1 Khö duka wanunö andrö, dali: "Ladari mböhö." Khö Dawido.
2 Orifido Lowalangi, irugi sa'ae nosogu molö andrö!
3 No alömö ndra'o ba laza sabakha, si lö dane-dane gahegu; no urugi namö nidanö, ba itörö högögu molö andrö.
4 Erege dödögu we'aogu, no odufodufo dölö-tölögu, alö sa'ae hörögu wombalo-mbaloi Lowalangigu andrö.
5 Oya moroi ba rozi mbu ba högögu zi fatiu tödö khögu, lö börö; ato zamakiko ya'o, si fa'udu khögu ba waya; labe'e ni'aligu zi tenga nirabugu.[1]
6 He Lowalangi, ya'ugö zangila wa si no ambö tödö ndra'odo, ba tenga si tobini khöu lalögu andrö.
7 Böi be'e aila ba khögu andre zanötöna khöu, ya'ugö So'aya, Yehowa ngahönö andrö! Böi aila ba khögu andre zangalui ya'ugö, ya'ugö Lowalangi Ndraono Gizeraeli!
8 Börö ndra'ugö, wa utaha wango'aya, wa tobalu mbawagu fa'aila.[2]
9 No tobali niha bö'ö ndra'o ba dalifusögu, lö'ö sa'ae la'ilado ono ninagu andrö.[3]
10 Noa sa'ae i'ado fönu andrö, ba nomomö ba no gönado fango'aya zango'aya ya'ugö andrö.[4]
11 Me'e dödögu ba lö manga-mangado, ba tobali fango'aya ya'odo.
12 U'onukha gonigoni, ba tobali amaedola ndra'o khöra.
13 Lafatou ndra'o sidadao ba mbawa göli ba samadu-madu tuo, na manunö.[5]
II. Fangandrö fangorifi edit
14 Ba ya'odo, ba khöu utandrösaigö wangandrögu, ya'ugö Yehowa, na baŵa wa'ebua dödöu; he Lowalangi, ba wa'abölö wa'ebua dödöu andrö tema ligu fanolou andrö, si lö faröi![6]
15 Söbi yaŵa ndra'o moroi ba laza andre, fa böi alömö ndra'o; ena'ö aefa ndra'odo ba zi fatiu tödö khögu ba ba namö nidanö andre.
16 Böi be'e itörö högögu yaŵa molö ba böi be'e ahöndrö ndra'o ba namö, ba böi tehe iduhö mbawania yaŵagu kohokoho.
17 Fondrondrongo ligu, Yehowa, omasiö sa wa'ebua dödöu andrö, otahögö ndra'o, ba wa'ahakhö dödöu andrö, si no ebua.
18 Ba böi bini'ö mbawau khö genoniu andre; sata'u sa'ae ndra'odo; ta'i-ta'i fondrondrongo khögu!
19 Hatö'ögö ba dödögu, orifi; efa'ö ndra'odo, börö zi fatiu tödö andrö khögu.
20 Ya'ugö zangila fango'aya ya'o andrö ba fa'ailagu ba fahöwösa andrö, nilau khögu; no so ba gametahöu zamakao ya'o fefu.
21 Matedo ibe'e fango'aya andrö, u'ofökhöi; ubazebaze'ö wa'ahakhö dödö, ba lö'ö, ba sondrara tödö, ba lö falukha.[7]
22 Labe'e ögu gawökhu, ba me owökhi dödögu ba lafabadugö khögu niro aisö.[8]
23 Ya tobali fesu naha göra fönara, ya tobali tandraŵa ba zi lö fa'abu dödö![9]
24 Ya ndrundrumö höröra, fa böi la'ila niha, ya mangiwangiwa zolara, si lö mamalö-malö!
25 Hawui ira bakhu-bakhu dödöu andrö, yamukhamö ira hola-hola wönumö andrö!
26 Ya adudu nahiara, ya lö niha ba nosera andrö![10]
27 Me no solohi nibagou andrö ira, ba sanutunö fa'afökhö zesokho khöu.[11]
28 Nönö horö horöra andrö, ba böi be'e lakhamö wa'atulö andrö fönau,[12]
29 Nibunu döira ba zura wa'auri andrö, ba tebai tetanö ba zura döira, awö döi zatulö.[13]
30 Ba ya'odo, ba no si numana ba si no fahöna fa'afökhö, ba folohe yaŵa ya'o wangorifi andrö khöu, ya'ugö Lowalangi.
31 Da'usuno döi Lowalangi ba wanunö, u'ebua'ö duriania fangandrö saoha gölö.
32 Da'ö zomasi Yehowa, moroi ba zawi si matua, moroi ba nono zawi si so tandru ba sa'a.[14]
33 La'ila si numana ba omuso dödö; ya'ami, sangalui Lowalangi, ya auri dödömi![15]
34 Ifondrondrongo sa Yehowa li zi numana, ba lö i'ositengagö nikuru andrö khönia.
35 Yamusuno ia banua si yaŵa ba tanö ba asi, awö zaliŵa-liŵa bakha, fefu!
36 Itolo sa Ziona Lowalangi ba ifuli itaru'ö mbanua Ndraono Yuda, ba monahia ira ba da'ö, ba khöra sa'ae.
37 Ba latema ondröita ma'uwu genoninia, ba somasi töinia zi soso ba da'ö dania.
Famotokhi ba gahe edit
Fabaliŵa lala edit
Olayama Sinunö: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66 • 67 • 68 • 69 • 70 • 71 • 72 • 73 • 74 • 75 • 76 • 77 • 78 • 79 • 80 • 81 • 82 • 83 • 84 • 85 • 86 • 87 • 88 • 89 • 90 • 91 • 92 • 93 • 94 • 95 • 96 • 97 • 98 • 99 • 100 • 101 • 102 • 103 • 104 • 105 • 106 • 107 • 108 • 109 • 110 • 111 • 112 • 113 • 114 • 115 • 116 • 117 • 118 • 119 • 120 • 121 • 122 • 123 • 124 • 125 • 126 • 127 • 128 • 129 • 130 • 131 • 132 • 133 • 134 • 135 • 136 • 137 • 138 • 139 • 140 • 141 • 142 • 143 • 144 • 145 • 146 • 147 • 148 • 149 • 150
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö