I. Oroisa khö zobaru baru gere, ba wamazaewe bo galitö ba Yeruzalema edit
1 Ba ufakhölödo, ba hiza, ba yaŵa zi hulö mbanua andrö, yaŵa högö Kerubi andrö, ba so zi hulö weremata nila; oroma yaŵara zi hulö wamaedo dadaoma zalaŵa.[1] 2 Ba imane khö zobaru tarafali andrö: Ae bakha ba gotalua gaolo andrö, tou Kerubi, gokhöi mbo galitö ba gotalua Kerubi andrö, ba fazaewe yaŵa mbania Yeruzalema! Ba möi ia bakha, anehe ndra'o. 3 Ba ba gambölö gosali so Kerubi andrö, me möi ia bakha, ba inönöi golayama tanö bakha lawuo andrö. 4 Ba ifazaŵa ia lakhömi, iröi Kerubi andrö, isaŵa doyo mbawandruhö gosali, ba anönö gosali lawuo andrö, ba olayama, ba anönö haga lakhömi Yehowa.[2] 5 Ba terongo ruru gafi Kerubi, irugi golayama tanö baero sibai, no timba li Lowalangi Si lö ambö fa'abölö, na muhede ia.[3] 6 Ba me iŵa'ö khö zobaru tarafali andrö: Halö galitö ba gotalua gaolo andrö, ba gotalua Kerubi, ba möi ia bakha, i'iagö ba ngai gaolo. 7 Ba i'oro'ö dangania Kerubi andrö ba galitö ba gotalua Kerubi, ituyu [ösa] ba ibe'e ba danga zobaru tarafali andrö, ba ihalö ba mofanö.
8 Ba oroma ba Kerubi andrö zi hulö danga niha, barö gafira. 9 Ba ufaigi, ba hiza gaolo ba ngai Kerubi andrö, öfa, sambua Kerubi, ba sambua gaolo ba ngainia, ba gaolo andrö, ba no timba wa'atakile weremata wirusi, wamaigigu.[4] 10 Ba famaigida ya'ia, ba no fagölö-gölö, ma'a'öfa, hulö na bakha ba gaolo zi zambua so zi sambua. 11 Ba na mofanö, ba öfa rozi lala; lö labali'ö ira, na mofanö; ba ni'otahögö zi sambua la'o'ö; lö labali'ö ira, na mofanö. 12 Ba ösira ma'asambua ba hulura ba tangara ba afira ba he gaolo andrö, ba no anönö hörö, fasui, ba zi öfa andrö.[5] 13 Ba urongo, me tebe'e töi gaolo andrö "dawuyu nangi." 14 Ba öfa bawa zambua. Bawa zi zambua, ba bawa zaŵi si matua, ba si sambua, ba sobawa niha, ba fanete da'ö, ba sobaŵa zingo, ba fanete da'ö, ba sobawa moyo.[6] 15 Ba lafazaŵa ira Kerubi andrö. Ya'ia manö ni'ilagu no, ba mbewe Khebara.[7] 16 Ba na mofanö Kerubi andrö, ba fao gaolo andrö, ba ngaira, ba na labologö gafira Kerubi, ba wamazaŵa ya'ira moroi ba danö, ba lö tebulö ba ngaira gaolo. 17 Ba na labadugö ira Kerubi, ba tebato göi gaolo, ba na lafazaŵa ira Kerubi, ba fao göi gaolo, me no so bakha geheha zaliŵa-liŵa andrö. 18 Ba iheta ia ba doyo mbawandruhö gosali lakhömi Yehowa ba i'iagö yaŵa Kerubi. 19 Ba labologö gafira Kerubi, lafazaŵa ira moroi ba danö — anehe ndra'o, me aefa ira ba fao gaolo andrö. Ba la'iagö zinga mbawandruhö gosali, tanö ba gatumbukha luo, ba yaŵara so lakhömi Lowalangi Ndraono Gizeraeli. 20 Ya'ia zaliŵa-liŵa andrö, ni'ilagu no, dayadaya Lowalangi Ndraono Gizeraeli. Ba u'ila, wa Kerubi. 21 No öfa'öfa mbawara ba öfa'öfa gafira, ba barö gafira, ba no si hulö danga niha. 22 Ba bawara andrö, ba no si mane bawa ni'ilagu no ba mbewe Khebara; famaigida ya'ia ba si ndruhu göi; ba idölö manö ia zambuana.
Famotokhi ba gahe edit
Fabaliŵa lala edit
Olayama Hezekieli: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö