Khö duka wanunö andrö; khö Dawido; Sinunö.
I. Fangandrö fanolo ba zi fa'udu andrö edit
1 He Lowalangi, nisunogu! Böi zi lö muhede ndra'ugö!
2 Noa sa teboka mbawa zanao horö, awö mbawa zi falimo, udugu; no lalau khögu lela sofaya.
3 No lafasui ndra'o fehede fatiusa, ba lasuko ndra'odo, lö börö.
4 Fa'udu ira khögu, sulö wa'omasigu ya'ira, ba ya'o, ba lö ubulö'ö wangandrö.
5 Lasulöni si lö sökhi khögu zi sökhi andrö, ba fa'omasigu andrö, ba lasulöni fatiusa.[1]
6 Be'e barö mbawa zebua horö ia ba ya so ba gambölönia zangadugö ya'ia.
7 Na tehuku ia, ba ya oroma, wa si so horö ia, ba ya tobali sala wangandrönia.
8 Ya lö anau nosonia, ba ya möi halöŵö niha bö'ö halöŵönia andrö.[2]
9 Ya tobali si lö ama nononia ba ya tobali lakha mbanua ngambatönia.
10 Ndramutöröi danö misa ononia, mangandröngandrö gö, ndramangalui aurifara ba zi no aröu aefa ba gadudula mbanuara.
11 Yamufa'u'u fefu zi so khönia sanugi ba ndramurabu gölönia niha bö'ö.
12 Ya lö'ö sa'ae sebua tödö khönia, ba sahakhö tödö ononia, na si lö ama ba si lö ina.
13 Ena'ö te'etu'ö nga'ötönia, ena'ö taya döira ba zi sagötö dania sa'ae.
14 Ya itörö tödö Yehowa golalöŵa ndra amania ba olalöŵa ndra tua; ba ya lö aefa horö ninania andrö.[3]
15 Ya böi tebulö ba duduma hörö Yehowa; ba ena'ö ibe'e taya döira ba guli danö.[4]
16 Me no lö itörö tödönia wangebua tödönia ba niha bö'ö, ba me no igohi niha sebua famakao ba si numana ba si no aragu-ragu tödö, ba wamunu ya'ia.
17 Ba no omasi ia wangelifi: ba yatumörö ia; ba lö ba dödönia howu-howu: ba ya aröu khönia.
18 Ba i'obaru wangelifi: ba yamusösö nösinia, hulö nidanö, ba tölania, hulö wanikha![5]
19 Ya hulö mbaru khönia, balu-balunia, ba ya hulö mböbö talu, si lö aefa ba löwi-löwinia.
20 Ena'ö na luo zi fa'udu khögu da'ö, khö Yehowa, ba luo zamatou ya'odo.
II. Fangandrö fangorifi edit
21 Ba ya'ugö Yehowa, So'aya, iagö salahigu, börö döimö andrö; fondrara dödö wa'asökhi dödöu andrö, ba orifi ndra'odo!
22 Sebua famakao sa ndra'o ba si numana, ba no mesokho bakha dödögu.
23 Ariri ndra'o, hulö lumö, na adöni ia; tetaboi ndra'o, hulö lareŵe.
24 No ombuyu-mbuyu mbalöduhigu, ba wa lö si manga, ba no alö nösigu.
25 Ba no tobali aya ndra'o khöra; na la'ila ndra'odo, ba lafalikhö ira.[6]
26 Tolodo Yehowa, Lowalangigu! Orifi ndra'o ba wa'ahakhö dödöu andrö.
27 Hana na aboto ba dödöra, wa no tangau da'ö, wa ya'ugö Yehowa zolau da'ö.
28 Akha mangelifi ira, ba ya'ugö, ba fahowu'ö [ndra'o]; na maoso ira, ba be'e aila ira, ba akha omuso dödö genoniu andre.[7]
29 Nifobaru fa'aila zi fa'udu khögu andrö; akha la'obaru wa'ailara andrö, baru zebua.[8]
30 U'abölögö wanuno Yehowa bewegu andre; bakha ba hunö zato usuno ia.
31 Me no i'iagö gambölö zi numana, ba wangefa'ö ya'ia ba danga zanguhuku ya'ia.
Famotokhi ba gahe edit
Fabaliŵa lala edit
Olayama Sinunö: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66 • 67 • 68 • 69 • 70 • 71 • 72 • 73 • 74 • 75 • 76 • 77 • 78 • 79 • 80 • 81 • 82 • 83 • 84 • 85 • 86 • 87 • 88 • 89 • 90 • 91 • 92 • 93 • 94 • 95 • 96 • 97 • 98 • 99 • 100 • 101 • 102 • 103 • 104 • 105 • 106 • 107 • 108 • 109 • 110 • 111 • 112 • 113 • 114 • 115 • 116 • 117 • 118 • 119 • 120 • 121 • 122 • 123 • 124 • 125 • 126 • 127 • 128 • 129 • 130 • 131 • 132 • 133 • 134 • 135 • 136 • 137 • 138 • 139 • 140 • 141 • 142 • 143 • 144 • 145 • 146 • 147 • 148 • 149 • 150
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö