Wikimedia Incubator

Wb/nia/Halöŵö Zinenge/8

< Wb | nia | Halöŵö Zinenge
Wb > nia > Halöŵö Zinenge > 8

Igohi mbanua Yesu Saulo

edit

I. 1 Ba tobali lagohi sibai mbanua Yesu ba Yeruzalema, me luo da'ö, ba oi lafazawili ira ba danö Yudaia ba ba danö Zamaria, ba lö fao zinenge.[1] 2 Ba lako'o Zitefano niha sangata'ufi Lowalangi, ba la'e'esi sibai ia.[2] 3 Ba ifufu mbanua Yesu Saulo andrö, itöröi nomo misa, isöbi ndra matua, awö ndra alawe, ifabe'e'ö ba gurunga.[3]

Möi ba Zamaria Wilifo

edit

II. 4 Ba ya'ira, si no muzaewe, ba latöröi danö, la'ombakha'ö daroma li somuso dödö.[4]

5 Ba me irugi si tou mbanua Zamaria Filifo, ba i'ombakha'ö khöra Keriso.[5] 6 Ba ha sara dödö niha sato, wamondrongo niŵa'ö Wilifo, me larongo ba me la'ila dandra andrö, nifazökhinia. 7 Ato zaheta bekhu, si so bekhu si ra'iö, mu'ao ira, ebua li; ba ato zabe'e, si mate dambai, awö zombuyu-mbuyu töla.[6] 8 Ba tobali fa'omuso dödö sabölö-bölö ba mbanua andrö.

Simoni sebua elemu

edit

III. 9 Ba no tohöna ba mbanua andrö niha, sebua elemu, Simoni döinia, ba tobali dödö Ndrawa Zamaria ibe'e, sebua ia iŵa'ö.[7] 10 Khönia lafaigi fefu, he iraono, ba he satua, lamane: Da'ö wa'abölö Lowalangi, niŵa'ö sebua ia. 11 Ba lafaigi-faigi khönia, me no ara ahöli-höli dödöra ibe'e, ba wakelemusania andrö.

12 Ba me mamati ira khö Wilifo, sangombakha turia mbanua Lowalangi ba turia döi Yesu Keriso, somuso dödö, ba lafabayagö'ö idanö ira, ira matua ba ira alawe. 13 Ba Simoni andrö göi, ba mamati, ba me no tebayagö idanö ia, ba lö iröi-röi Wilifo, ba i'ila dandra andrö, awö wa'abölö andrö, ba tobali dödönia.

14 Ba me larongo sinenge ba Yeruzalema, la'o'ö li Lowalangi, ba Zamaria, ba lafatenge khöra Wetero ba Yohane. 15 Ba me larugi si tou, ba mangandrö ira, ba khöra andrö, ena'ö tebe'e khöra Geheha ni'amoni'ö. 16 Lö'ö manö na si möi ia khöra, samösa lö sanema, ha fa no tebayagö idanö ira, ba döi Yesu So'aya.

17 Awena latufa högöra tanga, ba latema Geheha ni'amoni'ö.[8]

18 Ba me i'ila Simoni, tebe'e Geheha, na latufa ira tanga sinenge, ba i'ohe khöra gana'a, 19 imane: Mibe'e khögu göi wa'abölö andrö, ena'ö na itema Geheha ni'amoni'ö nitufagu tanga.

20 Imane khönia Fetero: Yamöi ba wa'atekiko gana'au, awö ndra'ugö! me öwai ana'a mböli mbuala Lowalangi andrö![9] 21 Lö urakhau ba lö sinemau ba daroma li andrö; lö'ö sa atulö dödöu föna Lowalangi.[10] 22 Andrö falalini gera-erau, erogö golalöŵau andrö, ba andrö khö Zo'aya, ma atö i'efa'ö khöu gera-era dödöu, si lö sökhi andrö. 23 Oroma sa khögu, wa no fahöna ba dödöu gawökhu safeto, ba no iböbö ndra'ugö si lö atulö.[11]

24 Ba itema linia Simoni, imane: Mi'andrö khö Zo'aya, salahigu, ena'ö lö itörö ndra'o niŵa'ömi andrö fefu.[12]

25 Ba ya'ira, me no lafaduhu'ö li Zo'aya, me no la'ombakha'ö, ba lafuli ira ba Yeruzalema, ba la'oya'ö banua Ndrawa Zamaria, wanuriagö turia somuso dödö.

Enoni razo moroi ba danö Ndrawa saitö

edit

IV. 26 Ba muhede mala'ika Zo'aya khö Wilifo, imane: Faoso, ae miraya, ba lala andrö, si otarai Yeruzalema, saekhu ba Gasa, sanörö tanö si mate.

27 Ba maoso ia, möi ia.

Ba hiza niha, Dawa Gaitiofia, salaŵa, mandru yomo, khö Kandrake, razo Ndrawa Gaitiofia, ira alawe, nibe'e barö mbawa ana'a razo fefu; no möi ia mangandrö ba Yeruzalema.[13] 28 Ba mangawuli ia, dumadao ia ba guretania, mamaso sura Yesaya, sama'ele'ö andrö.

29 Ba imane Eheha khö Wilifo: Ondrasi gureta andrö, ba böi röi-röi ia.

30 Ba fagohi Wilifo, i'ondrasi ba irongo, mamaso sura Yesaya, sama'ele'ö, niha andrö, ba imane: Hadia, aboto göi ba dödöu nibasomö?

31 Ba imane: He uwisa sa, na lö samobawa lala khögu? Ba i'andrö khö Wilifo, möi ia yaŵa mudadao ba ngainia.

32 Ba si mane ba zura andrö, nibasonia: "Hulö mibiri-biri te'ohe ia ba wanaba ya'ia, ba hulö nono mbiri-biri, si lö hede-hede ba danga zoguti bunia, si manö göi wa lö hede-hedenia.[14] 33 Ba wa'ide-idenia te'etu'ö wanguhuku ya'ia; ha niha zanutunö nga'ötönia? teheta sa ba guli danö nosonia."

34 Ba itema li mandru andrö, imane khö Wilifo: u'andrö khöu, ha niha nitörö li zama'ele'ö andrö, wanguma'ö da'ö? hadia, ya'ia, hadia niha bö'ö?

35 Ba muhede Wilifo, i'otarai zura da'ö, ituriagö khönia duria somuso dödö andrö, khö Yesu.[15]

36 Ba me latörö lala, ba larugi nidanö, ba imane mandru andrö: Hiza nidanö! Hadia wanenaŵa, na tebayagö idanö ndra'o?[16]

37 Ba imane Filifo: Na ahori dödöu wamati, ba tola.

Itema linia, imane khönia: Mamati ndra'o Ono Lowalangi Yesu Keriso andrö.[17]

38 Ba iŵa'ö labadugö gureta, ba möi ira tou, ba nidanö, darua ira, Filifo mandru andrö, ba ibayagö idanö ia Filifo.

39 Ba me no möi ira miyaŵa moroi ba nidanö, ba iheta Wilifo Eheha Zo'aya, ba lö'ö sa'ae i'ila ia mandru andrö; omuso sa dödönia, ba wanörö lalania.[18]

40 Ba ba Gasoto tesöndra Wilifo, ba itöröi danö wanuriagö turia somuso dödö andrö, idozigö banua, irugi Kaizaria.[19]

Famotokhi ba gahe

edit
  1. ↑ Faigi 7:58; 13:9; Mat 10:23
  2. ↑ MozI 50:10
  3. ↑ Faigi 9:1; 13:31; KorI 15:9
  4. ↑ Faigi 11:19
  5. ↑ Faigi 6:5
  6. ↑ Faigi 5:16
  7. ↑ Faigi 13:6,8
  8. ↑ Faigi 6:6
  9. ↑ Mat 10:8
  10. ↑ Neh 2:20
  11. ↑ MozV 29:18
  12. ↑ MozII 10:17; FamI 12:19
  13. ↑ SalI 8:41; Sef 3:10; Yoh 12:20
  14. ↑ Yes 53:7,8
  15. ↑ KorI 15:3 b.t.
  16. ↑ Faigi 10:47
  17. ↑ Mar 16:16; Mat 16:16
  18. ↑ SalI 18:12
  19. ↑ Faigi 21:8,9

Fabaliŵa lala

edit

Olayama Zura Halöŵö Zinenge: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Halöŵö_Zinenge/8&oldid=6458326"