1 Misuno Yehowa, mi'angaröfi li döinia andrö! Midunö-dunö ba niha baero wolaunia andrö.[1][2]
2 Mi'anunö khönia! Misuno ia! Ena'ö itörö limi zahöli-höli dödöda andrö khönia, fefu.
3 Misuno ami ba döinia andrö ni'amoni'ö! Ya omuso dödö zangalui Yehowa!
4 Mizofu-zofu Yehowa, awö wa'abölönia andrö! Böi mifamalö-malö wangalui bawania!
5 Mitörö-törö tödömi zahöli-höli dödöda andrö khönia, nilaunia, tandra andrö khönia ba fanguhukunia, taroma linia!
6 Ya'ami, ma'uwu genoninia Aberahamo, ya'ami ma'uwu Yakobo andrö, nitutuyunia.
7 Ya'ia, Yehowa, ba no Lowalangida; itöröi guli danö fanguhukunia andrö.
8 Lö olifu ia gamabu'ula linia andrö, irugi zi lö aetu, taroma li andrö, nihonogöinia, ba ngahönö nga'ötö.
9 Fawu'usa li andrö, me fawu'u li ia khö Gaberahamo, ba fahölusania andrö khö Giza'aki.
10 Ba no ibe'e amakhoita khö Yakobo, amabu'ula li si lö tebulö khö Gizeraeli andrö,
11 wanguma'ö: "Khöu ube'e danö Gana'ana andrö, tana khömi, ondröita."[3]
12 Me lö ato ira na, me ha fasamösa na, ba me si fatewu ira ba danö.
13 Ba latöröi soi niha andrö; ba nöri si sambua so ira ma'ökhö, ba mahemolu, ba ba niha hö'ö.
14 Lö ibe'e nifakao niha bö'ö ira, ba i'otu'ö razo, börö ira.[4]
15 "Böi mibabaya nibayoinigu andrö ba böi mifakao zame'ele'ö andrö khögu."
16 Ba ikaoni ba danö lofo mbanua, ifatö dendrotendro gö fefu.[5]
17 Ifowaö-waö khöra zamösa; te'amawa sawuyu Yosefo andrö.[6]
18 Lalazi gahenia ba galö, tefa'u'u si'öli nosonia.
19 Irege itörö niŵa'önia andrö; taroma li Yehowa wamaduhu'ö ya'ia.
20 Ba ifatenge razo, idudu ia; salaŵa soi niha andrö, i'efa'ö ia.[7]
21 Ibali'ö satua baomo khönia; ifataro samatörö si so khönia fefu.
22 Ba wamöbö salaŵa andrö khönia, na omasi ia, ba ba wangatua-tua'ö satua andrö khöra.
23 Ba isaŵa danö Miserayi Izeraeli, i'iagö danö ma'uwu Khamo Yakobo, si fatewu.[8]
24 Ba i'oya'ö ndraono ba mbanuania andrö, ato ira, moroi ba zamakao ya'ira, ibe'e.[9]
25 Ibali'ö dödö da'ö, ena'ö fatiu ba mbanuania andrö, ena'ö lalau zi lö atulö ba genoninia.
26 Ifatenge genoninia Moze ba A'aroni andrö, nituyunia.
27 Lafazökhi dandra andrö khönia, ba khöra ba sahöli-höli dödö ba danö ma'uwu Khamo.[10]
28 Ifatörö wa'ogömi-gömi, ogömi danö ibe'e, ba lö aetu lafadaö linia.
29 Ibali'ö do nidanö khöra, mate gi'a khöra ibe'e.
30 Molihaliha ba danöra dalaho, irege ba mbate'e razora.
31 Muhede ia, ba tesao ndri manu, ba di mböhö, ba danöra, ma'asagörö.
32 Ifatörö khöra deu kara, salahi deu bö'ö, alitö sihola-hola ifatörö ba danöra.
33 Ibözi ŵeŵe nagu khöra, awö mbua ara, ifatö ndraha geu ba danöra.
34 Muhede ia, ba tesao damo ba lamanua, tebai te'erai.
35 Ahori la'a ndru'u ba danöra, ba öra göi mbua danö khöra.
36 Ba ibözi tou fefu nono si a'a, ba danöra, si a'a zabölö andrö khöra fefu.
37 Ba aheta ira ibe'e, fao wirö ba fao gana'a; ba lö salau ba madora andrö.[11]
38 Omuso dödö Ndrawa Miserayi, me aheta ira; noa sa ihawui ira fa'ata'u, ba khöra andrö.
39 Ibologö lawuo, balu-balu, ba alitö, ba wohagaini si bongi.[12]
40 Mangandrö ira, ba ifatörö ziate ba i'abusoi'ö ira kue moroi ba mbanua si yaŵa.[13]
41 Itöla'ö gara, ba mangele nidanö, mo'ungo misa ba danö si mate, timba nidanö sebua.[14]
42 Itörö sa tödönia daroma linia andrö, ni'amoni'ö, ba enoninia Aberahamo andrö.
43 Ba ifawu'a mbanuania andrö, omuso dödö; owua-wua dödö nitutuyunia andrö.
44 Ba ibe'e khöra danö niha baero andrö; möi tana khöra gödo soi andrö.
45 Ena'ö la'o'ö gamakhoitania andrö, ba ena'ö lö lasawö goroisania. Haleluya!
Famotokhi ba gahe edit
Fabaliŵa lala edit
Olayama Sinunö: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66 • 67 • 68 • 69 • 70 • 71 • 72 • 73 • 74 • 75 • 76 • 77 • 78 • 79 • 80 • 81 • 82 • 83 • 84 • 85 • 86 • 87 • 88 • 89 • 90 • 91 • 92 • 93 • 94 • 95 • 96 • 97 • 98 • 99 • 100 • 101 • 102 • 103 • 104 • 105 • 106 • 107 • 108 • 109 • 110 • 111 • 112 • 113 • 114 • 115 • 116 • 117 • 118 • 119 • 120 • 121 • 122 • 123 • 124 • 125 • 126 • 127 • 128 • 129 • 130 • 131 • 132 • 133 • 134 • 135 • 136 • 137 • 138 • 139 • 140 • 141 • 142 • 143 • 144 • 145 • 146 • 147 • 148 • 149 • 150
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö