Wb/nia/Sinunö/102

1 Fangandrö zi numana, na abu dödönia, na ifarongogö khö Yehowa wangarö-ngarönia.

I. Fangarö-ngarö ni'otu'ö Lowalangi

2 He Yehowa, fondrondrongo wangandrögu, akha irugi dögi dalingau we'aogu andre!
3 Böi bini'ö khögu mbawau, na baŵa wa'ata'ugu; be'e mbörö dalingau khögu, na u'angaröfi li ndra'ugö; ta'i-ta'i fondrondrongo khögu!
4 Taya-taya sa'ae mbaŵagu, hulö zimbo, ba timba ni'a galitö dölagu.
5 Tödögu bakha, ba no aleu, no oköli, hulö ndru'u ba danö; olifudo sa'ae wemanga gögu.
6 Falemba ba nagolegu dölagu, balazi wa'abölö-bölö wangarö-ngarögu andrö.
7 No si fagölö-gölö ba dumbao ba mbewe nasi ndra'odo, hulö lamuhu ba gadudula mbanua.
8 Lö salau hörögu, hulö wofo, si ha sambu-sambua ba gero zagö.
9 Ma'öma'ökhö latandraŵaisi ndra'o si fa'udee khögu, ba sabao tödö khögu, ba labe'e hölu ndra'odo.
10 Ufemanga wakhe sa'ae nawu, ba ufaruka ba nibadugu daŵa hörö.
11 Börö wönumö andrö ba bakhu-bakhu dödöu; noa sa öfazaŵa ndra'o, ba no ötibo'ö tou ndra'odo.
12 Hulö lumö, si no adöni, mbaŵagu andrö, ba saleu ndra'o, hulö ndru'u.

II. Fangandrö fangazökhi Siona

13 Ba ya'ugö, Yehowa, ba si no dumadao, si lö mamalö-malö, ba lö tebulö duriamö, götö-götö wa'ara.
14 Maoso dania ndra'ugö ba öhakhösi tödö Ziona andrö; baŵa sa'ae, fa ö'ebua'ö dödöu khönia; noa sa irugi inötö.
15 Omasi sa genonimö garania andrö ba ahakhö dödöra gadudulania.
16 Ba la'ata'ufi döi Yehowa andrö niha baero; ba dozi salaŵa ba guli danö, ba la'ata'ufi lakhömiu.
17 Me no ifuli itaru'ö Ziona Yehowa, me no i'oroma'ö ia ba lakhöminia andrö.
18 Me no ifondrondrongo wangandrö zi numana ba me lö ni'ositengagönia fangandröra andrö.
19 Nitanö ba zura da'ö, nifa'ema ba zi sagötö niha dania; ba niha niwöwöi dania, ba lasuno Yehowa.
20 Me no ifaigi moroi ba zalaŵa yaŵa andrö khönia, ni'amoni'ö; me no inehegö guli danö Yehowa moroi ba zorugo.
21 Ba wamondrondrongo fangarö-ngarö nikuru andrö, ba wangefa'ö si mate mena'ö.
22 Ena'ö ladunö-dunö döi Yehowa ba Ziona ba turiania ba Yeruzalema.
23 Na la'orudugö ira soi niha fefu ba öri andrö, ba wamosumange Yehowa.
24 No ihöndrögö wa'abölögu, ba lala, no i'ambösi wa'anau nosogu.
25 Ba umane: "He Lowalangigu, böi etu'ö nosogu, ha talu niha! Fa'anau nosou andrö, ba götö-götö wa'ara.
26 Ba götö föna sa'ae ölata danö, ba nifazökhi dangau mbanua si yaŵa.
27 Ya'ia andrö, ba si taya dania, ba ya'ugö, ba si lö tebulö; atua dania ia fefu, hulö mbaru; öfamalalini baru, ba tobali.
28 Ba ya'ugö andrö, ba ya'uya'ugö manö, ba döfiu andrö, ba lö ahori.
29 Monahia ndraono genoniu andrö, ba ma'uwura, ba si lö tebulö fönau."

Famotokhi ba gahe

Fabaliŵa lala

Olayama Sinunö: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66 • 67 • 68 • 69 • 70 • 71 • 72 • 73 • 74 • 75 • 76 • 77 • 78 • 79 • 80 • 81 • 82 • 83 • 84 • 85 • 86 • 87 • 88 • 89 • 90 • 91 • 92 • 93 • 94 • 95 • 96 • 97 • 98 • 99 • 100 • 101 • 102 • 103 • 104 • 105 • 106 • 107 • 108 • 109 • 110 • 111 • 112 • 113 • 114 • 115 • 116 • 117 • 118 • 119 • 120 • 121 • 122 • 123 • 124 • 125 • 126 • 127 • 128 • 129 • 130 • 131 • 132 • 133 • 134 • 135 • 136 • 137 • 138 • 139 • 140 • 141 • 142 • 143 • 144 • 145 • 146 • 147 • 148 • 149 • 150

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö