1 Khö duka wanunö andrö. Nilau Ndraono Gora andrö, Famahaö.[1]
2 He Lowalangi! No irongo tögi dalingama, no latunö khöma ira amama, ira tuama zebua andrö, nilaumö ba götöra, ba götö föna andrö.[2]
3 No ötimba soi niha tangamö andrö, ba no öfataro ira (ndra tuama); no öfakiko soi niha, ba no öbologö ira (ndra tuama)
4 Tenga moroi ba wangönara, wa tola la'okhögö danö, ba tenga moroi ba da'iora, wa möna ira, ha moroi ba dangau kambölö ba moroi ba da'iomö ba moroi ba haga mbawau andrö, me no ö'omai'ö ira.
5 Ya'ugö sa razogu, ya'ugö Lowalangi; ŵa'ö wangorifi Ndraono Yakobo andrö![3]
6 Moroi khöu, wa ma'ila matimba zamakao ya'aga ba moroi ba döimö andrö, wa mahundragö tou zi fa'udu khöma.
7 Ba wanagu lö'ö sa udöna-döna, ba si'öligu andrö, ba lö i'orifido.[4]
8 Ha sa ya'ugö zangefa'ö ya'aga ba zamakao ya'aga, ba aila zi fatiu tödö khöma öbe'e.
9 Ba khö Lowalangi masuno ndra'aga, si lö mamalö-malö, ba irugi zi lö aetu masuno döimö andrö.
10 Ba noa zui ötibo'ö ndra'aga ba no öbe'e aila ndra'aga, ba lö'ö sa'ae fao ndra'ugö ba zi möi fasuwö andrö khöma.
11 Moloi ndra'aga ba zamakao ya'aga öbe'e, ba no morabu zi fatiu tödö khöma.
12 No ölulu ndra'aga, hulö mbiri-biri nitaba ö, ba no öfazawili ndra'aga ba niha baero.
13 No ö'amawa mbanuau, side-ide böli, lö ni'ebua'ömö bölinia.
14 Laherai ndra'aga si so ba ngaima öbe'e, irege la'igi'igi'ö ndra'aga si tefasui ya'aga ba la'o'ayaga.[5]
15 No öbe'e amaedola ndra'aga ba niha baero, awö wa lafalikhö ira khöma soi niha.
16 Lö mamalö-malö ba duduma hörögu wa'ailagu andrö, no tehawu ndra'o fa'aila andrö, si no göna ndra'odo.
17 Börö li zango'aya ya'odo, awö li zanandraŵaisi ya'o ba si fatiu tödö andrö, ba somasi folau balö, ni'ila-ila hörögu.
III. Fangandrö fangorifi edit
18 Da'ö fefu zanörö ya'aga, he ŵa'ae lö olifuga ndra'ugö, ba he ŵa'ae lö si falimo ndra'aga, ba wawu'usa li andrö khöu.
19 Lö si fabali dödöma ba lö nihole'öma ya'aga, wondröi lala andrö khöu.
20 Wa no öfufu ndra'aga ba naha nasu ana'a andrö, awö wa no öhawui ndra'aga fa'ogömi-gömi.
21 Na no olifuga mena'ö döi Lowalangima andrö, na no ma'oro'ö dangama ba Lowalangi bö'ö,
22 ba hadia, lö i'alui da'ö Lowalangi? I'ila sa atö zi tobini ba dödö.[6]
23 Börö sa ndra'ugö, wa tebunubunu ndra'aga, si lö mamalö-malö, hulö mbiri-biri nitataba ndra'aga, ba dödö niha bö'ö.[7]
24 Faoso! Hana wa mörö'ö, ya'ugö So'aya? Faoso! Böi tibo'ö ndra'aga si lö fulitö![8]
25 Hana wa öbini'ö mbawau ba hana wa olifu'ö wa'anumanama ba famakao ya'aga andrö?[9]
26 Noa sa aöndrö dödöma, irugi ba gawu-gawu tou, no fatöfa ba danö daluma.
27 Fazaŵa'ö, ba wanolo ya'aga ba orifi ndra'aga ba wa'ebua dödöu andrö!
Famotokhi ba gahe edit
Fabaliŵa lala edit
Olayama Sinunö: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66 • 67 • 68 • 69 • 70 • 71 • 72 • 73 • 74 • 75 • 76 • 77 • 78 • 79 • 80 • 81 • 82 • 83 • 84 • 85 • 86 • 87 • 88 • 89 • 90 • 91 • 92 • 93 • 94 • 95 • 96 • 97 • 98 • 99 • 100 • 101 • 102 • 103 • 104 • 105 • 106 • 107 • 108 • 109 • 110 • 111 • 112 • 113 • 114 • 115 • 116 • 117 • 118 • 119 • 120 • 121 • 122 • 123 • 124 • 125 • 126 • 127 • 128 • 129 • 130 • 131 • 132 • 133 • 134 • 135 • 136 • 137 • 138 • 139 • 140 • 141 • 142 • 143 • 144 • 145 • 146 • 147 • 148 • 149 • 150
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö