Wb/nia/Halöŵö Zinenge/24

La'adugö Waulo khö Welisi edit

I. 1 Ba lima bongi aefa da'ö, ba möi misi tou gere sebua andrö, Anania, awö zatua mbanua ösa, awö zi fahuhuo andrö, Teretulo; ya'ira zi möi khö gumandru, ba wangadugö Faulo.

2 Ba lafakaoni'ö ia, ba ibörögö wangadugö ya'ia Teretulo, 3 imane: Ohahau sibai dödöma barö mbawau, ba wa'oya manö zi sökhi ba mbanua andre, me no sökhi dödöu khöra, ya'ugö Felisi, si sökhi sibai tödö, lö mabini'ö, gofu heza soga, lö mamalö-malö; ma'andrö saoha gölöu. 4 Ba fa lö urörö ndra'ugö, ba u'andrö khöu, öfondrondrongo khöma ma'ifu, ba wa'ebolo dödöu andrö. 5 Noa sa masöndra, wa no fökhö sebua niha andrö, samagua manö niha Yehuda andrö fefu, ba guli danö misa, ma'asagörö; satua zi faehu huku andrö, banua Nazareta, ia.[1] 6 Noa sa göi itandraigö i'ohe ba gosali zalakha, ba no mara'u ia, 7 ba so moroi si yaŵa Lisia andrö, kumandra, abölö ira, ba lafadöni ba dangama. 8 khönia tola örongo fefu mbörö wangadugöma ya'ia, na ösofu.[2]

9 Ba lanönö niha Yehuda, lafaduhu'ö niŵa'önia.

Ibu'a ba hulunia edit

II. 10 Ba itema lira Faulo, me ifazaŵa dangania khönia kumandru, tandra wa tola muhede ia, imane: Me u'ila, no ara, ha me uga fakhe sa'ae, sanguhuku ndra'ugö ba mbanua andre, ba lö aiŵö ndra'o wamu'a ba hulugu esuanö andrö khögu, 11 me tola ösofu, wa lö töra felendrua wongi, me sodo moroi si tou, me möido ba Yeruzalema, ba wangandrö. 12 Ba lö ni'ilara ya'o ba gosali, wa fahuhuo ndra'o ba niha bö'ö, ba ma mangekhugö niha, ba lö'ö göi ba zekola ba lö'ö göi ba mbanua misa.[3] 13 Ba tebai göi la'ombakha'ö khöu niböbögöra khögu iada'e. 14 Ba lö ubini'ö khöu da'ö, wa utörö lala da'ö, niŵa'öra si faehu huku, wamosumange Lowalangi ndra tuama, wamati fefu nisura ba zura goroisa ba ba zura zama'ele'ö.[4] 15 Ba so khögu wanötöna khö Lowalangi, si so khöra göi, wa so wemaoso zi mate, he satulö, ba he si lö atulö.[5] 16 Andrö uforege göi, lö mamalö-malö, fa lö itegudo tödögu, he ba khö Lowalangi, ba he ba niha.[6] 17 Ba noa sa möido, me no ara, ba wolohe ame'ela ba mbanuama, ba ba wame'e sumange;[7] 18 ba da'ö la'ila sa ndra'o niha Yehuda ösa, banua Azia, me utörö wangehao andrö, ba gosali, tenga ba zi no ato niha, ba tenga ba wagua-guasa;[8] 19 ya'ira zi lö tola lö so ba da'e khöu ena'ö, ba wangadu, na so hadia ia gesuanögu khöra. 20 Ma ndramuŵa'ö da'e, hadia nisöndrara si lö atulö, me sodo ba rafe sebua; 21 atö na ba zi sambua li andrö, niŵa'ögu, me sodo khöra ba da'ö no, me umane: Femaoso zi mate mbörö, wa tehuku ndra'o khömi ma'ökhö![9]

Lataha-taha manö Waulo edit

III. 22 Ba ifazaŵa khöra mbongi Felisi, me no aboto ba dödönia he wisa lala da'ö, ba imane: Na möi mitou Lisia, kumandra andrö, ba usofu da'ö khömi.[10]

23 Ba iŵa'ö khö gumandra, latarogö Waulo, lahaogö khönia, ba böi latenaŵa, na so zi möi ngoni-ngoninia, sahatö khönia.[11]

24 Ba lö ara tö, ba möi Welisi, awö Derusila, fo'omonia, niha Yehuda, ifakaoni'ö Waulo, ifondrondrongo khönia wamati andrö khö Keriso Yesu.

25 Ba me itörö linia wa'atulö dödö ba fa böi mohorö ba fanguhuku andrö dania, ba tokea Welisi, ba imane: Ofanö iada'e, igamöi lö aröröŵagu dania, ba ufakaoni'ö ndra'ugö.[12]

26 Ba idöna-döna göi ba ba'ö, ibe'e khönia gana'a Faulo; andrö asese ifahalö'ö, ba wahuhuosa khönia. 27 Ba me no irugi mendrua fakhe, ba te'ali Welisi, Forokio Feso wangalinia. Ba omasi Welisi, ebua dödö niha Yehuda khönia, ba iröi furi Waulo, nirate.[13]

Famotokhi ba gahe edit

  1. Faigi 17:6
  2. Faigi 23:30
  3. Faigi 25:8
  4. Faigi 26:22 b.t.
  5. Faigi 26:6–8; Dan 12:2
  6. Faigi 23:1; KorII 1:12
  7. Faigi 21:24; Rom 15:25 b.t.
  8. Faigi 21:27
  9. Faigi 23:6
  10. Faigi 23:26
  11. Faigi 27:3; 28:16
  12. Faigi 10:42
  13. Faigi 25:9,14

Fabaliŵa lala edit

Olayama Zura Halöŵö Zinenge: 12345678910111213141516171819202122232425262728

Amabu'ulali Sibohou: MataioMarekoLukaYohaneHalöŵö ZinengeRomaKorindro IKorindro IIGalatiaEfesoFilifiKoloseTesalonika ITesalonika IITimoteo ITimoteo IITitoFilemoHeberaioYakoboFetero IFetero IIYohane IYohane IIYohane IIIYudaFama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö