I. Satua mbanua samini tödö
edit1 Ba möi khögu niha, satua Ndraono Gizeraeli, ba mudadao ira fönagu. 2 Ba so niŵa'ö Yehowa khögu, imane. 3 He ono niha, no la'aro'ö ba dödöra nadura niha andrö ba no labe'e fönara, tandraŵa horöra; ba hadia, utehe khöra lasofu khögu hadia ia? 4 Ba hede khöra, ömane: Da'ö niwa'ö Zo'aya, Yehowa: Dozi Iraono Gizeraeli, sangaro'ö ba dödöra adura ba same'e fönara tandraŵa horöra, ba si möi khö zama'ele'ö dania, ba ya'odo, Yehowa, zanguma'ö li khöra, ba wa'afahöna nadura andrö, 5 ba wombaya tödö ma'uwu Gizeraeli, me no la'erogö ndra'o, ba nadura andrö fefu. 6 Andrö wa ömane ba ma'uwu Gizeraeli: Da'ö niŵa'ö Zo'aya Yehowa: Mifalalini gera-erami, ba miböhöli nadumi andrö ba mi'erogö zogoro ita andrö khömi fefu. 7 Dozi ma'uwu Gizeraeli sa, ba niha bö'ö, si no fatewu ba Ndraono Gizeraeli, si fabali khögu, ba sangaro'ö ba dödöra adura, ba same'e fönara, tandraŵa horöra andrö ba si möi khö zama'ele'ö dania, ba wanofu khögu ba huhuo hadia ia khöra, ba ya'odo, Yehowa, zanguma'ö li khöra. 8 Utöngö niha si manö ba ube'e tandra ira ba amaedola ba uhori ira ba mbanuagu andrö, ena'ö aboto ba dödömi, wa no ya'o Yehowa.[1] 9 Ba na ibe'e nifowöhö ia sama'ele'ö, ba wanguma'ö li, ba no ya'o, Yehowa zamowöhö sama'ele'ö andrö, ba u'oro'ö dangagu khönia ba ubunu ia ba hunö mbanuagu Iraono Gizeraeli. 10 Ba lalu'i horöra, fagölö-gölö ira zala zanofu zala zama'ele'ö andrö, 11 ena'ö lö'ö sa'ae elungu ma'uwu Gizeraeli wangerogö ya'o, ba böi sa'ae lata'unöi ira, ba horöra andrö fefu; ya banuagu ira ba Lowalangira ndra'odo, iŵa'ö So'aya, Yehowa.[2]
12 Ba so na niŵa'ö Yehowa khögu, imane: 13 He ono niha, na mosala khögu niha ba danö, heza, na faröi ira khögu, ba na ubabaya ira, na ufufu wangabe'era andrö, öra, na ufatörö khöra lofo ba na uhori ba danö niha, fabaya uriföra,[3] 14 ba na so ba danö andrö niha andrö si datölu: Noakhi ba Danieli ba Yobi, ba ha ya'ira zauri, ba wa'atulö dödöra andrö, — iŵa'ö So'aya, Yehowa.[4] 15 Na u'ohe ba danö gutu ndru'u ena'ö lahori ndraono, ena'ö lö niha-niha sa'ae, ena'ö tanö si mate sa'ae, si lö sanörö, börö gutu ndru'u andrö, 16 ba na so ba danö niha andrö, si datölu, ba faya wa no sauri ndra'o, iŵa'ö So'aya, Yehowa, na so zauri labe'e, he ono matua, ba he ono alawe: ha ya'ira zauri, ba tanö, ba tobali tanö si mate. 17 Ba ma na si'öli ufatörö ba danö andrö, na umane: "Yatumörö danö andrö si'öli!" ba na uhori ba danö niha, 18 fabaya uriföra, ba na so ba danö niha andrö, si datölu, ba faya, wa no sauri ndra'o, iŵa'ö So'aya, Yehowa, na so zauri labe'e, he ono matua, ba he ono alawe; ha ya'ira zauri. 19 Ba ma na fökhö waba ufatörö ba danö andrö, ba na ulau khöra wönugu andrö, irugi ndro, ba wangohori ba danö niha, fabaya uriföra, 20 ba na so ba danö ndra Noakhi, Danieli, Yobi, ba faya, wa no sauri ndra'o, iŵa'ö So'aya, Yehowa, na so zauri labe'e, he ono matua, ba he ono alawe; ha ya'ira zauri, ba wa'atulö dödöra andrö. 21 Ba imane sa'ae So'aya, Yehowa: Ba na ufatörö ba Yeruzalema wotu andrö khögu, si öfa balö, si lö sökhi: Si'öli ba lofo ba utu ndru'u ba fökhö waba, ba wangohori ba danö niha, fabaya uriföra.[5] 22 ba hiza, ba so zi tosai ba danö, ni'orifi, sangoloi'ö ono matua ba ono alawe. Da'ö dania zi möi khömi, ba mi'ila mbua-buara, awö nilaura, ba arara dödömi, ba wamakao andrö nifatörögu ba Yeruzalema, ba ngawalö hadia ia, fefu, nifatörögu khöra.[6] 23 Ba tobali arara dödömi labe'e, na anehe ami mbua-buara, awö nilaura, ba aboto ba dödömi, wa no tenga si lö börö, me ulau khöra nilaugu andrö fefu, iŵa'ö So'aya, Yehowa.
Famotokhi ba gahe
editFabaliŵa lala
editOlayama Hezekieli: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö