Wikimedia Incubator

Wb/nia/Halöŵö Zinenge/6

< Wb | nia | Halöŵö Zinenge
Wb > nia > Halöŵö Zinenge > 6

Fanutuyu zondrorogö si numana

edit
Gambara me labunu Santo Sitefano, tobali ia martir si föföna sibai bakha ba Gereja. Martir eluahania mate börö wamati khö Yesu.

I. 1 Ba me luo da'ö, me tobali ato nifahaö, ba tesao wekökö-kökö Ndrawa Heleni ba niha Heberaio, me te'ositengagö lakha mbanua khöra, ba dolo-tolo andrö, sero ma'ökhö.[1]

2 Ba lafalukha'ö nifahaö sato si felendrua, lamane: Lö omasiga, maröi daroma li Lowalangi, ba we'amöi ngoni-ngoni ba wemanga.[2] 3 Ba mifaigi niha, ba khömi, ya'ami, ira talifusö, dafitu, si sökhi turia, si no fahöna Eheha ba fa'atua-tua, nifataroda ba halöŵö andrö.[3] 4 Ba lö tebulö ndra'aga ba wangandrö ba ba halöŵö fangombakha taroma li.[4]

5 Ba omasi zato fefu niŵa'ö andrö, ba latutuyu Zitefano andrö, niha si no fahöna famati ba Eheha ni'amoni'ö, ba Filifo ba Ferokhoro ba Nikanoro ba Timo ba Faremena ba Nikola'o, si no möi banuara, banua Gandriokhia,[5] 6 la'ohe ira ba zinenge, ba mangandrö da'ö ba latufa högöra tanga.[6]

7 Ba monönö-nönö li Lowalangi, ba tobali ato sibai nifahaö ba Yeruzalema, ato göi gere, si faduhu tödö, solö'ö.[7]

La'adugö Zitefano niha Yehuda

edit

II. 8 Ba ifazökhi gila-ila, awö dandra sebua ba niha, Sitefano, si no fahöna fa'ebua dödö ba fa'abölö.

9 Ba maoso ösa ono zekola andrö, sotöi sekola Liberitini ba banua Girene ba banua Alesandria ba ono zekola zi otarai Gilikia ba Azia, fahuhuo ira khö Zitefano.[8] 10 Ba tebai lalaŵa wa'atua-tua andrö awö Geheha khönia, ba wahuhuosa.[9]

11 Awena lafawe'e niha, sanguma'ö: No marongo, me itandraŵaisi Moze, awö Lowalangi, da'e.

12 Ba la'o'ou niha sato, awö zatua, awö zangila amakhoita. Ba maoso ira, lasöbi da'ionia, la'ohe ba rafe sebua, 13 ba la'asogö zi so ba mbörö, sofaya, sanguma'ö: Lö ibato-bato niha andre, wangosiwawöi naha ni'amoni'ö andrö, awö goroisa.[10] 14 No marongo, me iŵa'ö: Idudugö dania naha andrö Yesu andrö, banua Nazareta, ba iwu'ai dania huku andrö, nibe'e Moze khöda.[11]

15Ba lanehegö ia dozi sidadao ba rafe sebua, ba hulö mbawa mala'ika mbawania, wamaigira.

Famotokhi ba gahe

edit
  1. ↑ Faigi 4:35
  2. ↑ Faigi 4:33
  3. ↑ TimI 3:8 b.t.
  4. ↑ Faigi 1:14; TimI 5:17
  5. ↑ Faigi 8:5; 21:8
  6. ↑ Faigi 1:23; 8:15,17; TimI 4:14; 5:22
  7. ↑ Faigi 12:24; Rom 1:5
  8. ↑ Faigi 11, 20; 18, 24
  9. ↑ Luk 21:15
  10. ↑ Mat 26:59; Faigi 21:28; 7:48 b.t.; Yer 26:11
  11. ↑ Mat 24:2; 5:17

Fabaliŵa lala

edit

Olayama Zura Halöŵö Zinenge: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Halöŵö_Zinenge/6&oldid=6458323"