Fama'ele'ö nitandrösaigö ba mbanua ba hili Ze'ira ba ba Ndraono Gedomo edit
1 Ba so niŵa'ö Yehowa khögu, 2 imane: He ono niha, otahögö hili Ze'ira ba ama'ele'ö, ömane khönia.[1] 3 Da'ö niŵa'ö Zo'aya, Yehowa: Hiza, ulau khöu, ya'ugö hili Ze'ira, u'oro'ö dangagu yaŵau ba ubali'ö tanö si lö nihaniha ba tanö si mate ndra'ugö. 4 Banua khöu, ba ubali'ö adudula, ba ya'ugö, ba si tobali tanö si mate, ena'ö aboto ba dödöu, wa no ya'odo Yehowa! 5 Me no si lö mamalö-malö watiusamö andrö, ba me no öbe'e ba mbaŵa zi'öli Ndraono Gizeraeli, me luo wa'ate'alara andrö, me luo wangasiwai horö,[2] 6 andrö faya, wa no sauri ndra'o, na fayagu: Hiza, ubali'ö do ndra'ugö ba do zolohi ya'ugö; si ndruhu, ba ndro horömö andrö, ba do dania zolohi ya'ugö! 7 Ba ubali'ö tanö si lö nihaniha hili Ze'ira andrö ba tanö si mate, ba uhori ba danö zangörö-ngörö. 8 Fahöna ba hilira misa nibunu tou ube'e; ba hili-hili misa khöu ba ba ndraso ba ba mbewe mbombo khöu tegaölö tou nibunu si'öli. 9 Ubali'ö tanö si lö nihaniha ndra'ugö, si lö mamalö-malö, ba si lö niha mbanua khöu, ena'ö aboto ba dödömi, wa no ya'o Yehowa.[3] 10 Me no ömane: Khögu dania soi si dombua andrö ba tanö andrö si dua görö, ya'aga zi okhögö! — he ŵa'ae no Yehowa zi so ba da'ö —. 11 Andrö: faya, wa no sauri ndra'o, na lö ube'e dali ba wolaugu khöu wönumö andrö ba fa'aukhu dödöu ba wolau khöra, me no fatiu dödöu, ba to'ila ndra'o khöu ube'e, na uhuku ndra'ugö, 12 ena'ö aboto ba dödöu, wa no ya'o Yehowa. Noa sa urongo wanandraŵaisimö andrö fefu, nilaumö ba hili Ndraono Gizeraeli andrö, me ömane: No tanö si mate ia, öda sa'ae! 13 Ba no abe'e mbawami khögu, no mihöna wehedemi khögu. 14 No urongo. Da'ö niŵa'ö Zo'aya Yehowa: Me no omuso dödöu ba danö andrö khögu, me no tanö si mate, ba umanö göi wamatörö khöu. 15 Me no omuso dödöu ba danö ma'uwu Gizeraeli, ondröita ndra tuara khöra, me no tanö si mate, ba umanö göi wamatörö khöu. Tanö si mate dania ndra'ugö, ya'ugö hili Ze'ira, ba tanö Ndraono Gedomo ma'asagörö, ena'ö aboto ba dödöra, wa na ya'odo Yehowa.[4]
Famotokhi ba gahe edit
Fabaliŵa lala edit
Olayama Hezekieli: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö