Tohu-tohu:
1 Ba i'ohedo ba mbawa göli andrö tanö ba gatumbakha luo. 2 Ba hiza, ba to'ele lakhömi Lowalangi Ndraono Gizeraeli, moroi ba gatumbukha luo, no timba wegoso-goso nidanö sebua we'ugu-ugunia, ba humaga danö ba lakhöminia andrö.[1] 3 Ba famaigigu andrö, ba no timba wamaigigu me föna, me to'ele ia ba wamakiko banua; ba famaigigu kureta andrö, ba no si mane famaigi ba mbewe Gebara no; ba ufalögu tou ndra'odo.[2] 4 Ba isaŵa gosali lakhömi Yehowa, itörö mbawa göli andrö, si otahögö atumbukha luo.[3] 5 Ba ifazaŵa ndra'o Eheha ba i'ohedo ba golayama bakha, ba hiza, ba no anönö gosali lakhömi Yehowa.[4] 6 Ba urongo li zihede khögu, si otarai gosali; ba no so na ba ngaigu niha andrö, 7 imane khögu: He ono niha! Hadia, no ö'ila naha dadaomagu andrö, awö naha lalu'a kahegu, nahiagu ba hunö Ndraono Gizeraeli, si lö tebulö? Ba böi sa'ae labe'e ma'uwu Gizeraeli ra'i-ra'iö döigu andrö ni'amoni'ö, — ya'ira andrö ba razora, ba wame'e-me'era adu ba ba hili-hili andrö khöra ba ba mboto razora si no mate,[5] 8 me lafaedo zilötöra ba zilötö khögu ba ehomo khöra ba gehomo khögu, tobali ha bagolö gotaluama; ba lö mamalö-malö wa ra'ira'ö döigu andrö, ni'amoni'ö, labe'e, ba zogoro ita andrö khöra, nilaura, ba no tobali uhori ira ba wönugu andrö.[6] 9 Ba iya'e, ba lö'ö sa'ae lahatö'ö khögu wame'e-me'era adu andrö ba he boto zi mate andrö, boto razora, ena'ö lö mamalö-malö u'iagö ba khöra. 10 Ba ya'ugö ono niha, ba ötanö ba zura nibe'e ba ma'uwu Gizeraeli, he wisa gosali andrö, ena'ö aila ira golalöŵara andrö, ba akha lasu'a göi nomo andrö?[7] 11 Ba na aila ira nilaura andrö fefu, ba botokhi ba dödöra he wisa gosali andrö, he wisa wolau ya'ia ba he lala ba we'amöi baero, awö lala ba we'amöi bakha ba amuatania fefu, ba he wisa wame'e ya'ia fefu ba hadia nifakhoi ba khönia ba oroisa fefu, ba tanö ba zura, ba zanehe ira, ena'ö latöngöni he wisa wolau ya'ia, ba hadia gamakhoita, ba ena'ö la'o'ö. 12 Si mane wame'e osali andrö: ba zuzu hili andrö, ba ni'amoni'ö sibai nahania andrö fefu, fasui. Hiza, da'ö nifakhoi ba gosali andrö.
II. Naha wame'e sumange
edit13 Ba da'ö wa'ebua naha wame'e sumange andrö ba hela, ba sahela, ba no sahela a lalu'a: Toyonia, ba no sahela, ba sahela wa'ebolo; ba lesinia ba zinga, ba lito, fasui. Ba da'ö wa'alaŵa naha wame'e sumange andrö:[8] 14 I'otarai doyo andrö tou, irugi lesi andrö, tanö tou, ba dua hela, ba fa'ebolo, ba sahela; ba i'otarai lesi side-ide andrö, irugi lesi sebua, ba öfa hela, ba sahela wa'ebolo. 15 Ba farikhi andrö ba zumange, ba öfa hela, ba farikhi andrö, ba sotandru miyaŵa, öfa dandru. 16 Ba farikhi, ba felendrua hela wa'anau ba felendrua hela wa'ebolo, no si öfa sagi, si fagölö-gölö.[9] 17 Ba lesi andrö, ba feleöfa hela wa'anau ba feleöfa wa'ebolo, saginia andrö si no fagölö-gölö, ba tarali, fasui, ba matonga hela. Ba toyo andrö, fasui, ba sahela. Ba nibosi andrö, ba no tanö ba gatumbukha luo.
III. Fe'amoni'ö naha wame'e sumange
edit18 Ba imane khögu: He ono niha! Da'ö niŵa'ö Zo'aya, Yehowa: Da'ö nihonogöi ba naha wame'e sumange andrö, na luo wama'anö ya'ia, ba wame'e sumange nitunu ba detenia, ba ba wanefe ya'ia do. 19 Ba öbe'e ba danga gere andrö, ma'uwu Lewi, nga'ötö Zadoki, si tola mangahatö'ö ya'ira khögu, iŵa'ö So'aya, Yehowa, ba wamosumange ya'o öbe'e ba dangara nono zaŵi, sumange fameta horö.[10] 20 Ba öhalö ndronia ösa, ba ögule'ö ba dandru wame'e sumange andrö, si öfa, ba watalinga lesi andrö, si öfa ba ba darali, fasui, fameta sala ba khönia ba ogauta. 21 Ba aefa da'ö, ba öhalö nono zaŵi andrö, sumange fameta horö, ena'ö latunu ia ba naha nihonogöi andrö, baero ni'amoni'ö.[11] 22 Ba mahemolu ö ba öbe'e sumange fameta horö nambi si matua, si lö si sala, fameta zala ba naha wame'e sumange, si mane me labe'e fameta zala ba hönia nono zaŵi andrö. 23 Ba na no o'o'ozui wameta sala andrö, ba öbe'e sumange nono zaŵi si matua, si lö si sala, sara, ba sageu göi zi matua mbiri-biri si lö si sala. 24 Ö'ohe föna Yehowa, ba lalau yaŵa nasio ere ba labe'e sumange Yehowa, sumange nitunu.[12] 25 Fitu bongi wa'ara, ba sageu ma'ökhö öbe'e si matua nambi, sumange fameta horö, ba sara göi nono zaŵi, si matua, labe'e, ba sageu mbiri-biri si matua, si lö si sala. 26 Fitu bongi wa'ara lahetaheta zala ba naha wame'e sumange ba lahaogö ia ba la'amoni'ö.[13] 27 Ba si manö wa'ahöwö mbongi andrö khöra; ba na luo si ŵalu ba na aefa da'ö, ba labe'e zumange nitunu andrö khömi, ba sumange nitaba, ere, ba naha wame'e sumange andrö, ba uhakhösi tödö ami, iŵa'ö So'aya, Yehowa.
Famotokhi ba gahe
edit- ↑ Faigi 1:24; 11:23
- ↑ Faigi 8–11; Faigi 1:4
- ↑ Faigi 11:22,23; 10:19
- ↑ MozII 40:34; RazI 8,10,11
- ↑ Sin 132:7,13,14; 99:5; Nga'ötI 28:2; Yes 66:1
- ↑ Faigi 8:7–18
- ↑ Faigi 16:61,63; 36:32
- ↑ Faigi 40:47; MozII 27:1–8
- ↑ MozII 27:2; Yes 29:1
- ↑ MozII 29; Faigi 40:46
- ↑ MozIII 16:27
- ↑ MozIII 2:13
- ↑ MozII 28:41
Fabaliŵa lala
editOlayama Hezekieli: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö