Fanunö; khö Dawido.
1 Da'ufarongogö duriamö andrö, ya'ugö Lowalangigu, razo; ba lö ubulö'ö wanuno töimö andrö, irugi zi lö aetu!
2 U'erogö ma'ökhö wanuno ya'ugö, irugi zi lö aetu lö ubulö'ö wanuno töimö andrö!
3 Sebua Yehowa ba niforege fanuno, ba tebai isöndra tödö niha wa'ebuania andrö.
4 Yamusuno si sagötö niha halöŵömö andrö, ba zi sagötö, ndramu'ombakha'ö wolaumö andrö, folau zabölö."
5 Da'udunö-dunö lakhömi wa'asalaŵamö andrö, soadu andrö, awö zahöli-höli dödö andrö khöu.
6 Ba ndramufatunö wa'abölö walaumö andrö, sata'u niha, ba halöŵöu sebua andrö, ba ya'odo zamatunö.
7 Ndramufalua baero wamasugi ba dödö fa'ebua dödöu andrö, si no fahöna, ba ya owua-wua dödöra ba wa'atulömö andrö.
8 Sebua tödö Yehowa ba sahakhö tödö, ebolo dödönia ba no fahöna wa'asökhi dödö.[1]
9 Idozigö niha wangebua tödönia khöra, ba irugi niwöwöinia fefu fa'ahakhö dödönia andrö.[2]
10 Lasuno ndra'ugö Yehowa, fefu niwöwöimö andrö, ba satulö tödö andrö khöu, ba manunö khöu.
11 Lafatunö lakhömi wa'asalaŵamö andrö, ba itörö lira wa'abölöu.
12 Ba wame'e ba dödö niha folaumö andrö, folau zabölö, awö wa'ebua lakhömi wa'asalaŵamö andrö.[3]
13 Amatöröŵau andrö, ba no amatöröŵa si lö tebulö, irugi zi lö aetu, ba famatöröu andrö, ba no si götö-götö fa'ara.
14 Ituwu Yehowa fefu zalau ena'ö, ba ifaöga fefu zi no aöndrö.[4]
15 Dozi hörö niha manötöna khöu, ba öbe'e göra na inötö.[5]
16 Obokai dangau ba ö'abusoi'ö fefu zauri somasi ira.
17 Satulö Yehowa, ba lala andrö khönia fefu, ba sebua tödö, ba wolaunia, fefu.[6]
18 No ahatö Yehowa, ba zi angaröfi li ya'ia, fefu, ba zi angaröfi li ya'ia soroi ba dödö.
19 I'o'ö zomasi zangata'ufi ya'ia, ifondrondrongo we'aora ba itolo.[7]
20 Irorogö Yehowa zangomasi'ö ya'ia, fefu, ba dozi sebua horö andrö, ba ihori ba danö.
21 Ba yamufarongogö wanuno Yehowa bewegu andre ba yamusuno döinia ni'amoni'ö andrö ösi guli danö, fefu, si lö mamalö-malö ba sirugi si lö aetu.
Famotokhi ba gahe edit
Fabaliŵa lala edit
Olayama Sinunö: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66 • 67 • 68 • 69 • 70 • 71 • 72 • 73 • 74 • 75 • 76 • 77 • 78 • 79 • 80 • 81 • 82 • 83 • 84 • 85 • 86 • 87 • 88 • 89 • 90 • 91 • 92 • 93 • 94 • 95 • 96 • 97 • 98 • 99 • 100 • 101 • 102 • 103 • 104 • 105 • 106 • 107 • 108 • 109 • 110 • 111 • 112 • 113 • 114 • 115 • 116 • 117 • 118 • 119 • 120 • 121 • 122 • 123 • 124 • 125 • 126 • 127 • 128 • 129 • 130 • 131 • 132 • 133 • 134 • 135 • 136 • 137 • 138 • 139 • 140 • 141 • 142 • 143 • 144 • 145 • 146 • 147 • 148 • 149 • 150
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö