Wikimedia Incubator

Wb/nia/Sinunö/22

< Wb | nia | Sinunö
Wb > nia > Sinunö > 22

1 Khö duka wanunö andrö. Dali: "Böhö si alawe, na moluo." Sinunö khö Dawido.

I. Mangarö-ngarö Dawido, ba wamakao andrö khönia

edit

2 He Lowalangigu! He Lowalangigu! Hana wa no ö'erogö ndra'o? No aröu ndra'ugö, ba wangorifi ya'o ena'ö ba ba wamondrongo ligu, fangarö-ngarögu andre.[1]
3 He Lowalangigu! Mu'ao ndra'o, na ma'ökhö, ba lö ötema ligu, ba ba zi bongi, ba lö falukha wondrara dödö.
4 Ba ni'amoni'ö sa atö ndra'ugö, sidadao yaŵa wanunö Ndraono Gizeraeli andrö.
5 Khöu manötöna ndra tuama föna, ladöna-döna, ba no ö'orifi ira.
6 Ya'ugö la'angaröfi li, ba lasöndra wangorifi; khöu ladöna-döna, ba lö si te'ailaisi ira.[2]
7 Ba ya'odo, ba no kukuö ba tenga niha; fama'iki niha ndra'odo ba si lö ba dödö zato![3]
8 La'o'aya ndra'o dozi sangila ya'odo, labobo mbawara ba lafalikhö ira.[4]
9 "Be'e balazi Yehowa! Yamu'orifi ia, yamu'efa'ö; i'omasi'ö sa atö ia."
10 Ya'ia, ya'ugö zanöbi ya'odo mege moroi ba dalu ninagu, ba lö sabu dödögu, ba mbalö meme ninagu, öbe'e.[5]
11 Ya'ugö dötönafögu, i'otarai dalu ninagu; i'otarai ba gaheta ninagu, ba Lowalangigu ndra'ugö.
12 Böi aröu'ögö khögu, me no ahatö wa'atosasa, lö'ö sa sangorifi.
13 Oya zamasui ya'o öröbao, lafa'u'u ndra'o si matua göröbao Mbazana andrö.
14 Lafaboka mbawara khögu, hulö si mane singo, si manga niha, si ndröndröndröndrö.
15 No tefaduwa ndra'o, hulö nidanö, ba no ahori faefa mbu'ugu; no tobali hulö zigusigu dödögu, no mangulu barö dotogu.[6]
16 No oköli gararogu, hulö duga lawu, falemba lelagu ba dölö-tölögu ba öbali'ö oboula zi mate ndra'odo.[7]
17 Noa sa lafasui ndra'o asu, lafa'u'u ndra'o sebua horö, no owulo; no latöla'ö dangagu awö gahegu.[8]
18 U'ila u'erai dölagu fefu. Lafaigi-faigi, latöngötöngö ndra'o, fa'omasira.
19 Lafaosa khöra nukhagu ba fadahö-dahö ba gamezagu.[9]
20 Ba ya'ugö, Yehowa, ba böi aröu'ögö! ya'ugö fa'abölögu, ta'i-ta'i tolodo!
21 Efa'ö ndra'o ba mbawa zi'öli andrö, nosogu, si ha sambu-sambua andrö, efa'ö ba nasu.[10]
22 Fasöbido ba mbawa zingo! Noa sa öfondrondrongo ligu, ba dandru göröbao andrö.

II. Isuno Lowalangi, me no ifuli itolo ia

edit

23 Edöna u'ombakha'ö döimö ba dalifusögu, ba hunö zowulo niha usuno ndra'ugö.[11]
24 Ya'ami sangata'ufi Yehowa, misuno ia! Ya'ami, madou Yakobo, mifosumange ia, ba mi'ata'ufi ia, ya'ami ma'uwu Gizeraeli fefu.
25 Tenga sa fa lö ba dödönia wamakao zi göna famakao andrö ba lö ni'ogorofinia; ba me no mangarö-ngarö khönia, ba no ifondrondrongo.[12]
26 Börö ndra'ugö, wa manunö ndra'o ba gowuloa sebua; ubu'a nifabu'ugu tanö föna zangata'ufi ya'ia.
27 Falukha manga zi göna famakao andrö ba abuso; lasuno dania Yehowa sangalui ya'ia; ya auri dödömi, si lö aetu![13]
28 Lasöndra tödöra balö danö fefu ba mangawuli khö Yehowa; ba fönamö latuhi danö fefu soi niha baero.
29 Khö Yehowa sa wa'asalaŵa ba ya'ia zamatörö soi niha.
30 Ha fönania lalaugö tou ira ba danö dozi satabö ba guli danö andre; fönania lafaöndrö ira dozi sanaŵa tanö andrö tou, ba ha niha si lö mangila mangorifi nosonia.[14]
31 Ma'uwu da'ö zi möi enoninia dania. Ladunö-dunö Zo'aya ba niha dania.[15]
32 La'ombakha'ö wa'atulö dödönia ba niha si tumbu mitou, wa no ifolua-lua.[16]

Famotokhi ba gahe

edit
  1. ↑ Mat 27:46
  2. ↑ Sin 25:2,3
  3. ↑ Sin 69:8; Yes 53:3; Mat 27:39–44
  4. ↑ Yob 16:4,10
  5. ↑ Sin 71:6
  6. ↑ Luk 22:44
  7. ↑ Yoh 19:28
  8. ↑ Yoh 20:25,27
  9. ↑ Yoh 19:24
  10. ↑ Sin 35:17
  11. ↑ Sin 9:15; Heb 2:12; Yoh 20:17
  12. ↑ Sin 9:13; Heb 5:7
  13. ↑ Sin 69:23
  14. ↑ Faigi 2:10
  15. ↑ Yes 53:10
  16. ↑ Sin 110:3; Yoh 19:30

Fabaliŵa lala

edit

Olayama Sinunö: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66 • 67 • 68 • 69 • 70 • 71 • 72 • 73 • 74 • 75 • 76 • 77 • 78 • 79 • 80 • 81 • 82 • 83 • 84 • 85 • 86 • 87 • 88 • 89 • 90 • 91 • 92 • 93 • 94 • 95 • 96 • 97 • 98 • 99 • 100 • 101 • 102 • 103 • 104 • 105 • 106 • 107 • 108 • 109 • 110 • 111 • 112 • 113 • 114 • 115 • 116 • 117 • 118 • 119 • 120 • 121 • 122 • 123 • 124 • 125 • 126 • 127 • 128 • 129 • 130 • 131 • 132 • 133 • 134 • 135 • 136 • 137 • 138 • 139 • 140 • 141 • 142 • 143 • 144 • 145 • 146 • 147 • 148 • 149 • 150

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Sinunö/22&oldid=6229196"