I. Horö zatua mbörö wamakao Yeruzalema andrö
edit1 Ba ifazaŵado Eheha ba i'ohedo ba zinga mbawandruhö gosali Yehowa tanö ba gatumbukha luo, si otahögö atumbukha; ba 25 niha ba da'ö, ba zinga mbawandruhö, ba u'ila ba khöra zalaŵa, Ya'asania, ono Asuri ba Felatia, ono Mbenaya.[1] 2 Ba imane khögu: He ono niha, da'ö niha andrö sangalui famakiko, samakhai tödö si lö sökhi ba mbanua andre, 3 sanguma'ö: "Lö alio sibai ginötö wolau omo: bowoa mbanua, ba diwo nirino ita!" 4 Ba ama'ele'ö ba khöra, ama'ele'ö, ya'ugö ono niha! 5 Ba ihawuido Eheha Yehowa, ba imane khögu: Ömane: Da'ö niŵa'ö Yehowa: Si manö wehedemi, ya'ami ma'uwu Gizeraeli, ba hadia zi tesao ba dödömi, ba noa sa'ae aboto ba dödögu. 6 Ato nibunumi yomo ba mbanua andre, no mibe'e anönö newali nibunu tou. 7 Andrö wa imane So'aya Yehowa: Nibunumi andrö, ni'ö'ötömi tou, da'ö ndriwo andrö ba banua mbowoa! Ba ya'ami, ba niheta ba mbanua. 8 Si'öli mi'ata'ufi, ba si'öli ufatörö khömi, iŵa'ö So'aya, Yehowa. 9 Ba uheta ami ba mbanua, ube'e ba danga niha bö'ö ami ba ufatörö khömi huku. 10 Si'öli wamunumi dania, ba nola danö Ndraono Gizeraeli uhuku ami, ba ya aboto ba dödömi wa no ya'o Yehowa. 11 Böi tobali bowoa khömi mbanua ba tenga diwo ami bakha; ba nola danö Ndraono Gizeraeli uhuku ami. 12 Ba ya aboto ba dödömi ba da'ö, wa no ya'o Yehowa, si lö ni'o'ömi nifakhoinia ba si lö nitöngönimi huku; no huku niha baero, si tefasui ya'ami, mi'o'ö. 13 Ba fatua mama'ele'ö ndra'o, ba no mate Welatia, ono Mbenaya. Ba ufalögu tou ndra'o, mu'aodo, ebua ligu, umane: Alai ndra'o, ya'ugö So'aya, Yehowa, hadia, öfalua sa'ae wangohori si tosai Iraono Gizeraeli?
14 Ba humede khögu Yehowa, imane: 15 He ono niha, talifusömi, iwami, si tengabö'ömi ba ma'uwu Gizeraeli fefu, orudu, niŵa'ö mbanua Yeruzalema: "No aröu gotaluara Yehowa; khöma no mutehe danö, okhötama!" 16 Andrö wa ömane: Da'ö niŵa'ö Zo'aya, Yehowa: Ya'ia, no ube'e ba zaröu ira, ba niha baero, no ufazawili ira ba danö zotanö, ba no ha ma'ifu ni'amoni'ö ndra'o khöra, ba danö andrö misa, si no larugi. 17 Andrö wa ömane: Da'ö niŵa'ö Zo'aya, Yehowa: Ba u'ozaragö ami ba niha baero andrö ba u'owuloi ami moroi ba danö andrö misa, ba nifazaewe ya'ami, ba ube'e khömi danö Ndraono Gizeraeli. 18 Ba larugi dania da'ö, ba lahori ba danö zihokha mbuda andrö khöra, fefu, awö zogoro ita andrö, fefu. 19 Ba ube'e khöra dödö si bohou, ba Eheha si bohou ube'e ba dödöra bakha; tödö kara andrö, ba uheta barö doto, ba ube'e khöra dödö nagole,[2] 20 ena'ö la'o'ö nifakhoigu ba ena'ö latöngöni huku andrö khögu ba ena'ö latörö; ba banuagu dania ira ba Lowalangira ndra'odo.[3] 21 Ba na so zadöni tödö ba zogoro ita andrö khöra ba ba zihokha mbuda andrö, khöra usulöni wolaura! — iŵa'ö So'aya, Yehowa.
III. Iheta ia ba Yeruzalema lakhömi Yehowa andrö
edit22 Ba labologö gafira Kerubi andrö, ba fao khöra gaolo andrö, ba yaŵara so lakhömi Lowalangi Ndraono Gizeraeli. 23 Ba ifazaŵa ia lakhömi Yehowa, moroi ba dalu newali mbanua, ba i'iagö zuzu hili, tanö ba gatumbukha luo, na ta'otarai mbanua.[4] 24 Ba ifazaŵa ndra'o Eheha, i'ohedo ba danö Ndrawa Galedaia, ba ni'oloi'ö andrö, ba gangilata. Eheha Lowalangi zolohe ya'o. Ba iheta ia khögu angilata andrö, ni'ilagu mege. 25 Ba u'ombakha'ö ba ni'oloi'ö andrö daroma li Yehowa fefu, nifa'ele'önia khögu.
Famotokhi ba gahe
editFabaliŵa lala
editOlayama Hezekieli: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö