Wb/nia/Sinunö/73

Sinunö; khö Gasafo.

I. Fangiwa dödö ba wamaigi fa'ohahau dödö zanao horö

1 Si ndruhu, ebua dödö Lowalangi ba Ndraono Gizeraeli, ba zohau-hau tödö andrö.
2 Ha ma'ifu tö, ba mangiwa mena'ö gahegu; ezai mutö tö, ba ahele ndra'o.
3 Afökhö sa'ae dödögu ba zi fayaŵa andrö, me u'ila wa'ohahau dödö zebua horö andrö.
4 Lö'ö sa fa'afökhö khöra, irugi mate ira, ba so'ösi mbotora.
5 Lö sabu dödöra, si mane ba niha bö'ö; ba lö tefakao ira, si mane awöra.
6 Ba da'ö moroi, wa no hulö naya ba mbagi khöra hokha andrö, awö wa no hulö mbarura wamakao awöra.
7 No ahöndrö höröra, ba wa'esolo mbawara; falawu nifakhai dödöra andrö.
8 Mango'aya ira ba itörö lira wamalangögö awöra, ba walösökhira andrö; fayaŵasa wehedera andrö.
9 Lafayaŵa mbawara, irugi mbanua si yaŵa ba itöröi guli danö lelara.
10 Andrö göi la'o'ö khöra banua, ba lö ambö öra idanö.
11 Ba lamane: "Hana wa i'ila Lowalangi? Hadia, so wangila khö Wondrege zalaŵa andrö?"
12 Hiza, da'ö zebua horö andrö; lahöna gana'a, ba wa lö mamalö-malö wa'ohahau dödö.
13 Ba he wisa, zaya-zaya gölö, wa no u'ohau-hau'ö dödögu, wa usasai dangagu ba wa lö sala?
14 Ba hadia, nifakao ndra'o, ero ma'ökhö, ba ero mahemolu so wotugu?
15 Na uŵa'ö mena'ö tödögu: "Umanö göi wehede," ba hiza, ba no faröi ndra'o ba nga'ötö nonou andrö.

II. Si lö sökhi lua-luara ba aro dötönafö zatulö tödö

16 Ba no mangera-ngera ndra'o, ena'ö aboto ba dödögu, ba abu dödögu, wamaigigu ya'ia.
17 Irege möido ba ni'amoni'ö andrö khö Lowalangi, wanöngöni amozuara.
18 Si ndruhu, no öfataro ira ba zaelo tanö, alau ira obe'e, ena'ö afufu.
19 Ha lö alio adudu ira, si lö mudöna-döna, no tekiko ira, no aetu, ba gameta'uö.
20 Ötayaigö ba dödöu khala-khalara, ya'ugö So'aya, na tokea'ö; hulö wangifi, na aefa wemörö.
21 Me abao dödögu ba me manögi ba mbuagu,
22 ba sambö tödö ndra'o ba lö saboto ba dödögu; hulö zaliŵa-liŵa ba danö ndra'o fönau.
23 Ba lö'ö zui uröi ndra'ugö; ya'ugö zolohe tangagu kambölö.
24 Öfasao ndra'o, balazi dödöu, ba ötema ndra'o dania, fao zumange. Ha niha khögu ba zorugo?
25 Ba na khögu ndra'ugö, ba lö hadia ia zomasido ba guli danö.
26 Alakha alö nösigu ba alakha ariri dödögu; we'e-we'e dödögu Lowalangi ba urakhagu, irugi zi lö aetu.
27 Hiza sa, tekiko zangerogö ya'ugö; öhori fefu zi faröi khöu.
28 Ba khögu, ba fa'ohahau dödö, na faböbö ndra'o khö Lowalangi, khö Zo'aya, Yehowa manötöna ndra'o, ba wanutunö folaunia andrö, fefu.

Famotokhi ba gahe

Fabaliŵa lala

Olayama Sinunö: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66 • 67 • 68 • 69 • 70 • 71 • 72 • 73 • 74 • 75 • 76 • 77 • 78 • 79 • 80 • 81 • 82 • 83 • 84 • 85 • 86 • 87 • 88 • 89 • 90 • 91 • 92 • 93 • 94 • 95 • 96 • 97 • 98 • 99 • 100 • 101 • 102 • 103 • 104 • 105 • 106 • 107 • 108 • 109 • 110 • 111 • 112 • 113 • 114 • 115 • 116 • 117 • 118 • 119 • 120 • 121 • 122 • 123 • 124 • 125 • 126 • 127 • 128 • 129 • 130 • 131 • 132 • 133 • 134 • 135 • 136 • 137 • 138 • 139 • 140 • 141 • 142 • 143 • 144 • 145 • 146 • 147 • 148 • 149 • 150

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö