Wikimedia Incubator

Wb/nia/Halöŵö Zinenge/2

< Wb | nia | Halöŵö Zinenge
Wb > nia > Halöŵö Zinenge > 2

Folau Eheha ni'amoni'ö

edit

I. 1 Ba me luo wendrakose (si 50) ba no owulo ira fefu, ha sambua naha.[1] 2 Ba i'ozumagö so zihöngö, si otarai mbanua si yaŵa, hulö na itörö angi sabölö-bölö, ba ifönui nomo andrö, ma'asambua, ba zi dadao ira.[2] 3 Ba oroma khöra dalinga wandru, si fabali-bali, alitö wamaigira, ba idozigö ira, ahono ba högöra.[3] 4 Ba fahöna khöra Geheha ni'amoni'ö, ba labörötaigö lalau li bö'ö, si mane nibe'e Geheha khöra fanötöi.[4] 5 Ba so zi fatewu gana ba Yeruzalema, niha Yehuda, niha sangata'ufi Lowalangi, soroi fefu soi ba guli danö. 6 Ba me so zihöngö andrö, ba aekhu niha sato ba tobali dödöra, me larongo wehedera ba li khöra, dozi ira. 7 Ba tobali dödöra, dozi ira, ahöli-höli dödöra ba lamane: Hiza, tenga banua Galilaia ira, dozi sihede andrö?[5] 8 Ba he wisa wa tarongo lida, dozi ita, li ba danöda, ba zi tumbu ita? 9 Ya'ita Dawa Waretia ba Dawa Media ba Dawa Gelama, awö zi so ba Mezofotamia, ba ba Yudaia ba ba Gafadokia, ba Wondro ba ba Azia,[6] 10 ba Werigia ba ba Wambilia, ba danö Miserayi ba ba danö Libia, tanö ba Girene, awö zi fatewu gana ba Roma, niha Yehuda, awö zi no möi banuara, 11 Dawa Gereta ba Dawa Ara, ba tarongo, lalau lida, wangombakha segebua andrö, nilau Lowalangi. 12 Ba tobali dödöra, dozi ira, lö la'ila watahögö, faoma lamane khö nawöra: He wisa da'ö dania? 13 Ba so zangaohangaoha ösa, lamane: Si mabu agu sami.[7]

Huhuo Wetero andrö

edit

II. 14 Ba maoso Wetero, awö zi felezara, muhede ia, imane khöra: He ya'ami, niha Yehuda, awö zi so ba Yeruzalema fefu, ya'aboto ba dödömi da'e, ba mifondrondrongo niŵa'ögu! 15 Tenga sa si mane niŵa'ömi, wa si no mabu da'e, awena sa göi labözi siŵa. 16 Da'ö sa ia, niŵa'ö Yoeli, sama'ele'ö andrö:[8] 17 "Ba so dania, na luo safuria, iŵa'ö Lowalangi, ba ulau ba niha fefu wöfö Gehehagu, ba mama'ele'ö nonomi matua, awö nonomi alawe, ba la'ila gangilata ono matua khömi ba mangifi zatua khömi. 18 Ba genonigu ira matua ba ba genonigu ira alawe ulau ösa Gehehagu, na luo da'ö, ba mama'ele'ö ira. 19 Ba ufazökhi gila-ila ba mbanua si yaŵa ba tandra ba guli danö si tou, do ba alitö ba simbo.[9] 20 Ba tobali sogömi-gömi luo ba do mbaŵa, fatua lö irugi luo Zo'aya andrö, sebua. 21 Ba tobali auri dozi si angaröfi li töi Zo'aya."[10] 22 He ya'ami, Iraono Gizeraeli, mifondrondrongo da'e! Yesu andrö, banua Nazareta, niha nifaduhu'ö, Lowalangi ba khömi, ba wa'abölö ba ba gila-ila ba ba dandra, nifafazökhi'ö Lowalangi khönia, ba khömi, ni'ilami andrö.[11] 23 Da'ö mege mihalö, me no mube'e ba dangami ia, me no ihonogöi ihuku Lowalangi, me no tohöna mege i'ila, ba no mi'osö ia ba röfa tanga niha baero, wamunu ya'ia.[12] 24 Da'ö nisusugi Lowalangi, me no i'efa'ö khönia wa'afökhö wa'amate, me tebai sa ato itaha ia fa'amate.[13] 25 Imane sa Dawido ba khönia andrö: "Lö aefa-aefa ba duduma hörögu Zo'aya ya'o, noa sa so ia ba gambölögu, fa lö mangiwa ndra'o.[14] 26 Andrö waomuso dödögu ba manunö lelagu, ba ösigu göi, ba molombase dania, ba wanötöna, 27 lö'ö sa öröi ba mbanua tou nosogu, ba lö ötehe, i'ila wa'obou ni'amoni'ö andrö khöu.[15] 28 No ö'ombakha'ö khögu lala ba wa'auri, öhöna khögu wa'omuso dödö tanö fönau." 29 He ya'ami, ira talifusö, akha lö aiŵö ndra'o muhede khömi, ba khö duada Dawido, wa no mate ia, awö wa no lako'o, ba so ba khöda lewatönia, irugi ma'ökhö andre.[16] 30 Ba me no sama'ele'ö ia, me no i'ila, no ifabu'u khönia Lowalangi fahölusa, ifedadao ba dadaomania ma'uwunia,[17] 31 me no i'ila zi so na furi dania, ba itörö linia wemaoso Keriso, wa lö'ö sa teröi ia ba mbanua tou, awö wa lö'ö göi i'ila ösinia wa'obou. 32Yesu andrö nisusugi Lowalangi, si so na mbörö ba da'ö ndra'aga fefu.[18] 33 Ba me no te'alaŵa'ö ia iada'e kambölö Lowalangi, ba me no itema gamabu'ula li andrö, Eheha ni'amoni'ö andrö, khö Nama, ba no ilau da'e, ni'ilami, nirongomi andre.[19] 34 Tenga sa Dawido zi möi yaŵa ba zorugo, ba ya'ia zanguma'ö: "No iŵa'ö So'aya khö Zo'aya ya'o: Dadao ba gambölögu,[20] 35 irege ube'e tou barö gaheu zi fa'udu khöu." 36 Ya'aboto sibai iada'e ba dödö ma'uwu Gizeraeli fefu, wa no ibali'ö So'aya ba Keriso da'ö Lowalangi, Yesu andrö, niforöfami.[21] 37 Ba me larongo da'ö, ba manga ia ba dödöra ba lamane khö Wetero ba ba zinenge bö'ö andrö: He mawisa ena'ö, ya'ami, ira talifusö?[22] 38 Ba imane khöra Fetero: Mifalalini gera-erami ba mifabayagö'ö idanö ami, dozi ami, ba döi Yesu Keriso, ba wangefa'ö horömi andrö, ba mitema dania mbuala andrö, Eheha ni'amoni'ö.[23] 39 Khömi sa gamabu'ula li andrö ba ba ndraonomi ba ba zi so ba zaröu fefu, gofu ha wa'ato nikaoni Zo'aya, Lowalangida.[24] 40 Ba so na niŵa'önia, tanö bö'ö, famaduhu'ö, ba ifarou dödöra, imane: Ya'aefa ami ba niha si tefuyu tödö andre.[25] 41 Ba lafabayagö'ö idanö ira samonaha taroma linia ba dödöra, ba mato tölu ngahönö niha, si te'anö, ha si ma'ö-ma'ökhö andrö.[26]

Amuata niha Keriso si föföna

edit

III. 42 Ba lö tebulö ira nifahaö zinenge, ba he ba wefao, ba he ba wamoboto roti ba ba wangandrö.[27] 43 Ba dozi ata'u niha, ba oya gila-ila ba oya dandra, nifazökhi zinenge.[28] 44 Ba no orudu zamati, fefu, faoma khöra zi so khöra, fefu.[29] 45 Ba la'amawa mbenuara, awö gama-gamara, ba ladozigö wamaosa, lafaigi zabölö moguna. 46 Ba ero ma'ökhö so ira ba gosali, lö aefa-aefa, ha sambua dödöra, laboboto roti ba nomo misa, latema göra ba da'ö, omuso dödöra ba atulö.[30] 47 Lasuno Lowalangi, ba ebua khöra dödö niha sato fefu, ba ero ma'ökhö ifa'anö khöra So'aya zanöndra fangorifi andrö.[31]

Famotokhi ba gahe

edit
  1. ↑ MozIII 23:15
  2. ↑ Yoh 3:8; Faigi 3:1,11; 5:12
  3. ↑ Mat 3:11
  4. ↑ Mar 16:17; Faigi 4:31; 11:15; 10:46
  5. ↑ Yoh 7:52
  6. ↑ FetI 1:1)
  7. ↑ KorI 14:21 b.t.
  8. ↑ Yoel 2:28—32
  9. ↑ Luk 21:25
  10. ↑ Rom 10:13
  11. ↑ Faigi 10:38; Rom 1:4
  12. ↑ Faigi 4:28; 3:15 b.t.
  13. ↑ Luk 11:22
  14. ↑ Sin 16:8 b.t.
  15. ↑ Faigi 13:35 b.t.
  16. ↑ SalI 2:10
  17. ↑ Sin 132:11 b.t.; Luk 1:32; Rom 1:3
  18. ↑ Faigi 1:8; 3:15
  19. ↑ Faigi 5:31; Yoh 12:32; 14:26; Sin 68:19
  20. ↑ Sin 110:1
  21. ↑ Fil 2:11
  22. ↑ Heb 4:12; Faigi 16:30
  23. ↑ Faigi 3:19; 10:45
  24. ↑ Yoel 2:28; Yoh 10:16
  25. ↑ Fil 2:15
  26. ↑ Yes 53:11,12
  27. ↑ Faigi 20:7
  28. ↑ Faigi 5:11,12
  29. ↑ Faigi 4:32
  30. ↑ Faigi 2:42
  31. ↑ Faigi 4:4

Fabaliŵa lala

edit

Olayama Zura Halöŵö Zinenge: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Halöŵö_Zinenge/2&oldid=6458317"