1 Khö duka wanunö andrö; fao wolau biola. Famahaö; khö Dawido.
I. Fangandrö fangefa ba zi fa'udu si lö sökhi, ba ba zi fahuwu si falimo
edit2 Be'e mbörö dalingau, ya'ugö Lowalangi, ba wangandrögu andre; böi bini'ö ndra'ugö, na u'angaröfi li ndra'ugö!
3 Faigi ndra'o ba fondrondrongo khögu; elungu-lungu misa ndra'o ba wangarö-ngarögu andre, ba me'e dödögu.
4 Ba wagua-guasa zi fa'udu andrö ba ba wamalangögö zebua horö awöra; lahawui sa'ae ndra'o famakiko ba abölö sibai watiusara khögu.
5 Manizi bakha dödögu ba no ihawui ndra'o fa'ata'ugu wa'amate.
6 Ata'u ndra'o ba mogikhido ba ibalugö ndra'o fehokha mbu.
7 Ba umane: Ena'ö mo'afi ndra'odo, si mane marafadi, ba muhombo ena'ö ndra'o misa, fa ahono ndra'odo.[1]
8 Hiza, usaŵa zaröu ena'ö, ba u'iagö danö si mate.
9 U'aliogö ena'ö woloi, usaŵa zi lö gönado angi ba teu laöhö.
10 Fakiko ira, So'aya, fabali lelara! Noa sa u'ila wamalangögö ba fasosota ba mbanua.[2]
11 Bongi ma'ökhö lafasui ba dete göli, ba famakuyu ba fangabu dödö bakha.
12 Famakiko bakha; famalangögö awöra ba falimosa lö mamalö ba kade khöra.
13 Tenga sa si fa'udu zango'aya ya'odo; na si manö, ba utaha; tenga si fatiu zi fayaŵa khögu; na si manö, ba ubini'ö ena'ö ndra'o khönia.
14 Ya'ugo sa'ae, niha si mane ya'odo, si fahuwu ba si no fa'ila li khögu.[3]
15 No fahuo-huo ita ba zi ha ya'ita, no fao ita we'amöi ba nomo Lowalangi, awö zato andrö.
16 Yamukhamö ira fa'amate si lö mudöna-döna, ndramusaŵa mbanua tou, auri! Si lö sökhi sa ba nomora, ba dödöra bakha.
17 Ba ya'odo, ba u'angaröfi li Lowalangi, ba i'orifi ndra'o Yehowa.
18 Na owi ba na mahemolu mbanua ba na laluo mangarö-ngarö ndra'o, ba me'e ndra'o, ba ifondrondrongo ligu.
19 I'orifi nosogu, i'atulö'ö, fa böi lalau khögu, ato sa'ae zi fa'udu khögu.
20 Ifondrondrongo Lowalangi ba ihöndrögö ira, sidadao sa ia, no arara; lö'ö sa lafalalini gera-erara ba lö la'ata'ufi Lowalangi.[4]
21 No i'oro'ö dangania, wombambaya si no atulö khönia, no ibe'e ba zalakha wawu'usa li andrö khönia.
22 Hulö dawö mbawi wa'alösö mbewenia, ba fanuwö dödönia; salösö moroi ba wanikha wehedenia, ba si ndruhunia, ba bawa wöda.[5]
23 Be'e noro Yehowa norou andrö, ba i'orifi'ö, lö ibe'e mangiwa zatulö tödö, irugi zi lö aetu.[6]
24 Ba ya'ugö Lowalangi zanimba ya'ira si tou ba mbawa gohokoho; sange'enge'e andrö ba si falimolimo andrö, ba lö ikhamö talu niha nosora, ba ya'odo, ba sanötöna khöu.[7]
Famotokhi ba gahe
editFabaliŵa lala
editOlayama Sinunö: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66 • 67 • 68 • 69 • 70 • 71 • 72 • 73 • 74 • 75 • 76 • 77 • 78 • 79 • 80 • 81 • 82 • 83 • 84 • 85 • 86 • 87 • 88 • 89 • 90 • 91 • 92 • 93 • 94 • 95 • 96 • 97 • 98 • 99 • 100 • 101 • 102 • 103 • 104 • 105 • 106 • 107 • 108 • 109 • 110 • 111 • 112 • 113 • 114 • 115 • 116 • 117 • 118 • 119 • 120 • 121 • 122 • 123 • 124 • 125 • 126 • 127 • 128 • 129 • 130 • 131 • 132 • 133 • 134 • 135 • 136 • 137 • 138 • 139 • 140 • 141 • 142 • 143 • 144 • 145 • 146 • 147 • 148 • 149 • 150
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö