Fango'ozui:
I. Fame'e ola ba mado tanö yöu andrö, si fitu
edit1 Ba da'e döi mado andrö: Ba wondrege yöu, ba ngai lala ba Hetelono, irugi lala ba Hamata ba ba Hasara-Enana ba nola Ndramaseko tanö raya, ba ngai Hamata, tobali khöra i'otarai danö ba ba gatumbukha luo, numalö ba danö ba gaekhula, ba mado Dano, sambua. 2 Ba ba ngai mado Dano, i'otarai danö ba gatumbukha luo, numalö ba danö ba gaekhula, ba mado Gaseri, sambua. 3 Ba ba ngai mado Gaseri, moroi ba gatumbukha, numalö ba gaekhula, ba mado Nafetali, sambua. 4 Ba ba ngai mado Nafetali, moroi ba gatumbukha, numalö ba gaekhula, ba mado Manase sambua. 5 Ba ba ngai mado Manase, moroi ba gatumbukha, irugi ba gaekhula, ba mado Geferayi, sambua. 6 Ba ba ngai mado Geferayi, moroi ba gatumbukha, irugi ba gaekhula, ba mado Rubeno, sambua. 7 Ba ba ngai mado Rubeno, moroi ba gatumbukha, irugi ba gaekhula, ba mado Yuda, sambua.
II. Sinema gere ba sinema Nono Lewi ba sinema mbanua andrö ba sinema razo, ba dalu danö
edit8 Ba ba ngai mado Yuda, moroi ba gatumbukha, irugi ba gaekhula, ba buala andrö, nibe'emi, labe'e, 25.000 hela wa'ebolo ba fa'anau, ba i'ohia'ö dana ba zi sambu-sambua mado, moroi ba gatumbukha, irugi ba gaekhula; ba ba dalunia labe'e ni'amoni'ö andrö. 9 Ba buala andrö nibe'emi khö Yehowa, ba 25.000 hela wa'anau, ba 20.000 hela wa'ebolo. 10 Ba da'ö zokhö buala ni'amoni'ö andrö: Ere, miyöu, ba 25.000 hela, ba tanö ba gaekhula luo, ba 10.000 hela wa'ebolo, ba tanö ba gatumbukha, ba 10.000 hela göi wa'ebolo, ba tanö miraya, ba 25.000 hela wa'anau. Ba ba dalunia bakha labe'e ni'amoni'ö andrö khö Yehowa. 11 Ba gere ni'amoni'ö andrö, nga'ötö Zadoki, si iagö ngoni-ngonigu, si lö elungu, me elungu Ndraono Gizeraeli, si mane fa'elungu Nono Lewi andrö.[1] 12 Khöra ia si faböbö ba mbuala andrö, föfö mbuala tanö andrö, ni'amoni'ö sibai, si faola ba mbenua Nono Lewi. 13 Ba ba Nono Lewi, ba dali nibe'e ba gere: 25.000 hela wa'anau ba 10.000 hela wa'ebolo, tobali 25.000 hela wa'anau, fefu, ba 20.000 hela wa'ebolo. 14 Ba lö tola la'amawa hadia ia ba lö tola lafalalini, lö tola möi ba danga mbö'ö wondrege zi sökhi danö andrö, me no ni'amoni'ö khö Yehowa. 15 Ba si 5.000 hela andrö, si tosai na, bolo andrö, ba zinga zi 25.000 hela andrö, ba ba mbanua, ba zato, möi, naha nomo ba benua zato; ba banua, ba ba dalu bakha so. 16 Ba da'ö wa'ebua: Tanö yöu, ba 4.500 hela, ba tanö raya, ba 4.500 hela, ba tanö ba gatumbukha ba 4.500 ba tanö ba gaekhula, ba 4.500. 17 Ba benua mbanua andrö ba 250 hela tanö yöu ba, 250 tanö raya ba 250 tanö ba gatumbukha ba 250 tanö ba gaekhula. 18 Ba si tosai naunau, ba zinga mbuala ni'amoni'ö andrö, 10.000 hela tanö ba gatumbukha ba 10.000 hela tanö ba gaekhula, da'ö nibe'e si faola ba mbuala ni'amoni'ö andrö, ba buania, ba ö mbanua. 19 Ba banua andrö, ba si fakhöyö, dozi mado Ndraono Gizeraeli. 20 Ba ahonoa nibe'emi buala tanö, ba si öfa sagi, 25.000 hela: buala ni'amoni'ö andrö, fabaya benua mbanua. 21 Ba si tosai, ba khö razo, faoma fatambai mbuala ni'amoni'ö andrö, ba zi fabaya benua mbanua tanö ba gatumbukha luo, ba ngai zi 25.000 hela, irugi nola tanö ba gatumbukha, ba tanö ba gaekhula, ba ngai zi 25.000 hela, irugi nola tanö ba gaekhula, dali dana ba zi sambu-sambua mado; khö razo da'ö, ba buala ni'amoni'ö andrö, ba osali andrö, ni'amoni'ö, ba ba dalu bakha so. 22 Ba i'otarai mbenua Nono Lewi ba benua mbanua, ba gotalua dana khö razo, ba khö razo gotaluara dana ba mado Yuda dana ba mado Mbeniyami.
III. Ola ba mado tanö raya andrö, si lima
edit23 Ba mado si tosai, ba i'otarai danö ba gatumbukha luo, numalö ba danö ba gaekhula, ba mado Mbeniyami, sambua. 24 Ba ba ngai mado Mbeniyami, moroi ba gatumbukha, irugi ba gaekhula, ba mado Zimeoni, sambua. 25 Ba i'otarai mado Zimeoni, moroi ba gatumbukha, irugi ba gaekhula, ba mado Isasari, sambua. 26 Ba ba ngai mado Isasari, moroi ba gatumbukha, irugi ba gaekhula, ba mado Zebuloni, sambua. 27 Ba ba ngai mado Zebuloni, moroi ba gatumbukha, irugi ba gaekhula, ba mado Gado, sambua. 28 Ba ba ngai mado Gado, tanö miraya, ba ola, i'otarai Damara, itörö Me-Meriba, ba zinga Gadesi, irugi mbombo andrö (ola danö Miserayi) ba i'osisi, irugi nasi sebua. 29 Da'ö danö andrö, nifaosami ondröita dania ba mado Ndraono Gizeraeli, si fadahö-dahö ami, ba da'ö dana khöra andrö, iŵa'ö So'aya, Yehowa.
IV. Bawa göli mbanua ni'amoni'ö andrö, si felendrua
edit30 Ba da'ö mbawa göli mbanua — töi mbawa göli mbanua, ba si ohia'ö töi mado Ndraono Gizeraeli —: Tanö yöu, 314.500 hela ba zu'a-su'a andrö, ba tölu mbawa göli, tanö miyöu: bawa göli mado Rubeno, sambua, ba bawa göli mado Yuda, sambua, ba bawa göli mado Lewi, sambua. 32 Ba tanö ba gatumbukha luo, 4.500 hela, ba tölu mbawa göli: bawa göli mado Yosefo, sambua, ba bawa göli mado Mbeniyami, sambua, ba bawa göli mado Dano, sambua. 33 Ba tanö raya, 4.500 hela, ba tölu mbawa göli: bawa göli mado Zimeoni, sambua, ba bawa göli mado Isasari, sambua, ba bawa göli mado Zebuloni, sambua. 34 Ba tanö ba gaekhula luo, 4.500 hela, ba tölu mbawa göli: bawa göli mado Gado, sambua, ba bawa göli mado Gaseri, sambua, ba bawa göli mado Nafetali, sambua. 3.518.000 hela, fasui, ba töi mbanua, na luo da'ö dania, ba "Yehowa ba da'ö."
Famotokhi ba gahe
edit- ↑ Faigi 44:15
Fabaliŵa lala
editOlayama Hezekieli: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö