Famangelama Fara'o:
I. Amaedola geresi si sökhi sibai ia mege
edit1 Ba ba ndröfi si felezara andrö, ba zi sambua desa'a ba mbaŵa si tölu, ba so niŵa'ö Yehowa khögu, imane: 2 He ono niha, ömane khö Wara'ö andrö, razo Miserayi: Ha niha zi falaŵalaŵa khöu, ba wa'ebuamö andrö? 3 Hiza geresi ba hili Libano, si sökhi daha ba si sökhi hogu ba si no alaŵa sibai, ba lawuo si yaŵa irugi hogunia.[1] 4 No idanö wangebuania mege, no molö wamanöi; no ifasui hohounia naha andrö ba nitanö ya'ia, ba irugi mbörö geu ba mbenua fefu eleania. 5 Andrö wa no ebua ia moroi ba geu bö'ö fefu, ba mbenua; itugu tedou wa'ebua hogunia, itugu anau ndrahania ba wa'abölö nidanö, na i'oro'ö ndraha. 6 Ba ndrahania andrö mangazuni ngawalö wofo ba dalu mbanua, ba ba mbörönia mo'ono gutu ndru'u fefu, ba ba lumönia mowanua soi niha andrö, ha wa'oya. 7 Ba no si sökhi ia, ba wa'ebuania andrö, ba wa'anau ndrahania, me no irugi zabölö idanö ŵa'ania. 8 Lö italu'i ia eresi bö'ö, ba kabu Lowalangi, ba lö si falaŵalaŵa khönia daha zenobari, ba daha mbaranga, ba lö si fagölö-gölö khönia; sara lö eu ba kabu Lowalangi andrö, si falaŵalaŵa khönia, ba wa'asökhi.[2] 9 No si sökhi ia ba wa'afahöna ndrahania ube'e, ba fefu döla geu ba Gedena, ba kabu Lowalangi andrö, ba no safökhö tödö khönia.
10 Andrö wa imane So'aya, Yehowa: Me no alaŵa sibai ia ba me no irugi lawuo si yaŵa hogunia, ba me no fayaŵa dödönia, ba wa'amanöinia andrö, 11 andrö wa no ube'e ia ba danga zabölö ba niha baero, da'ö dania zolau khönia; no ba walösökhinia, wa uheta ia ba danö. 12 Ba no la'obö ia niha bö'ö, fondrege zafaito ba niha baero, no laso'agö tou. Ba hili ba ba ndraso misa fefu muzawili duturunia, ba dahania, ba no safatö tou ba ndraso mbombo misa ba danö, ba mofanö soi niha ba danö fefu, laheta ira ba lumönia, ba laröi tou ia.[3] 13 Ba ba mbotonia tou manuge wofo ba dalu mbanua, ba barö ndrahania soso gutu ndru'u ba mbenua fefu, 14 ena'ö böi sa'ae ebua hadia ia geu ba mbewe nidanö, böi sa'ae irugi lawuo si yaŵa hogu, böi sa'ae fayaŵa zabölönia ba da'ö, fefu zanisiö idanö andrö. Noa sa mululu ba wa'amate fefu, ba mbanua tou, ba hunö nono niha bakha, ba zi no möi mitou ba gohokoho. 15 Imane So'aya, Yehowa: Me luo möi mitou ia ba mbanua tou, ba abu dödö nidanö ube'e ba utaha hohounia, ba toba'a nidanö andrö, si no abölö. No ubalugö salu hili Libano, börö ia, ba no ba khönia, wa no ariri geu ba mbenua, fefu. 16 Ba werara wa'aso'ania andrö, ba humisi niha baero ube'e, me utuli'ö ia si tou ba mbanua tou, ba zi no numalö mitou ba gohokoho, ba arara dödö geu Gedena fefu, ba mbanua tou, eu nitutuyu andrö, fondrege zi sökhi ba hili Libano, fefu zanisiö idanö.[4] 17 Si fao khönia göi da'ö mitou ba mbanua tou, ba nibunu si'öli andrö, fabaya nga'ötöra, sonahia ba lumönia mege, bakha ba hunö niha baero. 18 Hezo zi falaŵalaŵa ndra'ugö ba wa'asökhi ba ba wa'alaŵa, ba geu Gedena andrö? Ba awö geu Gedena andrö tetuli'ö si tou ndra'ugö, ba mbanua tou; tou, bakha ba hunö zi lö muboto so'ö dania, ba nibunu si'öli andrö: da'ö Wara'o andrö, fabaya lakhöminia fefu, iŵa'ö So'aya, Yehowa.[5]
Famotokhi ba gahe
editFabaliŵa lala
editOlayama Hezekieli: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö