I. Angilata: Mala'ika si daönö, samunumunu niha, awö niha samaru baru gere
edit1 Ba mu'ao ia khögu, ebua linia, imane: So moroi sa wotu mbanua andrö, ba no so ba danga zamösana wanudugö. 2 Ba hiza moroi sa niha, daönö, la'otarai mbawa göli tanö si yaŵa, tanö miyöu, sara wanudugö ba danga zamösana, ba baru tarafali mbaru zi samösa ba fanura ba löwi-löwinia. So ira ba la'iagö ba ngai naha wame'e sumange töla garamba andrö.[1] 3 Ba no iheta ia lakhömi Yehowa andrö, no iröi Kerubi andrö, si so ia yaŵa mege, isaŵa doyo mbawandruhö ba gosali; ba mu'ao ia khö zamaru tarafali andrö, si so fanura andrö ba löwi-löwi. 4 Ba imane khönia Yehowa: Törö mbanua, talu Yeruzalema andrö, ba fotandra gangango niha andrö sangarö-ngarö, sabu tödö ba zogoro ita andrö fefu, nilau ba mbanua andrö![2] 5 Ba ba nawönia, ba imane — irongo tögi dalingagu —: Mi'o'ö ia, mitörö mbanua ba milau khöra, böi ahakhö dödömi, wamaigi ya'ira, ba böi alimagö ira khömi! 6 Si no tohare huwa ba ono matua ba ono alawe ba iraono ba ira alawe, ba mi'ö'ötö tou; ba dozi zi so tandra, andrö, ba böi mibabaya. Ba ni'amoni'ö andrö khögu mibörötaigö! Ba labörögö ba zatua andrö, si so ba golayama gosali.[3] 7 Ba imane khöra: Mita'unöi gosali ba mibe'e anönö newali boto nibunu! Milabu! Ba möi ira ba lalau ba mbanua andrö.
II. Te'ombakha'ö geluaha gangilata andrö khö Hezekieli
edit8 Ba me la'ö'ötö tou niha, me no toröido furi, ba ufalögu tou ndra'o, mu'aodo, umane: He So'aya, Yehowa, hadia, öfalua wangohori si tosai Iraono Gizeraeli, wangahawui Yeruzalema fönumö andrö? 9 Ba imane khögu: No ebua sibai horö ma'uwu Gizeraeli ba he horö ma'uwu Yuda, ba no anönö danö fange'e, ba banua, ba no anönö famuyu'ö huku, lamane sa dödöra: "No iheta ia ba danö Yehowa", ba: "Lö i'ila Yehowa."[4] 10 Ba lö'ö sa'ae göi ahakhö dödögu, wamaigi, ba lö alimagö ira khögu: usulöni khöra mbua-buara andrö![5] 11 Ba i'ombakha'ö sobaru tarafali andrö, si so fanura ba löwi-löwi, imane: No u'o'ö niŵa'öu khögu.
Famotokhi ba gahe
editFabaliŵa lala
editOlayama Hezekieli: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö