumö andrö, hulö galitö?[20]
48 Törö tödöu, wa lö anaunau nosogu andre; he wisa wa lö boto andrö, ba nifazökhiu ono niha fefu.[21]
49 Heza so niha, sauri manö, si lö mangila fa'amate, sangefa'ö bekhunia ba wa'abölö mbanua tou andrö?
50 Hezo wa'ebua dödöu föna, ya'ugö So'aya, nifabu'umö khö Dawido, fahölusa, ba wa lö faröi ndra'ugö?[22]
51 Törö tödöu, So'aya, wa'aila genonimö andrö, wa ulu'i wango'aya niha sato, soya soi.
52 Sanandraŵa — si fa'udu khöu, Yehowa, sanandraŵaisi lahe nibayoinimö andrö.
53 Nisuno Yehowa, irugi zi lö aetu. Ya duhu, Ya duhu![23]
Famotokhi ba gahe edit
- ↑ Faigi göi SamII 7:8–16
- ↑ Sin 132:11; Yes 55:3; HalZin 2:30
- ↑ Yob 1:6
- ↑ Sin 115:3
- ↑ Mat 8:26; Sin 65:8
- ↑ Sin 87:4
- ↑ Sin 24:1
- ↑ Sin 97:2
- ↑ Sin 47:10
- ↑ Ayati 4; SamI 13:14
- ↑ SamI 16:13
- ↑ SamI 2:10; Sin 132:17
- ↑ Sin 72:8
- ↑ SamII 7:14
- ↑ Yes 54:10
- ↑ Sin 72:17
- ↑ MozI 9:13
- ↑ Sin 44:10–25; 74:79
- ↑ Sin 80:13
- ↑ Sin 85:6
- ↑ Sin 90:9,10
- ↑ Sin 85:2
- ↑ Sin 41:14
Fabaliŵa lala edit
Olayama Sinunö: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66 • 67 • 68 • 69 • 70 • 71 • 72 • 73 • 74 • 75 • 76 • 77 • 78 • 79 • 80 • 81 • 82 • 83 • 84 • 85 • 86 • 87 • 88 • 89 • 90 • 91 • 92 • 93 • 94 • 95 • 96 • 97 • 98 • 99 • 100 • 101 • 102 • 103 • 104 • 105 • 106 • 107 • 108 • 109 • 110 • 111 • 112 • 113 • 114 • 115 • 116 • 117 • 118 • 119 • 120 • 121 • 122 • 123 • 124 • 125 • 126 • 127 • 128 • 129 • 130 • 131 • 132 • 133 • 134 • 135 • 136 • 137 • 138 • 139 • 140 • 141 • 142 • 143 • 144 • 145 • 146 • 147 • 148 • 149 • 150
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö