Famahaö wa faya wa'ohahau dödö zi lö sökhi, wa si duhu wa'ohahau dödö zatulö edit
1 Böi ofönu ba khö zamazökhi si lö sökhi andrö: böi afökhö dödöu ba zolau si lö atulö.[2]
2 Lö'ö sa arara, ba tetaba ira, si mane du'u, ba aleu, si mane bulu ndru'u ba danö.
3 Döna-döna khö Yehowa ba lau zi sökhi; iagö danö ba fa'ua wa'adölö dödö.[3]
4 Ba omuso dödöu ba khö Yehowa, ba ibe'e khöu zomasi dödöu.
5 Be'e balazi Yehowa nitörömö andrö, ba döna-döna khönia, ba ya'ia zamaigi lala.[4]
6 Ba ifatumbu'ö wa'atulö dödöu andrö si mane fa'amoluo, ba lala andrö khöu, si mane haga na laluo.[5]
7 Honogö'ö föna Yehowa ba bazebaze'ö khönia; böi ofönu ba khö zamalua ni'alui dödönia, si lö hadia ia, ba ba niha solau sabila.[6]
8 Röi wönu andrö ba böhöli wa'abao dödö; böi maoso dödöu; ha ba wamazökhi si lö sökhi aekhu da'ö.
9 Nihori sa dania zanao horö, ba sanötöna khö Yehowa andrö zokhö tanö dania.[7]
10 Hatö ma'ifu tö, ba lö'ö sa'ae sebua horö andrö, ba na öfaigi nahania, ba lö ya'ia sa'ae.[8]
11 Ba sebolo tödö andrö zokhö tanö dania, ba owua-wua dödöra ba wa'afahöna wangorifi.[9]
12 Sebua horö, ba ifakhai wamakiko satulö tödö, ifatangi mbohania khönia.
13 Ba ma'iki Zo'aya khönia; noa sa i'ila, wa irugi baŵania dania.[10]
14 No lasöbi wöda sebua horö ba no lakhai wana, ba wamakiko sebua famakao ba si numana, ba wamunu sanörö lala sadölö.[11]
15 Ba ba dödöra göna dania wödara, ba nifatö dania wanara.
16 Sökhi zi lö oya-oya ba zatulö tödö, moroi ba zi fahöna ba zebua horö andrö, si no ato.[12]
17 Ta'io zebua horö andrö sa, ba nifatö, ba satulö tödö, ba ituwu Yehowa.
18 I'ila Yehowa mbaŵa zadölö tödö, ba si so khöra, ba lö tebulö.
19 Lö te'ailasi ira, na baŵa wamakao, ba na baŵa lofo, ba te'abusoi'ö ira.[13]
20 Si tekiko sa zebua horö andrö, ba si fa'udu khö Yehowa, ba hulö wa'asökhi ndru'u ba danö, ariri, taya, hulö zimbo.[14]
21 Sebua horö, ba mamalali ana'a, ba lö ibu'a, ba satulö tödö, ba oböwö, ibe'e ba nawönia göi.
22 Nifahowu'önia sa zokhö tanö dania, ba ni'elifinia, ba nihori.[15]
23 Yehowa sa zangabe'e'ö ahe niha, na omasi ia nitörönia.
24 Na alau ia, ba lö adölö ba danö, ituwu sa dangania Yehowa.[16]
25 Me iraono ndra'o föna ba me satua ndra'o ma'ökhö, ba lö urai u'ila, numana zatulö tödö, ba lö urai u'ila mangandrö gö ma'uwunia.[17]
26 Lö mamalö-malö wa'oböwönia, ibe'e-be'e nifalali, ba nifahowu'ö ma'uwunia.
27 Aröu'ögö ba zi lö sökhi, ba lau zi sökhi, ba si lö tebulö ba danö ndra'ugö.[18]
28 Huku satulö sa zomasi Yehowa, ba lö faröi ia ba zatulö tödö andrö khönia.[19]
29 Satulö tödö zokhö tanö dania, ya'ira zowanua ba danö, si lö mamalö-malö.[20]
30 Fa'atua-tua wehede zatulö tödö andrö, ba huku satulö ifatunö.
31 No so ba dödönia goroisa Lowalanginia, ba lö mangiwa gahenia.[21]
32 Idarodarogö zatulö tödö andrö sebua horö, i'alui wamunu ya'ia.[22]
33 Ba lö ilulu ba dangania Yehowa, ba lö ibe'e ni'etu'ö huku, na tehuku ia.[23]
34 Döna-döna khö Yehowa ba törö lala andrö khönia, ba ibali'ö salaŵa ndra'ugö, ena'ö möi khöu danö. Na tehori zebua horö andrö, ba samaigi-maigi ndra'ugö.[24]
35 No u'ila zebua horö, solau hokha, samologö ya'ia, si mane eresi andrö ba hili Libano.[25]
36 Ba me ufuli utörö, ba lö ya'ia sa'ae; ba u'alui ia, ba lö usöndra.[26]
37 Töngöni zi lö sala ba faigi zadölö tödö andrö, wa moma'uwu niha somasi fa'atulö.[27]
38 Solalö, ba tehori fefu; nga'ötö zebua horö, ba ni'etu'ö.
39 Khö Yehowa i'otarai fangorifi satulö tödö andrö, ba'a-ba'ara ia, na baŵa wamakao.[28]
40 Ba itolo ira Yehowa, i'orifi ira; i'efa'ö ira ba zebua horö andrö ba ilului khöra, me no saŵatöra ia.[29]
Famotokhi ba gahe edit
- ↑ Faigi göi Sin 49:73; Sura Yobi.
- ↑ Amaed 24:19
- ↑ Ayati 27,29
- ↑ FetI 5:7
- ↑ Sin 97:11; 112:4; Yob 11:17
- ↑ Sin 73:3
- ↑ Ayati 11,22,29,34
- ↑ Ayati 35
- ↑ Ayati 9; Mat 5:5
- ↑ Yob 18:20
- ↑ Sin 11:2
- ↑ Amaed 15:16
- ↑ Sin 33:14
- ↑ Sin 68:3
- ↑ Ayati 9
- ↑ Amaed 24:16
- ↑ Sin 34:10,11
- ↑ Sin 34:15
- ↑ Sin 11:7
- ↑ Yes 60:21
- ↑ Sin 40:9
- ↑ Sin 10:8–10
- ↑ Sin 34:23
- ↑ Ayati 9
- ↑ Yob 5:3–5; 20:6,7; Hez 31:3–14
- ↑ Ayati 10
- ↑ MozI 39:8,9
- ↑ Sin 46:2
- ↑ Luk 18:8
Fabaliŵa lala edit
Olayama Sinunö: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66 • 67 • 68 • 69 • 70 • 71 • 72 • 73 • 74 • 75 • 76 • 77 • 78 • 79 • 80 • 81 • 82 • 83 • 84 • 85 • 86 • 87 • 88 • 89 • 90 • 91 • 92 • 93 • 94 • 95 • 96 • 97 • 98 • 99 • 100 • 101 • 102 • 103 • 104 • 105 • 106 • 107 • 108 • 109 • 110 • 111 • 112 • 113 • 114 • 115 • 116 • 117 • 118 • 119 • 120 • 121 • 122 • 123 • 124 • 125 • 126 • 127 • 128 • 129 • 130 • 131 • 132 • 133 • 134 • 135 • 136 • 137 • 138 • 139 • 140 • 141 • 142 • 143 • 144 • 145 • 146 • 147 • 148 • 149 • 150
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö