I. Fangandrö fangefa ba zi fatiu tödö edit
1 Khöu Yehowa, manötona ndra'o; böi manö be'e aila ndra'odo!
2 Orifi ndra'o, dali wa'atulö dödöu andrö, ba efa'ö ndra'o; be'e mbörö dalingau khögu ba tolodo!
3 Ena'ö na naha saro ndra'ugö khögu, nahiagu, saŵatögu, si lö mamalö-malö; tete gara as ndra'ugö khögu ba hatigu![1]
4 He Lowalangigu, efa'ö ndra'o ba danga zebua horö andrö, ba gokhö zanao horö ba ba gokhö zi höndrögö ya'odo!
5 Tötönafögu sa ndra'ugö, ya'ugö So'aya, Yehowa, we'e-we'e dödögu, i'otarai iraono ndra'odo.
6 Khöu utendrotendro'ö ndra'o, i'otarai dalu ninagu; no ya'ugö zondröni ya'o moroi ba dalu ninagu; ya'ugö nisunogu, si lö mamalö-malö.[2]
7 Ato zahöli-höli tödö khögu, ba ya'ugö zaŵatögu, si lö mangiwa.[3]
8 No fahöna ba mbewegu wanuno ya'ugö ba famolakhömi ya'ugö, ma'öma'ökhö.
9 Böi tibo'ö ndra'odo, na itugu atua ndra'o; na alö dölagu, ba böi faröi ndra'ugö khögu![4]
10 Lafatou sa ndra'o si fatiu tödö khögu, ba sanarogö nosogu, ba mamagölö;
11 Ba lamane: "No i'erogö ia Lowalangi; migohi ia, mira'u, lö'ö sa sangorifi!"
12 He Lowalangi! böi aröu'ögö khögu; ta'i-ta'i tolodo, ya'ugö, Lowalangigu!
13 Ena'ö na aila zangalui famunugu, ba ena'ö na tekiko; ya tebawu wa fama'iki niha ira ba fa'aila zomasi fa'ate'alagu!
14 Ba ya'o, ba lö uböhöli wanötöna ba udou'ö duriamö fefu.
15 Yamudunö-dunö wa'atulömö andrö bewegu, ba fangorifi andrö khöu, ero ma'ökhö, me tebai u'erai.[5]
16 U'ohe nilau Zo'aya, Yehowa, sebua andrö, sambalö fa'atulömö andrö usuno.
17 He Lowalangi, no öfahaö ndra'o, i'otarai iraono ndra'o; ba irugi ma'ökhö udunö-dunö zahöli-höli dödö andrö khöu.[6]
18 Ba irege atuado göi, irege mohuwa ndra'o, ba böi röido, ya'ugö Lowalangi, ena'ö u'ombakha'ö dangamö ba zi sagötö niha dania ba fa'abölömö andrö ba zi so dania, fefu.[7]
19 Fa'atulömö andrö sa, ya'ugö Lowalangi, ba irugi mbanua si yaŵa, ya'ugö, si no molau sebua andrö, ya'ugö Lowalangi; ha niha zi fagölö-gölö khöu![8]
20 Ya'ugö, si no mamatörö khöma fa'afökhö ba fa'abu dödö, soya ngawalö, ba öfuli ö'orifi ndra'aga, öfuli ö'ohe yaŵa ndra'aga, moroi ba gohokoho danö andrö.[9]
21 Ödou'ö dania wa'asalaŵagu ba öfuli örara dödögu.
22 Ba ya'odo göi, usuno ndra'ugö wolau biola, usuno wa lö; faröi ndra'ugö, ya'ugö Lowalangigu, ulau khöu mbiola nitika, side-ide, wanunö ya'ugö, ya'ugö ni'amoni'ö ba Ndraono Gizeraeli!
23 Sanunö dania mbewegu, na usuno ndra'ugö, ba sanunö dödögu, ni'orifimö andrö.
24 Ba ifatunö wa'atulömö andrö lelagu, ero maokhö; me no aila zomasi fa'ate'alagu, me no tobali fama'iki niha.
Famotokhi ba gahe edit
Fabaliŵa lala edit
Olayama Sinunö: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66 • 67 • 68 • 69 • 70 • 71 • 72 • 73 • 74 • 75 • 76 • 77 • 78 • 79 • 80 • 81 • 82 • 83 • 84 • 85 • 86 • 87 • 88 • 89 • 90 • 91 • 92 • 93 • 94 • 95 • 96 • 97 • 98 • 99 • 100 • 101 • 102 • 103 • 104 • 105 • 106 • 107 • 108 • 109 • 110 • 111 • 112 • 113 • 114 • 115 • 116 • 117 • 118 • 119 • 120 • 121 • 122 • 123 • 124 • 125 • 126 • 127 • 128 • 129 • 130 • 131 • 132 • 133 • 134 • 135 • 136 • 137 • 138 • 139 • 140 • 141 • 142 • 143 • 144 • 145 • 146 • 147 • 148 • 149 • 150
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö